فوتو: almaty.gov.kz
الماتى قالاسىنىڭ اكىمى باقىتجان ساعىنتاەۆ قالانىڭ كاسىپكەرلەر پالاتاسى وڭىرلىك كەڭەسىنىڭ ونلاين-وتىرىسىنا قاتىستى. وتىرىس بارىسىندا شاعىن جانە ورتا بيزنەستى دامىتۋدىڭ وزەكتى ماسەلەلەرى كوتەرىلدى.
وتىرىستا كارانتيندىك شەكتەۋلەر رەجيمىندەگى شوب قىزمەتىنە قاتىستى پروبلەمالىق ماسەلەلەر كوتەرىلىپ, دامۋدىڭ پەرسپەكتيۆالىق باعىتتارى, سونداي-اق بيلىك ورگاندارىمەن ءوزارا ءىس-قيمىل قاراستىرىلدى.
كەزدەسۋ بارىسىندا الماتى قالاسىنىڭ وڭىرلىك كەڭەسىنىڭ ءتوراعاسى, «؛ۋچەت»؛ كومپانيالار توبىنىڭ جەتەكشىسى م. بارىشەۆ كاسىپورىنداردىڭ قىزمەتىن قالپىنا كەلتىرۋ پەرسپەكتيۆالارى تۋرالى ايتتى. سونىمەن قاتار, كەزدەسۋگە قاتىسۋشىلار مونيتورينگتىك توپتاردىڭ قىزمەتى, شىعارماشىلىق يندۋستريا مەن مەكتەپكە دەيىنگى ءبىلىم بەرۋدى دامىتۋ, پاندەميا كەزىندەگى تۋريزم, اۆتوبۋس پاركتەرىنىڭ جۇمىسى جانە باسقالارىن تالقىلادى.
مەگاپوليس اكىمى ب. ساعىنتاەۆ بارلىق كوتەرىلگەن ماسەلەلەردىڭ قاراستىرىلاتىنىنا سەندىردى. ونىڭ ايتۋىنشا, كەلەر جىلعا جوسپار قۇرىپ, ولاردى ناقتى جانە پروگرەسسيۆتى شەشۋ ءۇشىن ونداعى ماقساتتار مەن مىندەتتەردى بەلگىلەۋ قاجەت.
وتىرىسقا قالانىڭ باس مەملەكەتتىك سانيتارلىق دارىگەرى ج. بەكشين, اكىمدىك باسقارمالارىنىڭ باسشىلارى, وڭىرلىك كەڭەس مۇشەلەرى, كاسىپكەرلەر جانە الماتى قالاسى كاسىپكەرلەر پالاتاسىنىڭ باسشىلىعى قاتىستى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر