شقو كۇرشىم اۋدانىندا ءسۇت-تاۋار فەرمالارى قارقىندى دامۋدا

شقو كۇرشىم اۋدانىندا ءسۇت-تاۋار فەرمالارى قارقىندى دامۋدا. بۇل تۋرالى كۇرشىم اۋدانىنىڭ اكىمى دۋلات قاجانوۆ ءباسپاسوز كونفەرەنسياسى بارىسىندا مالىمدەدى.

اۋدان اكىمىنىڭ ايتۋىنشا, مارقاكول اۋىلدىق وكرۋگىندە بيىل 100 باسقا ارنالعان ءسۇت-تاۋار فەرماسىنىڭ قۇرىلىسى جۇرگىزىلۋدە. سونىمەن قاتار, بۇگىنگى تاڭدا "نۇرالى" شارۋا قوجالىعىندا 600 باسقا ارنالعان ءسۇت-تاۋار فەرماسى اشىلماق. بۇگىندە قاجەتتى عيماراتتىڭ قۇرىلىسى تولىقتاي اياقتالعان.

&ndash؛ جاقىن ارادا, اتاپ ايتقاندا 2021-2023 جىلدار ارالىعىندا اباي, بوران, مارقاكول اۋىلدىق وكرۋگتەرىندە ءارقايسىسىنىڭ جالپى قۇنى 270 ملن.تەڭگە بولاتىن 1000 باسقا ارنالعان بورداقىلاۋ الاڭدارى سالىنادى. بۇدان باسقا, 2024 جىلعا دەيىن اباي جانە سارىولەڭ اۋىلدىق وكرۋگتەرىندە ءارقايسىسى 100 باسقا ارنالعان ەكى ءسۇت-تاۋار فەرماسى پايدا بولادى, &ndash؛ دەپ اتاپ ءوتتى دۋلات قاجانوۆ.

بۇدان باسقا, كۇرشىم اۋدانىندا مال باسىن كوبەيتۋ, ءسۇت قابىلداۋ پۋنكتتەرىن اشۋ, ءسۇت-تاۋار فەرمالارىن سالۋ بويىنشا 27 ينۆەستيسيالىق جوبا ىسكە اسىرىلاتىن بولادى. بۇل ءوز كەزەگىندە 105 جاڭا جۇمىس ورنىن اشۋعا مۇمكىندىك بەرمەك.