«قازاقستاننىڭ بولاشاقتاعى جاستار قوزعالىسى» قوعامدىق بىرلەستىگى اقتوبە وبلىسىنداعى بالالار قۇقىعىنىڭ قورعالۋ جاعدايىنا ساراپتاما جۇرگىزدى

بۇل زەرتتەۋدىڭ ماقساتى - وبلىستا بالالاردىڭ قۇقىقتارىن ىسكە اسىرۋداعى اعىمداعى جاعداي تۋرالى جالپى ناقتى تۇسىنىك الۋ.
وسى ماقساتقا جەتۋ ءۇشىن زەرتتەۋ بارىسىندا ءبىرقاتار مىندەتتەر شەشىلدى.
وبلىس بويىنشا بويىنشا 1500 بالا مەن 250 اتا-انا, 250 پەداگوگ اراسىندا جۇرگىزىلگەن ساۋالنامادا بالالاردىڭ 98%-ى ءوز قۇقىقتارىن جەتىك بىلەمىن دەپ جاۋاپ بەرگەن. سۇرالعانداردىڭ كونتينگەنتى - 7 جاستان 17 جاسقا دەيىنگى بالالار. بالالاردىڭ ءوز قۇقىقتارى تۋرالى قانشالىقتى بىلەتىندىگىن انىقتاۋ ءۇشىن بىرنەشە تىكەلەي, ناقتىلايتىن جانە جاناما سۇراقتار قويىلدى. بالالار ءار ءتۇرلى اقپاراتتىق رەسۋرستارعا قول جەتكىزە الادى جانە ءتيىستى اقپاراتتى قايدان تابۋعا بولاتىنىن بىلەدى. ولار اقپارات كوزدەرى رەتىندە كوبىنەسە مەكتەپتەگى ساباقتاردى, اتا-انالار مەن مۇعالىمدەردى اتايدى.
تاعى ءبىر وتە قۋانارلىق جاعداي - بالالاردىڭ قىزىعۋشىلىقتارى مەن كۇندەلىكتى تىنىس-تىرشىلىگى وتباسىلىق تالقىلاۋدىڭ تۇراقتى تاقىرىبى ەكەنى انىقتالدى. بالالاردىڭ قاتىسۋىمەن وتكىزىلەتىن وتباسىلىق اڭگىمەلەسۋدىڭ ەڭ كوپ تالقىلاناتىن تاقىرىپتارى - بۇل ولاردىڭ وقۋى, وتباسى مۇشەلەرىنىڭ دەنساۋلىعى جانە بالالاردىڭ قىزىعۋشىلىعى ماسەلەلەرى. رەسپوندەنتتەردىڭ وتباسىلارىنا دەگەن سەنىم دەڭگەيى دە جوعارى: سۇرالعان بالالاردىڭ ۇشتەن ەكىسى ءوز تاجىريبەلەرىمەن ەركىن بولىسەدى جانە وتباسى مۇشەلەرىنىڭ تۇسىنۋىنە جانە قولداۋىنا سەنە الادى.