شىمكەنت قالاسىنىڭ باس سانيتار دارىگەرى ءابدىماناپ تولەباەۆ كارانتين شارالارىن ۇزارتۋ تۋرالى قاۋلى قابىلدادى.

قاۋلىدان كارانتين شارالارى 23 قاراشاعا دەيىن سوزىلاتىنى جازىلعان.

اتالعان قاۋلىعا سايكەس قالا تۇرعىندارىنا تومەندەگى تالاپتاردى ورىنداۋ مىندەتتەلەدى.

  • ادامداردىڭ كوپ جينالۋىنا بايلانىستى كەز كەلگەن ءىس-شارالاردى وتكىزۋگە تىيىم سالۋ (ەسكە الۋ, تۋعان كۇندەر, مەرەيتويلار, شىعارىپ سالۋ, قۇدالىق توي, بەتاشار)؛
  • 65 جاستان اسقان ادامداردىڭ قالادا ءجۇرۋىن شەكتەۋ؛
  • قالادا جۇرگەندە ارنايى سانيتارلىق تالاپتاردى ساقتاۋ؛
  • قوعامدىق ورىندارعا, ادامدار كوپ جينالاتىن وبەكتىلەرگە, قوعامدىق كولىكتەرگە مىنگەندە ماسكا رەجيمىن ساقتاۋ؛
  • ۇيلەردىڭ اۋلالارىنا جانە ساياباقتارعا, الاڭدارعا, سكۆەرلەرگە, جاعالاۋلارعا بارىپ سەرۋەندەگەندە 3 ادامنان اسپايتىن توپتارعا نەمەسە ءبىر وتباسى مۇشەلەرىنە رۇقسات ەتۋ.

شىمكەنت قالاسىنىڭ اكىمىنە, مەملەكەتتىك ورگاندارعا, مەنشىك نىسانىنا قاراماستان ۇيىمدار مەن كاسىپورىندارعا, زاڭدى تۇلعالارعا جانە كاسىپكەرلىك سۋبەكتىلەرگە كارانتين ۋاقىتىندا كەلەسى شارالاردى قامتاماسىز ەتۋ قاجەتتىگى ايتىلدى.

  • جۇمىس ۋاقىتىن بارىنشا قىسقارتۋ. كەڭسە قىزمەتكەرلەرىنىڭ 50 پايىزىن قاشىقتان جۇمىس جاساۋعا كوشىرۋ؛
  • ساۋدا ورتالىقتارىندا, ادام كوپ جينالاتىن ورىنداردا كۇندەلىكتى ديزينفەكسيالىق ءىس-شارالار وتكىزۋ؛
  • حالىققا قىزمەت كورسەتۋ ورتالىقتارىنا ارنايى قوسىمشالار ارقىلى ونلاين كەزەك الۋ (جۇمىس ۋاقىتى 09:00-دەن 18:00-گە دەيىن)؛
  • قوعامدىق تاماقتانۋ ورىندارىندا ادام سانىن 50-دەن اسىرماۋ؛
  • سالتاناتتى, مەرەيتويلىق, جيىن ءىس-شارالاردى وتكىزۋگە تىيىم سالۋ.

قاۋلىنىڭ تولىق نۇسقاسىمەن تانىسىڭىز

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر