نۇرلان نوعاەۆ جەر قويناۋىن پايدالانۋشىلارعا: ء«وز مىندەتتەمەلەرىڭىزگە جاۋاپكەرشىلىكپەن قاراۋلارىڭىز قاجەت, ءارتۇرلى امال-ايلا قولدانباڭىزدار

ەنەرگەتيكا ءمينيسترى نۇرلان نوعاەۆ پەن اقتوبە وبلىسىنىڭ اكىمى وڭداسىن ورازالين وڭىردەگى مۇناي-گاز سالاسىنىڭ ءبىرقاتار نىساندارىن ارالادى.

دەلەگاسيا «؛gas processing company»؛ جشس-نىڭ «؛قوجاساي»؛ گاز وڭدەۋ زاۋىتىنىڭ جۇمىسىمەن تانىسىپ, جاڭاجول گاز وڭدەۋ زاۋىتىندا جانە «؛سنپس &ndash؛ اقتوبەمۇنايگاز»؛ اق-نىڭ گازتۋربينالى ەلەكتر ستانسياسىندا بولدى.
ساپار قورىتىندىسى بويىنشا مۇناي-گاز سالاسى, كاسىپكەرلەر, ەنەرگەتيكا مينيسترلىگى مەن اقتوبە وبلىسى اكىمدىگى وكىلدەرىنىڭ قاتىسۋىمەن كەزدەسۋ ءوتتى.

- وبلىس اكىمى ەنەرگەتيكا مينيسترلىگىنىڭ الدىنا كەن ورىندارىنا جاقىن ورنالاسقان ەلدى مەكەندەردى گازبەن جابدىقتاۋعا جاردەمدەسۋ, سونداي-اق ولاردىڭ تۇرعىندارىن جۇمىسپەن قامتاماسىز ەتۋ ماسەلەسىن قويىپ وتىر. ءبىز جەر قويناۋىن پايدالانۋشىلارمەن وسى ماسەلەلەردى پىسىقتاپ, ولاردىڭ الەۋمەتتىك جاۋاپكەرشىلىگى اياسىندا قولداۋ كورسەتەمىز. سونداي-اق جەر قويناۋىن ۇتىمدى پايدالانۋ جانە قورشاعان ورتاعا اسەردى ازايتۋ وتە ماڭىزدى. جەر قويناۋىن پايدالانۋشىنىڭ كەلىسىمشارتتىق مەرزىمى اياقتالعانىمەن, كەن ورنى مەن وعان ىرگەلەس جەردى پايدالانۋ مەرزىمى اياقتالمايدى, ءبىزدىڭ ورتاق مىندەتىمىز &ndash؛ كەن ورىندارىنىڭ قىزمەت ەتۋ مەرزىمىن ۇلعايتۋ, بۇل تەك ۇقىپتى پايدالانۋ كەزىندە عانا مۇمكىن بولادى. بۇل ماسەلە مينيسترلىكتىڭ تۇراقتى باقىلاۋىندا, - دەدى نۇرلان نوعاەۆ.

اڭگىمەلەسۋ بارىسىندا ءبىرقاتار كاسىپكەرلەر وزدەرىنىڭ كوزقاراسى بويىنشا جەكەلەگەن جەر قويناۋىن پايدالانۋشىلاردىڭ ساتىپ الۋلارىنىڭ اشىقتىعىنا الاڭداۋشىلىق ءبىلدىردى, سونداي-اق ۋاكىلەتتى ورگانداردان مۇناي-گاز سالاسىنداعى ساتىپ الۋلارداعى جەرگىلىكتى قامتۋدى ۇلعايتۋ جونىندەگى جۇمىستى كۇشەيتۋدى سۇرادى. نوعاەۆتىڭ ايتۋىنشا, قازىرگى ۋاقىتتا قازاقستاندا chevron كوماپنياسى 248,5 ميلليون اقش دوللارىن ءبولۋدى جوسپارلاپ وتىرعان جەرگىلىكتى قامتۋدى دامىتۋ قورى قۇرىلۋدا. وسى قوردان ينۆەستيسيالار تەحنولوگيالار مەن it-گە, بازالىق تاۋارلار وندىرىسىنە, مۇناي-گاز سەكتورى جابدىقتارىنىڭ جەكەلەگەن تۇرلەرىن جيناقتاۋعا جانە قورشاعان ورتانى قورعاۋعا سالىناتىن بولادى. بۇدان باسقا, ەلىمىزدە مۇناي-گاز ماشيناسىن جاساۋ مەن سەرۆيستى دامىتۋدىڭ حالىقارالىق ورتالىعى قۇرىلاتىن بولادى, ونىڭ ماقساتى قر-دىڭ مۇناي-گاز سالاسىنا ارنالعان تاۋارلار مەن كورسەتىلەتىن قىزمەتتەر ءوندىرىسىن وقشاۋلاۋ بولىپ تابىلادى.

- ءوز كەزەگىندە جەر قويناۋىن پايدالانۋشىلار دا ءوز مىندەتتەمەلەرىنە, جەرگىلىكتى قامتۋدى دامىتۋعا جاۋاپكەرشىلىكپەن قاراۋى ءتيىس. كاسىپكەرلەردىڭ شاعىمدارى نەگىزدى دەپ سانايمىن. مۇناي-گاز سالاسىندا تاپسىرىستاردى ورىندايتىن شارتتى وتاندىق فيرمالاردىڭ تۇپكىلىكتى بەنەفيسيارى شەتەلدىك كومپانيالار نەمەسە جەكە تۇلعالار بولىپ تابىلاتىن جاعدايلار كەزدەسىپ جاتادى. ءارتۇرلى امال-ايلا قولدانۋدىڭ قاجەتى جوق. قازاقستانعا جۇمىس ىستەۋگە كەلگەن ينۆەستورلار جەرگىلىكتى قامتۋدى دامىتۋ, قازاقستاندىقتاردى جۇمىسقا ورنالاستىرۋ بويىنشا مىندەتتەمەلەردى وزىنە الادى, ولاردى ورىنداۋ قاجەت, - دەپ اتاپ ءوتتى نۇرلان نوعاەۆ. جاساندى كەدەرگىلەر قويۋ جانە بەلگىلى ءبىر كومپانيالار ءۇشىن ارنايى جاعدايلار جاساۋ قولايسىز. بىزگە ۇسىنىس ەنگىزىڭىزدەر, ءبىز ولاردى بارلىق قاجەتتى مەملەكەتتىك ورگاندار مەن قوعامدىق ۇيىمداردى تارتا وتىرىپ قاراستىراتىن بولامىز. ءبىز ءوز قۇزىرەتىمىزدىڭ شەڭبەرىندە ءىرى مۇناي-گاز وپەراتورلارىنىڭ جىلدىق ساتىپ الۋ جوسپارلارىن جاريالاۋىنا قول جەتكىزدىك. بۇل جۇمىستاردىڭ بارلىعى ەل باسشىلىعى مەن ۇكىمەتتىڭ تاپسىرمالارىن ورىنداۋ اياسىندا جۇرگىزىلەدى. مەن بارلىق كومپانيانىڭ باسشىلارىن بۇعان تولىق جاۋاپكەرشىلىكپەن قاراۋعا شاقىرامىن.
ەنەرگەتيكا ءمينيسترى جەر قويناۋىن پايدالانۋشىلاردىڭ تاۋارلارى مەن كورسەتىلەتىن قىزمەتتەرىن ساتىپ الۋ كەزىندە تولىق اشىقتىقتى قامتاماسىز ەتۋدى تاپسىردى.

كەڭەستى قورىتىندىلاي كەلە, اقتوبە وبلىسىنىڭ اكىمى وڭداسىن ورازالين كوتەرىلگەن ماسەلەلەردىڭ بارلىعى ءوڭىردىڭ الەۋمەتتىك-ەكونوميكالىق دامۋى ءۇشىن ماڭىزدى ەكەنىن اتاپ ءوتتى.

- ءبىز ءارقاشان وتاندىق جانە شەتەلدىك ينۆەستورلاردى قولدايمىز, بۇل وڭىردە جاڭا جۇمىس ورىندارىن اشۋعا, سالىق بازاسىن ۇلعايتۋعا مۇمكىندىك بەرەدى. بۇل &ndash؛ مەملەكەت باسشىسىنىڭ تىكەلەي تاپسىرماسى. ءبىراق بۇل رەتتە ينۆەستورلار وزدەرىنىڭ جاۋاپكەرشىلىگىن سەزىنىپ, جەرگىلىكتى حالىق ءۇشىن الەۋمەتتىك ماسەلەلەردى شەشۋگە كومەكتەسۋى ءتيىس. ءبىز جىل سايىن جەر قويناۋىن پايدالانۋشىلارمەن الەۋمەتتىك مىندەتتەمەلەر تۋرالى مەموراندۋمدار جاساسامىز, وسىنىڭ ارقاسىندا بۇكىل الەم ءۇشىن بيىلعى جىلدىڭ وتە كۇردەلى بولعانىنا قاراماستان, مۇناي-گاز سەكتورىنداعى جۇمىس ورىندارىنىڭ قىسقارۋىنا جول بەرمەي, جالاقىنى ۇلعايتۋعا قول جەتكىزدىك. قيىندىقتار مەزگىل-مەزگىل تۋىندايدى, ءبىز ونى جاسىرمايمىز. الەۋمەتتىك اسپەكتىلەردى ەسكەرىپ, وندىرىستىك قىزمەت سالدارىنان تۋىندايتىن پروبلەمالار ءۇشىن جۇيەلى شەشىمدەر تابۋ كەرەك, - دەدى وڭداسىن ورازالين.