قوعام بەلسەندىسىن ءبىر ميلليون تەڭگەگە تاپسىرىسپەن ولتىرگەنى بەلگىلى بولدى

قوعام بەلسەندىسى عالى باقتىباەۆتىڭ ولىمىنە قاتىستى تىڭ دەرەكتەر جاريالاندى, دەپ حابارلادى tengrinews.kz.

تەرگەۋ مالىمەتتەرى بويىنشا, قوعام بەلسەندىسى عالى باقتىباەۆتى تاپسىرىسپەن ءولتىرۋى مۇمكىن دەگەن نۇسقا بار. ورىنداۋشىعا ميلليون تەڭگە ۋادە ەتىلگەن.

قازىرگى ۋاقىتتا قىلمىستىق ءىستى قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى قايرات قاسىموۆ قاراۋدا. سوت تالقىلاۋلارى كۋالاردان جاۋاپ الۋ ساتىسىندا. وتىرىستار القابيلەردىڭ قاتىسۋىمەن وتەدى.

ايىپتاۋ بولجامىنا سايكەس, تاپسىرىسپەن كىسى ءولتىرۋدى ۇيىمداستىرۋشىلار اتاسۋ كەنتىنىڭ تۇرعىندارى ؛&ndash؛ بيزنەسمەن ازامات بوكەناەۆ جانە ەكس-پوليسەي عالىم احمەدجانوۆ. بوكەناەۆتىڭ كولىك جۋۋ ورنى بولعان, ال احمەدجانوۆ جەرگىلىكتى پوليسيا بولىمىنە قاراستى تىركەۋ-ەمتيحان توبى باسشىسىنىڭ ورىنباسارى بولىپ جۇمىس ىستەگەن. ولاردىڭ باقتىباەۆقا دەگەن دۇشپاندىق كوزقاراستارى بولعان, سەبەبى بەلسەندى ۇستىلەرىنەن ءتۇرلى شاعىمدار ءتۇسىرىپ وتىرعان.

دەرەكتەر بويىنشا, 2019 جىلى بوكەناەۆ جانە احمەدجانوۆ اۋىل تۇرعىندارى يمان مياشوۆ پەن ەلدار جاكەنوۆكە بەلسەندىنى سوققىعا جىعۋ تۋرالى ءوتىنىش جاساعان. تەرگەۋ مالىمەتتەرى بويىنشا, سوتتالۋشىلار بەلسەندىگە شابۋىل ۇيىمداستىرىپ, ؛ ونى قورقىتپاق بولعان. ؛ ونىڭ ورنىنا ازامات بوكەناەۆ يمان مياشەۆكە 150 مىڭ تەڭگە قارىزىن كەشىرەمىن دەگەن.

قۇجاتتا كورسەتىلگەندەي مياشەۆ پەن جاكەن بەلسەندىنىڭ ۇيىنە بارعان. ولار ونىڭ دالاعا كومىر الۋعا شىققان ءساتىن پايدالانىپ, شابۋىل جاساعان. ؛

"سوققىعا جىعىلعان باقتىباەۆ شاعىم جازۋدى توقتاتپاعان. سول كەزدە ؛بوكەناەۆ جانە احمەدجانوۆ ونى ءولتىرۋدى جوسپارلاپ, مياشەۆتىڭ كومەگىنە جۇگىنگەن" دەلىنگەن قۇجاتتا. ۇيىمداستىرۋشىلار كىسى ءولتىرۋ ءۇشىن وعان قارۋ مەن ءبىر ميلليون تەڭگە ۇسىنعان. ؛

قوعامدىق بەلسەندىسى 2019 جىلدىڭ ؛ 28 مامىرىندا ءوز اۋلاسىندا قايتىس بولدى. تەرگەۋ مالىمەتتەرى بويىنشا, يمان مياشەۆ وعان 15-20 مەتر قاشىقتىقتان ەكى وق اتقان, سودان كەيىن ول وقيعا ورنىنان قاشىپ كەتكەن. ؛

قىلمىستىق وقيعا ورىن العاننان كەيىن مياشەۆ ءىزىن جاسىرىپ, اقمولا وبلىسىنا قاشىپ كەتىپ, اقسۋ كەنىشىندە كۇزەتشى بولىپ جۇمىس ىستەگەن. الايدا ول سول جەردە باسقا كۇزەتشىلەرمەن توبەلەسىپ, ناتيجەسىندە پوليسيا ونى ۇستاعان. ؛

28 جاستاعى يمان مياشەۆكە قىلمىستىق كودەكستىڭ بىرنەشە بابى بويىنشا ايىپ تاعىلدى: "قارۋ قولدانىپ بۇزاقىلىق جاساۋ"," دەنساۋلىققا قاساقانا اۋىرلىعى ورتاشا دارەجەدەگى زيان كەلتىرۋ"," ادام ولتىرۋگە وقتالۋ"," ادام ءولتىرۋ جانە "اتىس قارۋىن زاڭسىز يەمدەنۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ".

ونىڭ سەرىكتەسى, 31 جاستاعى ەلدار جاكەنگە "دەنساۋلىققا قاساقانا ورتاشا زيان كەلتىرۋ" دەگەن ايىپ تاعىلدى.

40 جاستاعى ازامات بوكەناەۆ پەن 41 جاستاعى عالىم احمەدجانوۆ "دەنساۋلىققا قاساقانا اۋىرلىعى ورتاشا دارەجەدە زيان كەلتىرۋدى ۇيىمداستىرۋ" جانە "كىسى ءولتىرۋدى ۇيىمداستىرۋ" باپتارى بويىنشا ايىپتالۋدا.