نۇر-سۇلتانداعى ءدامحانادا جويقىن جارىلىس بولىپ, ءبىر ادام قازا بولدى. بۇل تۋرالى ؛توتەنشە جاعدايلار مينيسترلىگىنىڭ ءباسپاسوز قىزمەتى حابارلادى.

وقيعا بۇگىن ساعات 12:25 شاماسىندا بولعان. ءورت كەزىندە ۇيدە 15 گاز باللون بارى انىقتالدى. ؛

"جارىلىس سالدارىنان اس بولمەسىنىڭ توبەسى وپىرىلىپ تۇسكەن. سالدارىنان 1 ادام قازا بولدى, 33 ادام زارداپ شەكتى. ولار ءتۇرلى دەنە جاراقاتىن العان. قازىرگى ۋاقىتتا ولاردىڭ بارلىعى جەدەل جاردەم قىزمەتىمەن قالا اۋرۋحانالارىنا جەتكىزىلدى.

20 شارشى مەتردى شارپىعان ءورت ساعات 12:58-دە ءسوندىرىلدى" دەپ حابارلادى قالالىق توتەنشە جاعدايلار دەپارتامەنتى.

وقيعاعا نۇر-سۇلتان قالالىق تجد, اپاتتار مەديسيناسى ورتالىعىنىڭ 34 قۇتقارۋشىسى جانە 10 بىرلىك تەحنيكا جۇمىلدىرىلدى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر