نۇر-سۇلتاندا كارانتين رەجيمى كۇشەيتىلدى

نۇر-سۇلتان قالاسىنىڭ ؛باس سانيتار دارىگەرى جاننا پىراليەۆا كارانتين رەجيمىنە قاتىستى جاڭا قاۋلى شىعاردى.

قاۋلىعا سايكەس, قالا تۇرعىندارىنا ويىن-ساۋىق, سپورتتىق جانە باسقا دا بۇقارالىق ءىس-شارالاردى, سونداي-اق وتباسىلىق, ەسكە الۋ ءىس-شارالارىن (بانكەتتەر, ۇيلەنۋ تويلارى, مەرەيتويلار, ەسكە الۋ), ونىڭ ىشىندە ميتينگيەر, شەرۋلەر, جيىندارعا سالىنعان شەكتەۋ جالعاسادى.

الەۋمەتتىك قاشىقتىقتى مىندەتتى تۇردە 2 مەتردەن كەم ەمەس ساقتاي وتىرىپ, جەكە تارتىپپەن جانە 5 ادامنان اسپايتىن توپپەن تەك اشىق اۋادا سپورتتىق جاتتىعۋلار وتكىزۋگە بولادى.

قىزمەتى قايتا باستالماعان وبەكتىلەر &ndash؛ بيليارد, كاراوكە, بوۋلينگ ورتالىقتارى, كومپيۋتەرلىك جانە ويىن كلۋبتارى, تۇنگى كلۋبتار, جابىق عيماراتتارداعى بالالار ويىن الاڭدارى مەن اتتراكسيوندار, باتۋتتار, كاراوكە, بۋكمەكەرلىك كەڭسەلەر مەن لوتەرەيالار ۇتىس ويىنى جانە ت. ب. بارۋعا تىيىم سالۋ كۇشىندە قالادى.

65 جاستان اسقان ادامداردىڭ قالا جانە قوعامدىق ورىندار بويىنشا ءجۇرىپ-تۇرۋىنا شەكتەۋ ءالى دە جالعاسادى.

مىندەتتى تۇردە بەتپەردە كيىپ جانە كەمىندە 2 مەتر الەۋمەتتىك قاشىقتىقتى ساقتاي وتىرىپ, اۋلالاردا سەرۋەندەۋگە جانە ساياباقتارعا, الاڭدارعا, سكۆەرلەرگە, جاعالاۋلارعا 3 ادامنان اسپايتىن توپتارمەن نەمەسە ءبىر وتباسى مۇشەلەرىمەن بارۋعا رۇقسات.

قوعامدىق ورىندارعا, ونىڭ ىشىندە قالالىق قوعامدىق كولىكتەرگە جانە قىزمەتى رۇقسات ەتىلگەن وبەكتىلەرگە بارعان كەزدە, كوشەدە ءجۇرۋ كەزىندە (5 جاسقا دەيىنگى بالالاردى قوسپاعاندا جانە اشىق اۋادا سپورتپەن شۇعىلدانۋ كەزىندە) بەتپەردە كيۋ, قاشىقتىقتى ساقتاۋ جانە انتيسەپتيكتەردى پايدالانۋ جونىندەگى تالاپتار قاتاڭ ساقتالۋى قاجەت.