26 قاراشا, 2020 سپورت
فوتو: اشىق دەرەككوز
باسپاسوزدە ارگەنتينا قۇراماسىنىڭ بۇرىنعى فۋتبولشىسى جانە جاتتىقتىرۋشىسى ديەگو مارادونانىڭ سوڭعى ءسوزى دەلىنگەن اقپارات تاراپ جاتىر. ول جەردە فۋتبولشى دەنساۋلىق جاعدايىنىڭ ءماز ەمەستىگىن ايتقان. بۇل تۋرالى todo noticias تەلەارناسىنى حابارلاعان.
مارادونا ءومىرىنىڭ سوڭعى ساتتەرىندە ۇيىندە جيەنى, پسيحولوگ جانە مەدبيكە دجونني ەسپوسيتومەن بىرگە بولعان. تاڭعى استان كەيىن "جاعدايىم جاقسى ەمەس" دەپ, تىنىعۋ ءۇشىن بولمەسىنە كەتكەن. بۇل جاقىندارى مارادونادان ەستىگەن سوڭعى ءسوز بولعان دەسەدى.
بىر مەزەتتە ونىڭ دەمالۋى قيىنداپ, جاقىندارى جەدەل جاردەم شاقىرعان. فۋتبولشىعا توعىز جەدەل جاردەم كولىگى كەلگەن, ءبىراق دارىگەرلەر فۋتبولشىنى اجالدان اراشالاي المادى.
ديەگو مارادونا جەدەل تالماسىنان كوز جۇمعانى بەلگىلى بولدى. اۋتوپسيا تۋرالى ەسەپتە ونىڭ "جەدەل وكپە ءىسىنۋى" بار ەكەنى دە ايتىلعان.
داڭقتى فۋتبولشى مارادونا 61 جاسىندا 25 قاراشادا بۋەنوس-ايرەستەگى (ارگەنتينا) نوردەلت اۋدانىنداعى ۇيىندە جەرگىلىكتى ۋاقىت بويىنشا ساعات 12.00-دە (نۇر-سۇلتان ۋاقىتى بويىنشا 21.00-دە) قايتىس بولعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر