• usd 468.56

  • eur 497.56

  • rub 7.3

  • cny 67.18

29 ناۋرىز, 01:17:42
الماتى
+35°

مەرەكە قارساڭىندا شىعىس قازاقستاندا الەۋمەتتىك نىساندار سالتاناتتى تۇردە اشىلدى. سونىمەن قاتار, 150-دەن استام وتباسى جاڭا ۇيلەردە قونىس تويىن تويلادى.
ۇلتتىق اۋقىمداعى مەرەكە مەملەكەتتىڭ قالىپتاسۋىنا قۋاتتى سەرپىن بەرگەن تاريحي وقيعانى ەسكە سالادى. سەبەبى, ءدال وسى كۇنى 29 جىل بۇرىن قازاقستاندىقتار العاش رەت بۇكىلحالىقتىق سايلاۋ ناتيجەسىندە ەل پرەزيدەنتىن سايلاعانىن جاقسى بىلەمىز. كورەگەن ءارى دانا ساياساتىنىڭ ارقاسىندا نۇرسۇلتان نازارباەۆ مەملەكەتتى ەكونوميكالىق وركەندەۋگە الىپ كەلدى, ۇلتتىق كەلىسىمدى, تاريحي جانە مادەني داستۇرلەردى ساقتاپ قالدى.
جىل سايىن تۇڭعىش پرەزيدەنت كۇنى قارساڭىندا ەلىمىزدە سالتاناتتى ءىس-شارالار وتكىزىلىپ, الەۋمەتتىك جانە مادەني وبەكتىلەر پايدالانۋعا بەرىلەدى.
شىعىس قازاقستاندا اتاۋلى كۇن قارساڭىندا وبلىس اكىمى دانيال احمەتوۆ وبلىس ورتالىعىندا كوپبالالى وتباسىلارعا, جەتىم بالالارعا, سونداي-اق كەزەكتە تۇرعاندارعا 30 جاڭا پاتەردىڭ كىلتىن تابىس ەتتى.
كۋرچاتوۆ قالاسىندا 14 كوپ بالالى انا جاڭا پاتەر كىلتىنە يە بولدى, الەۋمەتتىك وسال ساناتتاعى تاعى 16 وتباسى بەسقاراعاي اۋدانىندا جاڭا ۇيلەردە تۇرۋعا مۇمكىندىك الدى. زايسان اۋدانىندا 36 كوپبالالى وتباسى قونىس تويىن تويلاۋدا, ولار ءۇشىن ءبىر قاباتتى «؛شىعىس»؛ باعدارلاماسى اياسىندا ۇيلەر سالىندى.
مەرەكە قارساڭىندا جارما اۋدانى جاڭعىزتوبە كەنتىنىڭ تۇرعىندارى دا قۋانىشقا كەنەلدى. وندا اۋىل كلۋبى مەن دەمالىس ساياباعى اشىلدى. ال تۇڭعىش پرەزيدەنت كۇنىنە وراي كوكپەكتى اۋدانىنىڭ تۇرعىندارى ءۇشىن كوپتەن كۇتكەن دەنە شىنىقتىرۋ-ساۋىقتىرۋ كەشەنى اشىلدى.
بۇگىن, مەرەكە كۇنى, وڭىردە بىرنەشە سپورت نىساندارى اشىلدى. اباي اۋدانىندا, قاراۋىل اۋىلىندا حوككەي كورتى ىسكە قوسىلدى, وندا بالالار تەك حوككەي ويناپ قانا قويماي, كونكي تەبە الادى. سونداي-اق, جاقىن ارادا پايدالانۋعا بەرىلگەن سپورت مەكتەبى جۇمىس ىستەي باستايدى. اياگوز اۋدانى اقتوعاي كەنتىندە دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى. جارما اۋدانىنىڭ بىرلىك اۋىلىندا جاڭا سپورت الاڭى اشىلدى. ۇلان اۋدانى ماماي باتىر اۋىلىندا جاڭا كوپىر پايدالانۋعا بەرىلدى.
كاتونقاراعاي اۋدانىندا 20 وتباسى «؛جۇمىسپەن قامتۋ جول كارتاسى»؛ اياسىندا, سونداي-اق قارىز الۋشىلار ەسەبىنەن سالىنعان ۇيلەردىڭ كىلتتەرىن الدى. كىشىنارىن جانە مايەمەر اۋىلدارىندا اۋىلدىق كلۋبتار, ال ۇلكەن نارىن اۋىلىندا اباي اتىنداعى سكۆەر اشىلدى.
جارما اۋدانىندا كەزەكتە تۇرعان 50 وتباسى مەرەكەگە وراي جاڭا پاتەرلەرمەن قامتاماسىز ەتىلدى. ال بورودۋليحا اۋدانىندا 4 كوپبالالى وتباسى باسپانالى بولدى. التاي اۋدانىندا تۇراتىن 6 وتباسى «؛قولجەتىمدى باسپانا»؛ باعدارلاماسى اياسىندا سالىنعان جاڭا ءبىر قاباتتى ۇيلەرگە قونىستاندى.
جالپى, بيىلعى جىلى كوروناۆيرۋس پاندەمياسىنا قاراماستان, شىعىس قازاقستاندا مەرەكە نۇرسۇلتان نازارباەۆتىڭ ەل الدىنداعى ەرەكشە ەڭبەگى مەن جارقىن ىستەرىن كورسەتە وتىرىپ, اتاپ ءوتىلدى.

"قامشى" سىلتەيدى
ىلمەك سوزدەر: شقو

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر