50 وتباسىنا پاتەر كىلتى تابىستالدى

تۇڭعىش پرەزيدەنت كۇنىنە وراي ۇشتوبە قالاسىنىڭ «؛شاڭىراق»؛, «؛كوكدالا»؛ شاعىناۋداندارىندا كوپقاباتتى جانە جەكە جالگەرلىك تۇرعىن ۇيلەر پايدالانۋعا بەرىلدى. سالتاناتتى شاراعا اۋدان اكىمى قايرات بۇلدىباەۆ 50 وتباسىعا پاتەر كىلتىن تابىستادى.

قاراتال اۋدانىندا تۇرعىن ءۇي ماسەلەسى كەزەڭ-كەزەڭىمەن شەشىمىن تاۋىپ كەلەدى. ءدال وسى «؛كوكدالا»؛ شاعىناۋدانىندا بۇعان دەيىن دە قونىستويى تويلانعان بولاتىن. مىنە, ايتۋلى مەرەكە قارساڭىندا تاعى دا 20 ءۇي سالىنىپ, كوپبالالى وتباسىلار شاتتىققا كەنەلدى. بۇل ءۇردىس ودان ءارى دە جالعاسىن تابادى. كەلەر جىلى دا ءدال وسى ايماقتان جەكە جالگەرلىك ءۇي تۇرعىزىلادى دەپ كۇتىلۋدە. «؛شاڭىراق»؛ شاعىناۋدانىندا بوي كوتەرگەن كوپپاتەرلى ءۇي زامان تالابىنا ساي. وندا ءبىر, ەكى جانە ءۇش بولمەلى پاتەرلەر بار.

«؛شاڭىراق»؛ شاعىناۋدانىنداعى باسپانالارعا رەسپۋبليكالىق بيۋدجەتتەن 223 ملن.972 مىڭ تەڭگە بولىنسە, وبلىستان 95 ملن.799 مىڭ تەڭگە جۇمسالدى. ال «؛كوكدالا»؛ شاعىناۋدانىندا سالىنعان 20 جەكە جالگەرلىك تۇرعىن ءۇي قۇرىلىسىنا رەسپۋبليكالىق بيۋدجەتتەن 180 ملن.404 مىڭ تەڭگە, وبلىستان 100 ملن.432 مىڭ تەڭگە بولىنگەن. قۇرىلىستى «؛قولقانات قۇرىلىس»؛ جشس جۇرگىزدى. بوي كوتەرگەن ءاربىر شاڭىراق وتە ساپالى جانە بەلگىلەنگەن ۋاقىتتا پايدالانۋعا بەرىلدى. جەكە جالگەرلىك ءۇيدىڭ ماڭايى اباتتاندىرىلعان. قوسىمشا تۇرمىسقا كەرەكتى نىساندارمەن دە قامتىلعان.

اتالعان ۇيلەر اۋدان بويىنشا كەزەكتە تۇرعان مۇقتاج ازاماتتارعا, كوپبالالى وتباسىلارعا بەرىلدى. قونىستويىندا ءسوز العان قايرات نايمانبايۇلى:

 ؛&ndash؛ مىنە, مەرەكە قارساڭىندا قونىستانعان باسپانالارىڭىز قۇتتى بولسىن. مەملەكەتتىڭ وسىنداي يگى ىستەرى الداعى ۋاقىتتا دا جالعاسىن تاباتىن بولادى. بۇگىندە قاراتال اۋدانىندا كوپبالالى وتباسىلاردى جانە ءۇي كەزەگىندە تۇرعان تۇرعىنداردى باسپانامەن قامتاماسىز ەتۋ ماسەلەسى باستى نازاردا. بۇل ورايدا وبلىس اكىمى اماندىق باتالوۆتىڭ قولداۋىمەن اۋدانىمىزدا جىل سايىن تۇرعىن ۇيلەر بوي كوتەرىپ, جاڭا شاعىناۋداندار قانات جايىپ, قالامىزدىڭ اجارىن اشا تۇسۋدە, &ndash؛ دەدى.

قونىستوي سوڭىندا پاتەر كىلتىن يەلەنگەندەر وبلىس, اۋدان باسشىلىعىنا ريزاشىلىعىن ءبىلدىرىپ, العىس جاۋدىردى.