جاڭا قاۋلى. الماتى وبلىسىندا كەيبىر شەكتەۋ شارالارىن ەنگىزۋ تاپسىرىلدى

الماتى وبلىسىنىڭ باس مەملەكەتتىك سانيتاريالىق دارىگەرى ە.سىدىمانوۆتىڭ "الماتى وبلىسىنىڭ اۋماعىندا كارانتين رەجيمى جانە كەيبىر شەكتەۋ شارالارىن ەنگىزۋ تۋرالى" 2020 جىلعى 20-قاراشاداعى №32 قاۋلىسى جاريالاندى. بۇل تۋرالى الماتى وبلىسى اكىمدىگىنىڭ ءباسپاسوز قىزمەتى حابارلادى. ؛

قاۋلىعا سايكەس, الماتى وبلىسىندا كارانتين رەجيمى جالعاسىپ, كەيبىر شەكتەۋ شارالارى ەنگىزىلەدى. ؛

&ndash؛ الماتى وبلىسىندا كارانتيندى جالعاستىرۋدى جانە كەيبىر شەكتەۋ شاراسىن ەنگىزۋدى قاۋلى ەتەمىن. كارانتين رەجيمى مەن مەرزىمدەرى covid-19 تارالۋى بويىنشا جاعدايدىڭ وزگەرۋىنە سايكەس وزگەرتىلۋى مۇمكىن, - دەلىنگەن الماتى وبلىسىنىڭ باس سانيتار دارىگەرى ەرعالي سىدىمانوۆتىڭ قاۋلىسىندا.

اتاپ ايتقاندا, مىنا جەرلەردىڭ جۇمىسى بۇرىنعىشا توقتاپ تۇر:

&ndash؛ 50-دەن اسا وتىراتىن ورنى بار قوعامدىق تاماقتاندىرۋ وبەكتىلەرىنىڭ (اسحانا, ءدامحانا)

&ndash؛ كوفە, مەيرامحانالاردىڭ جانە باسقا دا مەكەمەلەردىڭ)؛

&ndash؛ سانى 15 ادامعا دەيىنگى كەزەكشى توپتاردى قوسپاعاندا, بارلىق مەكتەپكە دەيىنگى ۇيىم؛

&ndash؛ ويىن-ساۋىق وبەكتىلەرى (تۇنگى كلۋبتار, كورمەلەر, بيليارد جانە كومپيۋتەرلىك كلۋبتار, بالالار ويىن الاڭدارى, جابىق ءۇي-جايلارداعى باتۋتتار جانە باسقالار)؛

&ndash؛ وقۋ-جاتتىعۋ ساباقتارىن قوسپاعاندا, باسسەيندەر؛

&ndash؛ ويىن مەكەمەلەرى, كازينو, قۇمار ويىندار وتكىزىلەتىن عيماراتتار, ءۇي-جايلار, قۇرىلىستار.

جاڭا قاۋلى 22 قاراشادا 7:00-دەن باستاپ كۇشىنە ەنەدى.

 ؛