"؛جاتىرىن الىپ تاستادى"؛. گينەكولوگ بوسانۋ كەزىندەگى قاتەلىكتەردى ايتتى

پرەزيدەنت توقاەۆ بيىل انا مەن بالا ءولىمىنىڭ ارتقانىن ايتتى. ؛رەسمي مالىمەت بويىنشا, بيىلعى سەگىز ايدا بوسانۋ بارىسىندا 131 ءولىم تىركەلگەن. اكۋشەر-گينەكولوگ, مەديسينا عىلىمدارىنىڭ كانديداتى راۋشان ەسپاەۆا انا مەن بالا ءولىمىنىڭ سەبەپتەرى مەن وعان سوقتىراتىن فاكتورلار تۋرالى ايتىپ بەردى.

&ndash؛ جۇكتىلىك كەزەڭى نەگىزىنەن ايەلدىڭ قوسىمشا اۋرۋلارىنا جانە بوسانۋ رەتىنە بايلانىستى بولادى. انەميا, قانت ديابەتى, ارتەريالدى قان قىسىمىنىڭ جوعارى بولۋى, سەمىزدىك, بۇيرەك اۋرۋلارى جانە ت.ب. اۋرۋلار جۇكتىلىك اسقىنۋلارىنا الىپ كەلەدى.

بۇل اۋرۋ تۇرلەرى جۇكتىلىك كەزىندە پرەەكلامپسيانىڭ اۋىر دارەجەسى, قاعاناق سۋدىڭ قالىپتان تىس بولۋى &ndash؛ كوپسۋلىق نەمەسە ازسۋلىق, رەزۋس-قايشىلىق, نارەستەنىڭ قۇرساقىشىلىك دامۋىنىڭ تەجەلۋى سياقتى كۇردەلى اسقىنۋلارعا سوقتىرۋى مۇمكىن.

سونىمەن قاتار, جۇكتىلىك كەزەڭىنە ايەلدىڭ جاس ەرەكشەلىگى دە اسەر ەتەدى. مىسالى العاش بوساناتىن كامەلەتكە تولماعان (18 جاسقا دەيىن) نەمەسە جاسى ۇلكەن ايەلدەردە (30 جاستان جوعارى) جۇكتىلىك كەزىندە جانە بوسانۋ ۋاقىتىندا ءتۇرلى اۋرۋ اسقىنۋى مۇمكىن. ەگەر ايەلدىڭ الەۋمەتتىك جاعدايى تومەن, زياندى ادەتتەرى بار نەمەسە كوپبالالى انا بولسا, اسقىنۋ جيىلەي تۇسەدى.

جوعارىدا اتالعان اۋرۋ تۇرلەرى جۇكتىلىك كەزىندە جانە بوسانۋ بارىسىندا ءارتۇرلى قيىندىقتارعا اكەلەدى. سوعان بايلانىستى جۇكتى ايەلدەردىڭ كەيبىرى مەرزىمىنەن ەرتە بوسانۋى مۇمكىن. كەي جاعدايدا ايەلدەردى ارنايى ەرتە بوساندىرىپ الادى.

جۇكتىلىك كەزىندە اۋرۋلاردىڭ اسقىنۋى بوسانۋ بارىسىنا كەرى اسەر ەتۋى مۇمكىن. بۇل انا مەن بالانىڭ ومىرىنە ءقاۋىپ توندىرەدى, ؛&ndash؛ دەيدى ول.

اكۋشەر-گينەكولوگ انا مەن بالا ولىمىنە ءتۇرلى اۋرۋلاردىڭ اسەر ەتەتىنىن ايتتى.

&ndash؛ كوبىنەسە انا مەن بالا ولىمىنە ايەلدىڭ قوسىمشا اۋرۋلارى اسەر ەتەدى. مۇنداي جاعداي بولماس ءۇشىن جۇكتىلىكتى الدىن الا جوسپارلاعان دۇرىس. دارىگەردىڭ رۇقساتىمەن عانا قۇرساق كوتەرگەن ءجون. ەگەر ايەل انەميا, قانت ديابەتى جانە ت.ب. اۋرۋ تۇرىمەن اۋىراتىن بولسا, الدىن الا ەمدەلۋى قاجەت. قۇرساققا بالا بىتپەستەن 2-3 اي بۇرىن جولداسى ەكەۋى فوليي قىشقىلىن قابىلداپ, زياندى ادەتتەردەن باس تارتۋى كەرەك. جۇكتىلىك كەزىندە سترەسكە ۇشىراماي, ساپالى تاماقتانۋعا اسا ءمان بەرگەنى دۇرىس.

قازىرگى الەمدەگى جاعدايعا بايلانىستى جۇكتىلىكتىڭ ەكىنشى-ۇشىنشى تريمەستىرىندە تۇماۋعا قارسى ۆاكسيناسيا جۇرگىزۋگە كەڭەس بەرەمىن. ويتكەنى بۇل كەزەڭدە كەلىنشەكتەردىڭ يممۋنيتەتى تومەندەيدى. كوروناۆيرۋس ينفەكسياسىن جۇقتىرىپ الۋدان بارىنشا ساقتانۋ قاجەت. ءار جۇكتى ايەل جۇكتىلىك كەزىندەگى ءقاۋىپتى بەلگىلەر تۋرالى بىلگەنى ءجون. ەگەر وسىنداي بەلگىلەر پايدا بولسا, دەرەۋ جەدەل جاردەمدى شاقىرۋ قاجەت, ؛&ndash؛ دەيدى راۋشان ەسپاەۆا.

ول ءولىم-جىتىم ورىن الماس ءۇشىن جۇكتىلىك كەزىندە الدىن الا قانداي شارالار قولدانۋ كەرەگىن جەتكىزدى.

&ndash؛ جۇكتىلىكتى جوسپارلاۋ, سوزىلمالى اۋرۋلاردى جۇكتىلىككە دەيىن ەمدەۋ, ايەلدەر كەڭەسىنە ۋاقىتىلى ەسەپكە تۇرۋ, ەشقانداي ءوز بەتىمەن ەم قابىلداماۋ قاجەت. دارىگەردىڭ كەڭەسىن مۇقيات تىڭداپ, ايتقانىن ەكى ەتپەي ورىنداڭىز. دەنساۋلىعىڭىزعا ۇلكەن جاۋاپكەرشىلىكپەن قاراساڭىز دارىگەرگە دە, وزىڭىزگە دە كومەكتەسەسىز.

ەگەر كوروناۆيرۋس جۇقتىرىپ العاننان كەيىن جاعدايى ورتاشا نەمەسە اۋىر تۇردە بولسا, مىندەتتى تۇردە اۋرۋحانادا ەمدەلۋ قاجەت. ەگەر دە جەڭىل تۇردە بولسا, وندا ءۇي جاعدايىندا دارىگەر باقىلاۋىمەن ەمدەلۋگە بولادى. جەڭىل تۇردەگى كوروناۆيرۋس انا مەن بالا ومىرىنە ءقاۋىپتى ەمەس. ال ورتاشا جانە اۋىر تۇردەگى كوروناۆيرۋس ينفەكسياسى پنەۆمونيا جانە تىنىس الۋ جەتىسپەۋشىلىگى سەكىلدى اسقىنۋعا اكەلۋى مۇمكىن. بۇلار انا مەن ءسابيدىڭ ومىرىنە ءقاۋىپ توندىرەدى, ؛&ndash؛ دەيدى ول.

اكۋشەر-گينەكولوگ راۋشان ەسپاەۆا دەرتى اسقىنعان جۇكتى كەلىنشەكتىڭ وقيعاسىن بايانداپ بەردى.

&ndash؛ وسى ۋاقىتقا دەيىن پەرزەنتحانا مەن شۇعىل گينەكولوگيادا جۇمىس ىستەدىم. جۇمىسىمدا ەستە قالار ءتۇرلى وقيعالار بولدى. بيىل قىركۇيەك ايىنىڭ سوڭىندا جىلدىق دەمالىسىما شىعاردان ءبىر اپتا بۇرىن جۇكتى ايەل ەسەپكە تۇردى. ونىڭ وڭ جاق اياعىندا ارتەريالدى ترومبوزى بولعان. وسى دياگنوزى بولا تۇرا, ەكى بالانى دۇنيەگە الىپ كەلگەن. ءبىرىنشى پەرزەنتىن ءوزى بوسانعان, ال ەكىنشىسىندە كەسار تىلىگى ارقىلى بوسانعان.

بىزدىڭ ورتالىققا ءۇشىنشى بوپەسىنە جۇكتى كەزىندە كەلدى. ءبىراق 13-14-اپتاسىندا كەلگەن ەدى. وسى ۋاقىتقا دەيىن ءوز بەتىمەن ەمدەلىپ جۇرگەن. ەسەپكە تۇرعاننان ءبىر اپتا وتكەن سوڭ رەترومبوز (ترومبوزدىڭ ءورشۋى) انىقتالدى. اۋرۋىنىڭ اسقىنىپ بارا جاتقانىن بىلگەن سوڭ, دەرەۋ اۋرۋحانانىڭ رەانيماسيا بولىمشەسىنە جاتقىزىلدى. بۇل جاعداي تۋرا مەنىڭ دەمالىس ۋاقىتىمدا بولسا دا اۋرۋحاناعا بارىپ ءجۇردىم. سەبەبى انا مەن ءسابيدىڭ ومىرىنە ءقاۋىپ ءتونىپ تۇردى. اقىر سوڭى رەترومبوزى ەمدەۋگە كەلمەگەندىكتەن, ايەل ءومىرىن ساقتاپ قالۋ ءۇشىن جۇكتىلىكتى توقتاتۋعا كەلدى. مۇنداي اسقىنعان اۋرۋمەن جۇكتى بولۋعا قاتاڭ تىيىم سالىنعان. سول سەبەپتى وتا جاسالىپ, ايەلدىڭ جاتىرىن الىپ تاستادى, &ndash؛ دەدى ەسپاەۆا.