شىعىس قازاقستاندا ەكسپورتقا شىعاراتىن داقىلدار ءوندىرىسى كەڭەيتىلۋدە

شىعىس قازاقستان سۋارمالى جەرلەردە كوپجىلدىق جەم-شوپ داقىلدارىن ءوسىرىپ, جىل سايىن جوعارى ءونىم الادى. وسى رەتتە, ەكسپورتقا شىعاراتىن داقىلداردىڭ ءوندىرىسىن كەڭەيتۋ جانە كولەمىن ارتتىرۋ بويىنشا ناقتى شارالار قابىلدانۋدا.

شىعىس قازاقستان وبلىسىنىڭ اكىمى دانيال احمەتوۆ ورتالىق كوممۋنيكاسيالار قىزمەتىندە وتكەن ءباسپاسوز كونفەرەنسياسىندا وسىمدىك شارۋاشىلىعىنىڭ دامۋى تۋرالى باياندادى.

كۇزگى جيىن-تەرىننىڭ قورىتىندىسى بويىنشا جالپى ءونىم جيناۋ 340 ملرد. تەڭگەگە باعالانىپ, وتكەن جىلعا قاراعاندا 130%-عا ءوستى. بارلىعى 804 مىڭ توننا ءداندى داقىلدار جينالسا, سونىڭ 626 تونناسى مايلى داقىلدار.

&ndash؛ الەمدە بۇرشاق جانە مايلى داقىلدارعا سۇرانىس جوعارى. ەڭ ۇلكەن تۇتىنۋشى &ndash؛ قىتاي. ول جىل سايىن كوپ مولشەردە ماي مەن ماي تۇقىمىن ساتىپ الۋعا دايىن. بۇگىنگى تاڭدا ەلىمىزدە وسىرىلەتىن كۇنباعىستىڭ 66%-ى شىعىس قازاقستانعا تيەسىلى. سوندىقتان وسىمدىك مايىنىڭ الۋان ءتۇرىن ءوندىرۋ بويىنشا كوشباسشى بولاتىن مۇمكىندىگىمىز زور. مايلى داقىلدار ەگىستىگىن 23%-دان 40%-عا دەيىن ۇلعايتۋ قاجەت, ؛&ndash؛ دەدى ايماق باسشىسى.

وبلىستا مايلى داقىلداردى قايتا وڭدەۋ بويىنشا ءۇش ءىرى جوبا ىسكە اسىرىلۋدا. جوبالاردى ىسكە قوسۋ وڭدەۋ كولەمىن جىلىنا 700 مىڭ توننا ماي مەن تۇقىمعا دەيىن ارتتىرۋعا مۇمكىندىك بەرەدى, بۇل تاعى دا ەگىس القاپتارىنىڭ كەڭەيۋىنە جانە شيكىزات بازاسىنىڭ نىعايۋىنا ىقپال ەتەدى. جوبالارعا سالىنعان ينۆەستيسيالاردىڭ جالپى كولەمى 30 ملرد. تەڭگەدەن اسادى.

بۇدان باسقا شىعىس قازاقستاندا ازىرلەنگەن وسىمدىك شارۋاشىلىعىن دامىتۋ باعدارلاماسىنا سايكەس تيىمدىلىگى جوعارى داقىلداردىڭ, اتاپ ايتقاندا جۇگەرى, سويا, راپس القاپتارىن ۇلعايتا وتىرىپ, ەگىستىكتەردى ءارتاراپتاندىرۋ جۇمىستارى جۇرگىزىلۋدە.

شقو اقپارات ورتالىعى