قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي الماتى وبلىسى اكىمدىگىندە سالتاناتتى جيىن ءوتتى. بۇل تۋرالى الماتى وبلىسى اكىمدىگىنىڭ ءباسپاسوز قىزمەتى حابارلادى. ؛

وبلىس باسشىسى اماندىق باتالوۆ ءوز سوزىندە ن.نازارباەۆتىڭ ەل ەكونوميكاسىن اياعىنان نىق تۇرعىزۋى, حالىقتىڭ ءال-اۋقاتىن كوتەرۋگە باعىتتالعان كوپتەگەن مەملەكەتتىك باعدارلامالار ءتۇزىپ, ولاردى كەزەڭ-كەزەڭىمەن ىسكە اسىرۋى, جاڭا استانانى سالۋى, قازاقستاندى سىرتقى ساياساتتا بەدەلدى مەملەكەتكە اينالدىرۋى, كورشى ەلدەرمەن دوستىق قارىم-قاتىناس ورناتۋى &ndash؛ وسىنىڭ ءبارىن ۇزاق جىلدارعا جاسالعان ۇلكەن ستراتەگيالىق جوسپاردىڭ جەمىسى ەكەنىن العا تارتتى.

&ndash؛ تاۋەلسىزدىك العان العاشقى جىلداردا قانداي قيىنشىلىق بولعانىن كوپشىلىگىڭىز جاقسى بىلەسىزدەر. سول كەزدەردە مەن الماتى قالاسىنداعى جەتىسۋ اۋدانىنا باسشىلىق ەتتىم. اۋدانعا قاراستى 57 كاسىپورى بار ەدى, سونىڭ تۇگەلگە دەرلىگى توقتاپ, ەلگە زەيەتاقى, جالاقى بەرۋدىڭ ءوزى قيىنداپ كەتكەن بولاتىن. سول كەزەڭدەردە ەلباسى ءتۇرلى سالا ماماندارىمەن, قاراپايىم حالىقپەن كەزدەسىپ, ءسال شىدامدىلىق تانىتساق, بەرەكە-بىرلىكتە بولساق, بۇل قيىندىقتى دا ەڭسەرەتىنىمىزدى ايتىپ, ءار جۇرەككە ءۇمىت بەرىپ ەدى. راسىندا دا سول جەمىستى جىلدارعا ۇشان-تەڭىز ەڭبەكتىڭ ارقاسىندا قول جەتكىزدىك. بۇگىنگى كۇنى ىرگەمىز بەرىك, شەكارامىز انىق, حالقىمىز بەيبىت ءومىردىڭ ارقاسىندا بەرەكەلى تىرلىك كەشىپ كەلەدى. تىنىشتىق &ndash؛ تۇراقتىلىقتىڭ كەپىلى بولىپ وتىر. ؛

سارىارقا تورىندەگى جاڭا استانانىڭ باس ساۋلەتشىسى بولعان ەلباسىنىڭ الماتى وبلىسىنىڭ ورتالىعىن تالدىقورعانعا كوشىرۋ تۋرالى جارلىق شىعارۋى دا ەرەكشە تاريحي شەشىم بولدى. ءقازىر دە تۇڭعىش پرەزيدەنت ەلدىك ماقسات-مۇددەگە باعىتتالعان ىستەردە بىزگە جول كورسەتىپ, ءاردايىم قولداۋ تانىتىپ كەلەدى. سول سەبەپتى دە بيىلعى جىل كوروناۆيرۋس ىندەتىنىڭ تارالۋىنا بايلانىستى قيىندىقتارعا تولى بولعانىنا قاراماستان, وبلىس جىلدى جاقسى كورسەتكىشتەرمەن اياقتاعالى وتىر. قازىرگى كەزدە ءوڭىر ەكونوميكاسىنا 700 ملرد. تەڭگەدەي ينۆەستيسيا تارتىلدى. جىل سوڭىنا قاراي اۋىل شارۋاشىلىعىنداعى جالپى ءونىم كولەمى 1 ترلن. تەڭگەدەن اسادى. سونىڭ ناتيجەسىندە حالىقتىڭ ءال-اۋقاتى ارتىپ كەلەدى. بۇل &ndash؛ ەلباسىنىڭ جانە پرەزيدەنتىمىز قاسىم-جومارت توقاەۆتىڭ ەڭ باستى تاپسىرمالارى, &ndash؛ دەپ اتاپ ءوتتى ا. باتالوۆ.

مۇنان سوڭ وبلىس باسشىسى ەلىمىزبەن قاتار الماتى وبلىسىنىڭ دا وسىپ-وركەندەپ كەلە جاتقانىن تىلگە تيەك ەتتى. جەتىسۋ جەرى ەلباسىنىڭ تۋعان جەرى ەكەنىن وبلىس تۇرعىندارى ماقتان ەتەتىنىن ايتتى. ؛

ايتا كەتەيىك, 2011 جىلدىڭ 10 جەلتوقسانىندا "1 جەلتوقسان &ndash؛ تۇڭعىش پرەزيدەنت كۇنى" مەرەكەسى بولىپ بەكىتىلدى. 1991 جىلدىڭ ءدال وسى كۇنى جالپىحالىقتىق پرەزيدەنت سايلاۋىندا نۇرسۇلتان نازارباەۆ جەڭىسكە جەتىپ تاۋەلسىز قازاقستاننىڭ تۇڭعىش پرەزيدەنتى اتاندى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر