getty
trt ارناسى اعىلشىن تىلىندە ۆيدەو جاريالاپ, "بورات" ءفيلمىنىڭ قازاقستان تۋرالى جالعان اقپاراتتار تاراتقانىن اشكەرەلەدى. بۇعان دەيىن "بوراتتىڭ" قازاقستان تۋرالى كەيبىر شىندىققا ساي كەلمەيتىن اقپاراتىن cnn, نيۋ-يورك تايمس سياقتى باتىس باسىلىمدارى جاريالاعان. ؛
trt ارناسىنىڭ اقپاراتىنشا, "بورات" فيلمىندەگى جالعان اقپاراتتاردىڭ ءبىرى ؛&ndash؛ قازاق ەلىن وتە كۇشتى انتيسەميتيزمدىك مەملەكەت رەتىندە سيپاتتاۋى. ؛trt ارناسى "ساشا كوەن باتىس جۇرتىنىڭ قازاقستان تۋرالى اقپاراتتاردى تولىق بىلمەيتىنىن پايدالانىپ اعىلشىن تىلىندەگى "بورات" فيلمىندە قازاقستاندى انتيسەميتيستىك ەل رەتىندە كورسەتكەن. دەگەنمەن بۇل مۇلدە شىندىققا جاناسپايدى" دەگەن. ارنانىڭ اقپاراتىنشا, ساشا كوەن قازاقستاندى ءدىني ەل سياقتى سيپاتتاپ, ەۆرەيلەرگە قارسى رەسپۋبليكا رەتىندە كورسەتكىسى كەلگەن, دەگەنمەن ارنا ونىڭ جالعان اقپارات ەكەنىن ايتقان. ۆيدەو قازاقستان كەرىسىنشە ەۆرەيلەرگە كومەكتەسكەنىن, ەكىنشى دۇنيەجۇزىلىك سوعىستاعى حولوكوست كەزىندە 1940 جىلدارى مىڭداعان ەۆرەيلەردىڭ قازاقستاننان پانا تاپقانىن جاريالاعان. قازاقستاندا وركەندەگەن ەۆرەي قاۋىمداستىقتارى بار ەكەنىن, جيىرمادان استام ەرۆەي ۇيىمدارى مەن مەكتەپتەردىڭ جۇمىس جاساپ جاتقانىن تىلگە تيەك ەتكەن. ؛
"بورات" ءفيلمى وعان قوسا قازاقستاندى "ايەلدەردى جانۋار رەتىندە باعالايتىن ەل" دەپ كورسەتكەن. دىنگە باسىمدىق بەرگەن ەلدىڭ سيپاتتارىن قولدانىپ, قازاقستاندى گەندەرلىك ديسكريميناسيالىق ەل رەتىندە كورسەتۋگە تىرىسقان. اعىلشىن تىلدىلەردىڭ قازاقستان تۋرالى جاقسى بىلمەيتىنىن جانە ەل اتاۋىنىڭ سوڭىنداعى "ستان" دەگەن جالعاۋعا بايلانىستى ستەرەوتيپتى پايدالانىپ, ءفيلمدى باتىس جۇرتىندا تابىستى تۇردە ناسيحاتتاعان. دەگەنمەن, ؛trt ارناسى قازاقستانداعى ايەل سپورتشىلاردى, ساياساتكەرلەدى مىسالعا كەلتىرگەن جانە ايەلدەر جالپى قوعامدىق جانە مەملەكەتتىك سالالاردا بەلسەندى ەكەنىن مالىمدەگەن. ءتىپتى, "save the children" حالىقارالىق ۇيىمىنىڭ رەيتينگى قازاقستاندى الەم بويىنشا وتىزىنشى ورىنعا باعالاپ, اقش (32), جاپونيا (35) سياقتى ەلدەردەن جوعارى كورسەتكىشتە ەكەنىن جاريالاعان. ؛
trt ارناسىنىڭ اقپاراتىنا سايكەس, ساشا كوەن فيلمىندە قازاقستاندى مادەني تۇرعىدا ارتتا قالعان ەل رەتىندە سيپاتتاپ, وندا (ايەلدەردى) زورلاۋ, پەديفيليا جانە ؛ينسەست قالىپتى جاعداي رەتىندە كورسەتكەن. ؛
trt اقپاراتىنشا, ساشا كوەن facebook سەكىلدى الەۋمەتتىك جەلى پلاتفورمالارىن سىناپ, ولاردى "جالعان اقپارات تارتىپ جاتىر" دەپ ايىپتاپ, اسەرلى بايانداما جاساعان. "دەگەنمەن ساشا كوەننىڭ ءوزى جالعان اقپارات تاراتىپ جۇرگەن جوق پا؟" دەپ تۇيىندەگەن اعىلشىن تىلىندەگى باسىلىم. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر