23 قاراشا, 2020 ەكونوميكا
فوتو: qamshy.kz
قاسىم-جومارت توقاەۆ "ارسەلورميتتال تەمىرتاۋ" اق مەتاللۋرگيا كومبيناتىنداعى مىرىشپەن جانە اليۋمينييمەن قاپتاۋ سەحىنىڭ جۇمىسىمەن تانىستى. بۇل تۋرالى akorda.kz حابارلادى. ؛
سەح مىرىشپەن قاپتالعان ورامدى جانە تاباقشا ونىمدەرىن وندىرەدى. ونىڭ جالپى وندىرىستىك قۋاتى جىلىنا 700 مىڭ توننا ءونىم شىعارۋعا جەتەدى.
&ndash؛ بۇل قازاقستاندىق مەتاللۋرگياداعى كوشباسشى كاسىپورىن. مۇندا قازاقستاننىڭ تۇڭعىش پرەزيدەنتى نۇرسۇلتان ءابىشۇلى نازارباەۆ ءوزىنىڭ ەڭبەك جولىن باستاعان. ءبىز ءوندىرىس قۋاتىن ارتتىرۋدى ماقسات ەتىپ وتىرمىز. ماعان جاڭا ينۆەستيسيالىق جوبالار, ءوندىرىستى جاڭعىرتۋ, الەۋمەتتىك جاعدايدى جاقسارتۋ جايىندا باياندادى. كاسىپورىننىڭ الدىندا تۇرعان مىندەتتەر از ەمەس. سوندىقتان ونى رەتىنە قاراي شەشۋ كەرەك. ول جايىندا بۇعان دەيىن پرەمەر-مينيسترمەن سويلەستىم. جاڭا وبلىس اكىمىمەن دە ءبىرقاتار ماسەلەنى تالقىلادىق. بارلىق ماسەلەنى اقىرىنداپ شەشۋ قاجەت, &ndash؛ دەدى توقاەۆ.
"ارسەلورميتتال تەمىرتاۋ" اق باس ديرەكتورى ناير بيدجۋ پرەزيدەنتكە كاسىپورىندى ودان ارى دامىتۋ پەرسپەكتيۆاسى, جاڭا كوكس باتارەياسى قۇرىلىسىنىڭ جوسپارى, ەكولوگيالىق قالدىقتاردى ازايتۋ جونىندە قابىلدانىپ جاتقان شارالار جايىندا مالىمەت بەردى.
مەملەكەت باسشىسى سەحتىڭ دايىن ونىمدەرى مەن جۇمىس جۇكتەمەسىن قاراپ كوردى. مىرىشپەن قاپتالعان تاباقشالارعا كونسترۋكسيالىق ماتەريالدار ءوندىرىسى مەن قۇرىلىستا سۇرانىس جوعارى. مەتاللۋرگيا وندىرىسىندەگى بۇل ءونىمنىڭ قوسىمشا قۇنى قىمبات.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر