• usd 468.56

  • eur 497.56

  • rub 7.3

  • cny 67.18

29 ناۋرىز, 16:51:24
الماتى
+35°

اتىراۋ وبلىسىنىڭ جىلىوي اۋدانىندا الەۋمەتتىك جەلىلەردە وپپوزيسيالىق بەلسەندى جانە جۋرناليست جانبولات مامايدىڭ جازباسىنا "لايك" قويعان مەكتەپ مۇعالىمدەرى تەكسەرۋدەن وتكەن. بۇل تۋرالى اۋداندىق ءبىلىم ءبولىمى باسشىسىنىڭ مىندەتىن اتقارۋشى گۇلجانسارى تاڭاتاروۆانىڭ مەكتەپ ديرەكتورلارىنا جازعان حاتىنان بەلگىلى بولدى, دەپ حابارلادى azh.kz سايتى.

سايت مالىمەتىنشە, حاتتا اۋدان باسشىسى الداعى ۋاقىتتا بەلسەندىنىڭ جازباسىنا "لايك" قويۋعا جول بەرمەۋ ءۇشىن مۇعالىمدەردىڭ الەۋمەتتىك جەلىلەردەگى پاراقشاسىنا مونيتورينگ جۇرگىزۋدى تاپسىرعان. سونىمەن قاتار, ءار ايدىڭ سوڭىندا پەداگوگتارعا مونيتورينگ بويىنشا ەسەپتەردى ادىستەمە كابينەتىنە تاپسىرۋ مىندەتتەلگەن.

الايدا كەيبىر مۇعالىمدەر اۋداننان كەلگەن حاتقا نارازىلىعىن ءبىلدىردى.

&ndash؛ بۇل ءبىزدىڭ ابىرويىمىزدى تومەندەتەدى. سونداي-اق پەداگوگتاردىڭ قۇقىقتارىن شەكتەيدى, ؛&ndash؛ دەيدى ءمۇعالىم جانارگۇل شارعاباەۆا.

جانبولات مامايدىڭ ءوزى ؛ مۇعالىمدەرگە ارنالعان وسىنداي ەسكەرتۋ حاتتار اۋدانداردا تارالىپ جاتقانىن جانە بۇل الداعى ءماجىلىس سايلاۋىنا بايلانىستى ەكەنىن حابارلادى.

جىلىوي اۋدانى اكىمدىگىنىڭ ءباسپاسوز قىزمەتىنىڭ ايتۋىنشا, بۇل حات مۇعالىمدەردىڭ ابىرويىن ءتۇسىرۋ ءۇشىن ەمەس, ۇسىنىس رەتىندە جىبەرىلگەن.

"اتالعان جاعداي بويىنشا اۋدان اكىمى توراعالىعىمەن ونىڭ ورىنباسارلارى مەن ءبولىم باستىقتارىنىڭ قاتىسۋىمەن جينالىس وتكىزىلدى. ايتا كەتۋ كەرەك, مۇعالىمدەر اراسىنداعى الەۋمەتتىك جەلىلەرگە مونيتورينگ جۇرگىزۋ تۋرالى حات پايدالانۋشىلاردىڭ قۇقىقتارىن شەكتەۋ نەمەسە قىزمەتكەرلەردىڭ ابىرويىن ءتۇسىرۋ ءۇشىن ەمەس. ۇسىنىس رەتىندە جىبەرىلدى. الايدا مەملەكەتتىك ورگاندار اراسىنداعى اقپاراتتىق حاتتارمەن الماسۋ پروسەسىندەگى كەمشىلىكتەر ءۇشىن شارا قولدانىلدى. رەسمي حاتتاردا جەكە تۇلعالاردىڭ ءاتى-جونى كورسەتىلگەنى ءۇشىن اۋداندىق ءبىلىم ءبولىمىنىڭ باستىعىنا قاتاڭ سوگىس جاريالاندى. ال اۋدان اكىمىنىڭ ورىنباسارى باقىلاۋ دۇرىس جۇرگىزىلمەگەنى ءۇشىن سوگىس الدى" دەلىنگەن ءباسپاسوز قىزمەتىنىڭ حابارلاماسىندا.

فوتو: azh.kz

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر