قۇرىشتان قۇيعان قۇدىرەت: "؛تاقيالى پەرىشتەنى"؛ 85 جاسىمەن قۇتتىقتادى

الماتى وبلىسىنىڭ اكىمى اماندىق باتالوۆ قازاق ونەرىنە, ونىڭ ىشىندە, كينو الەمىندە ايشىقتى ءىز قالدىرىپ, "تاقيالى پەرىشتە" اتانىپ كەتكەن ءالىمعازى رايىمبەكوۆ پەن گۇلجاۋار ايتجانقىزىن قابىلداپ, اكتەر اتامىزدى 85 جاسقا تولعان مەرەيتويىمەن قۇتتىقتادى. بۇل تۋرالى "جەتىسۋ" گازەتى مالىمدەدى.

كەزدەسۋدە اماندىق عابباسۇلى:

&ndash؛ بۇگىن ەرەكشە كۇن. ويتكەنى, وبلىسىمىزدىڭ قۇرمەتتى ازاماتى, قر مادەنيەت قايراتكەرى, ەسىمى ەلگە تانىمال ءالىمعازى اتامىزدىڭ مەرەيتويى. ۇلتتىق كينونى دامىتۋ جولىندا ەلەۋلى ۇلەس قوسقان اتامىزدى تۋعان كۇنىمەن شىن جۇرەكتەن قۇتتىقتايمىن! اقىلدىڭ كەنى, دانالىقتىڭ كوزى بولعان جاننىڭ ورنى قاشاندا ەرەكشە. ءسىز تۇسكەن فيلمدەردىڭ بارلىعى قازاق كينوسى تاريحىنىڭ التىن قورىنان ورىن الدى. سونىڭ ىشىندە «؛تاقيالى پەرىشتە»؛ فيلمىندە سومداعان تايلاقتىڭ ءرولى اكتەرلىك شەبەرلىگىڭىزدىڭ شىڭىنا شىققان, قازاق كينوسىنىڭ ەڭ ۇلكەن ءرولى ەكەنىن ماقتانىشپەن ايتامىز. بۇگىندە قارتايدىم دەمەي, قوعامدىق شارالارعا بەلسەنە قاتىسىپ, بولاشاق جاستارعا رۋحاني تاربيە بەرىپ جۇرگەن اقىلشى جانسىز. تامىرىن تەرەڭگە, جاپىراعىن كەڭگە جايعان سايالى بايتەرەكتەي ۇرپاعىڭىزبەن وركەندەپ, ۇلكەن اۋلەتتىڭ ابىز اقساقالى بولىپ وتىرسىز. تاۋەلسىز ەلىمىزدىڭ يگىلىكتى ىستەرىنە, جەمىستى جىلدارىنا كۋا بولىپ, ارامىزدا امان-ەسەن ءجۇرىڭىز, &ndash؛ دەپ ىزگى تىلەگىن ءبىلدىرىپ, ءالىمعازى اتامىزعا شاپان جاۋىپ, گۇلجاۋار اجەمىزگە كامزول كيگىزدى.

وسىدان كەيىن ءسوز كەزەگىن العان مەرەيتوي يەسى:

&ndash؛ مەرەيتويىممەن قۇتتىقتاپ, قۇرمەتتەپ شاقىرعان وبلىس اكىمىنە شەكسىز ريزاشىلىعىمدى بىلدىرەمىن. مەنىڭ بەلگىلى اكتەر بولعانىم شاكەن ايمانوۆ, ابدوللا قارساقباەۆ سياقتى رەجيسسەر اعالارىمنىڭ ارقاسى. اعالارىم سالعان سارا جولمەن ءجۇردىم. بولاشاقتا دا ايماعىمىزدان ەلگە تانىمال مىقتى كينو جۇلدىزدارى شىعا بەرسىن. كەز كەلگەن سالادا ابىرويلى بولۋ ءۇشىن قاجىرلى ەڭبەك كەرەك. سوندىقتان, جۇمىستارىڭا تابىس تىلەيمىن. ەلىمىز امان, جۇرتىمىز تىنىش بولسىن. جەتىسۋ جىل ساناپ تۇرلەنە بەرسىن, &ndash؛ دەپ اقجارما تىلەگىن اقتارىپ, اق باتاسىن بەردى.

 ؛

كەزدەسۋ سوڭىندا جينالعان قاۋىم اتا سالتىن ۇمىتپاعان, ءدىن مەن ءداستۇردى ۇلىقتاعان اتامىزدى قۇتتىقتاپ, جۇرەكجاردى لەبىزدەرىن ءبىلدىردى.

 ؛