قامشى رەداكسياسىنا شىعىس قازاقستان وبلىسى كۇرشىم اۋدانى كۇرشىم اۋىلىنىڭ تابىسبەك كانگيلدا ەسىمدى ؛تۇرعىنى حابارلاسىپ, "اۋداندىق سوت ءوزىن نەگىزسىز جاۋاپكەرشىلىككە تارتىپ وتىرعانىن" جەتكىزدى. ؛تۇرعىننىڭ ايتۋىنشا, ءشىرىپ قۇلاپ جاتقان تەرەكتى وتىنعا الىپ كەتپەك بولعانىندا, پوليسەيلەر "اعاشتى زاڭسىز كەستىڭ" دەپ ايىپتاپ, ۇستىنەن اكىمشىلىك ءىس قوزعاعان.
وقيعا 2020 جىلعى 30 قىركۇيەكتە بولعان. ؛
&ndash؛ اۋىل ماڭىندا مال جايىپ ءجۇرىپ, تەرەك قۇلاپ جاتقانىن كوردىم. كەيىنىرەك تراكتورمەن كەلىپ, ۇيگە وتىنعا الىپ كەتپەك بولعانىمدا پوليسيا قىزمەتكەرلەرى ۇستادى. پوليسەيلەر تەرەكتى ءوسىپ تۇرعان جەرىنەن كەسىپ العانىمدى ايتسام, جەڭىلدىك بولاتىنىن, اكىمشىلىك قۇقىقبۇزۋشىلىق تۋرالى حاتتاما عانا تولتىراتىنىن ايتتى. "ەگەر ءوزى قۇلاپ جاتقان اعاشتى الدىم دەسەڭ, بوتەننىڭ مۇلكىن ۇرلاۋ بولادى, جازاسى اۋىر, سوتتالىپ كەتۋىڭ مۇمكىن" دەپ قورقىتتى. سوندىقتان قورىققانىمنان پوليسيا قىزمەتكەرلەرىنىڭ ايتقانىنا كەلىستىم, ؛&ndash؛ دەيدى تۇرعىن.
؛
2020 جىلدىڭ 4 قاراشا كۇنى سوت شەشىمىمەن تابىسبەك كانگيلدا اكىمشىلىك قۇقىق بۇزۋشىلىق تۋرالى كودەكستىڭ (اقبتك) 381-1-بابى 1-بولىگى نەگىزىندە (اعاشتار مەن بۇتالاردى زاڭسىز كەسۋ, جويۋ نەمەسە زاقىمداۋ) كىنالى دەپ تانىلىپ, كولىك قۇرالى تاركىلەنىپ, 10 اەك كولەمىندە ايىپپۇل سالىنعان.
تابىسبەك كانگيلدا سوتتىڭ بۇل شەشىمىمەن كەلىسپەيدى. ويتكەنى شىنايى جاعداي ىستە باياندالعانداعىداي بولماعان.
&ndash؛ وقيعا بولعان جەردى قاراۋ حاتتاماسىنا فوتو تىركەلگەن. سول جەردە "مەن كەسىپ الدى" دەلىنگەن اعاش ءتۇبىرىنىڭ فوتاسى بار. ءبىراق فوتونى ادەيى دۇرىس كورىنبەيتىن ەتىپ شىعارعان. ول فوتادان اعاشتىڭ نە كەسىلگەنى, نە ءوزى ءشىرىپ قۇلاعانى دۇرىس كورىنبەيدى. مەن ءوزىم سول جەرگە بارىپ سول اعاشتىڭ ءتۇبىرىن فوتوعا جانە بەينەتاسپاعا ءتۇسىرىپ الدىم. مەن ۇسىنىپ وتىرعان فوتادا اعاشتىڭ كەسىلمەگەنى, كەرىسىنشە ءوزى ءشىرىپ قۇلاعانى انىق كورىنىپ تۇر. اعاشتىڭ بولىنگەن جەرى تەگىس ەمەس, ەگەر اعاش ارامەن كەسىلگەن بولسا, اعاشتىڭ ءتۇبىرى تەگىس بولۋ كەرەك. ەگەر بالتادى دەسەك, وندا دا بالتانىڭ ىزدەرى اعاشتا قالىپ, اعاش ۇشكىنشالارى بولۋى كەرەك جانە اعاش فوتوداعى سەكىلدى تۇبىرىنەن بولىنبەيدى. ال فوتادان اعاشتىڭ ورتاسى اعارىپ, شىرىگەنى بايقالادى. بۇل اعاشتىڭ ءوزى ءشىرىپ, قۇلاعانىن مامان تۇگىلى قاراپايىم ادامعا دا كورىنىپ تۇر. ايتقاندارىمدى وقيعا بولعان جەرگە بارىپ, كوز جەتكىزۋگە بولادى. ءوسىپ تۇرعان اعاشتى العانىم جوق, تەك ءوزى ءشىرىپ قۇلاپ قالعان اعاشتى الماقشى بولدىم, ؛&ndash؛ دەيدى ول.
تابىسبەك كانگيلدا قىتايدان كوشىپ كەلگەن قانداس. كيريلل ءارپىن تانىمايدى. تابىسبەك كانگيلدان پوليسيا قىزمەتكەرلەرى كيريللشە جازىلعاندى وقي الماعانىن پايدالانىپ كەتكەنىن, ال سوت قوسىمشا جاعداي جاساپ, اۋدارماشى تاعايىنداماعانىن ءمالىم ەتتى.
&ndash؛ قىتايدا قازاق ءتىلى اراب الىپپەسى نەگىزىندە وقىتىلدى. سوندىقتان قازاقشا سويلەگەنىممەن, "كيريلليسا" ارىپتەرىمەن جازىلعان قازاق جازۋىن تانىمايمىن. قازاقستانعا كوشىپ كەلگەلى ارنايى كۋرستاردى وقيتىن مۇمكىندىگىم بولمادى. سوتقا قازاقشا ءماتىندى وقي, جازا المايتىنىمدى ايتقانمىن. سوعان قاراماستان تەكسەرۋ كەزىندە جانە سوت پروسەسى كەزىندە وسى جاعداي ەسكەرىلمەي, ماعان اۋدارماشى بەرگەن جوق. ءىس ماتەريالدارىندا مەنىڭ قولىممەن جازىلعان جازۋ جوق. تەك قولدارىم عانا بار. پوليسيا قىزمەتكەرى تراكتور مەن تىركەمەنى ۋاقىتشا قايتارىپ بەرگەنگە قولحات جازۋىمدى سۇراعان كەزدە مەن جازا الماعان سوڭ, ول قولحاتتىڭ ءماتىنىن كومپيۋتەرمەن ءوزى تەرىپ, ماعان قول قويعىزدى. بۇنىڭ ءبارى مەنىڭ "كيريلليسا" ارىپتەرىمەن جازىلىپ-وقىلاتىن قازاق ءتىلىن بىلمەۋىمنىڭ دالەلى. سونىمەن قاتار ءىس جۇرگىزۋ ءتىلىن بىلمەگەندىكتەن, پوليسيا تەكسەرۋ جۇرگىزگەن كەزدە جانە سوت پروسەسى كەزىندە ادۆوكات مەنىڭ مۇددەمدى مىندەتتى تۇردە قورعاۋى كەرەك بولعان. ءبىراق سوتقا ادۆوكات قاتىستىرىلعان جوق, ؛&ndash؛ دەيدى تابىسبەك.
كۇرشىم اۋىلىنىڭ تۇرعىنى كەسىپ الدى دەلىنگەن تەرەكتىڭ قۇنىن سوت 722,28 تەڭگەگە باعالاعان. ءبىراق سوت ۇكىمى بويىنشا تابىسبەك كانگيلدانىڭ قۇنى ءبىر ميلليون تەڭگە تۇراتىن تراكتورى مەن تىركەمەسىن تاركىلەگەن.
&ndash؛ 2020 جىلعى 4 قاراشادا كۇرشىم اۋداندىق سوتى مەنى قر ءاقبت كودەكسىنىڭ 381-1-بابىنىڭ 1-بولىگىمەن كىنالى دەپ تاۋىپ, نەگىزگى جازا رەتىندە 19446 تەنگە ايىپپۇل سالىپ, قوسىمشا جازا رەتىندە قىتاي حالىق رەسپۋبليكاسىندا شىعارىلعان تراكتور (مەملەكەتتىك نومەرى f 402 ame) مەن تراكتورعا تىركەمەنى (مەملەكەتتىك نومەرى awdf 920) مەملەكەت پايداسىنا تاركىلەدى. مەن سوتتىڭ شىعارعان بۇل قاۋلىسىمەن كەلىسپەيمىن. بىرىنشىدەن, مەن جاساعان قۇقىقبۇزۋشىلىق سالدارىنان مەملەكەتكە كەلگەن زياننىڭ مولشەرى جانە ماعان تاعايىندالعان جازانىڭ مولشەرى ساي ەمەس, مەنى ءبىر اعاشتى زاڭسىز كەستى دەپ ايىپتاپ وتىر. كەلتىرىلگەن زالال مولشەرى نەبارى 722 تەڭگە 28 تيىن. سوعان قاراماستان سوت ماعان ايىپپۇل سالىپ قانا قويماي, مەنىڭ تراكتورىمدى جانە تىركەمەسىن تاركىلەپ وتىر. قازىرگى ۋاقىتتا وسىنداي تراكتور مەن ونىڭ تىركەمەسى شامامەن 1 ميلليون تەنگە تۇرادى. مەن وسى تراكتور مەن تىركەمەنى بانكتەن كرەديت الىپ ساتىپ العان بولاتىنمىن. نەسيە ءالى كۇنگە دەيىن وتەلىپ بىتكەن جوق. مەنىڭ كامەلەتكە تولماعان بەس بالام بار. جۇبايىم سول بالالارعا قاراپ, جۇمىس ىستەمەيدى. مەن وسى تراكتورمەن جاز ايلارىندا اۋىلداستاردىڭ ءشوبىن شاۋىپ, ونى تاسىپ, تابىس تاۋىپ وتىرمىن. قىس ايلارىندا وسى تراكتورمەن دايارلاعان ءشوپتىڭ ارقاسىندا اۋىلداستاردىڭ ءىرى كارا مالدارىن ۇيگە الىپ باعىپ بەرەمىن دە, سول ءۇشىن اقشا الامىن. وزىمدە مال جوق, مەنىڭ تراكتورىمدى جانە ونىڭ تىركەمەسىن تاركىلەپ الىپ قويعان جاعدايدا مەن بەس بالامدى قالاي اسىرايمىن؟ بۇل تراكتور قازىرگى ۋاقىتتا مەنىڭ جانۇيامدى اسىراپ وتىرعان جالعىز تابىس كوزى, ؛&ndash؛ دەيدى اراشا بولۋدى سۇراعان تابىسبەك.
سوت قاۋلىسى شىققان سوڭ وزىنە ادۆوكات جالداعان تابىسبەك اتالعان ىسكە قاتىستى اپپەلياسيالىق شاعىم تۇسىرگەن. قازىرگى ۋاقىتتا وسى وقيعاعا قاتىستى ساراپتاما تاعايىندالىپ, ءىستىڭ اق-قاراسى انىقتالىپ جاتىر.
پىكىر قالدىرۋ
پىكىر