پرەزيدەنت, قارۋلى كۇشتەردىڭ جوعارعى باس قولباسشىسى قاسىم-جومارت توقاەۆ قورعانىس مينيسترلىگىنىڭ كەڭەيتىلگەن القا ماجىلىسىنە قاتىستى. بۇل تۋرالى اقوردا سايتى حابارلادى.

پرەزيدەنت جيىنعا دەيىن قىزمەت بارىسىندا قازا تاپقان اسكەري قىزمەتشىلەرگە ارناپ ورناتىلعان "ماڭگى ەسىمىزدە" مونۋمەنتىنە گۇل قويىپ, تاعزىم ەتتى.

&ndash؛ مەملەكەتىمىزدىڭ قورعانىس قابىلەتىن ارتتىرۋ ءۇشىن اۋقىمدى جۇمىس اتقارىلدى. بۇل تۇڭعىش پرەزيدەنت, ەلباسى نۇرسۇلتان ءابىشۇلى نازارباەۆتىڭ قاجىرلى ەڭبەگىنىڭ ارقاسى, &ndash؛ دەدى پرەزيدەنت.

قاسىم-جومارت توقاەۆ قورعانىس مينيسترلىگىنىڭ باسشىلىعىن جاھاندىق ماسشتابتا دا, جەكەلەگەن ايماقتاردا دا كۇرت وزگەرىپ جاتقان الەمدەگى احۋالدى ءجىتى باقىلاپ وتىرۋعا شاقىردى. ونىڭ سوزىنشە, قازىرگى قاۋىپسىزدىك ارحيتەكتۋراسى داعدارىسقا ۇشىراعان.

مەملەكەت باسشىسى ىشكى تولقۋلار, توڭكەرىستەر ەلدىڭ تۇتاستىعىنا ءسوزسىز اسەر ەتەدى دەپ سانايدى. وعان برەست بىتىمىنەن باستاپ قاپ تاۋىنداعى سوڭعى جاعدايلارعا دەيىنگى تاريحتىڭ جاڭا پاراقتارى كۋا.

&ndash؛ مۇنداي جاعدايدا مەملەكەتتىڭ ەگەمەندىگى مەن تۇتاستىعىنىڭ جالعىز كەپىلى &ndash؛ قارۋلى كۇشتەر. ەلىمىزدى سىرتقى قاۋىپ-قاتەردەن قورعاپ تۇرعان اسكەري قىزمەتشىلەردى مەملەكەت ءاردايىم قولدايدى. پرەزيدەنت جانە جوعارعى باس قولباسشى رەتىندە قورعانىس سالاسىنا ەرەكشە كوڭىل ءبولۋدى ءوز جۇمىسىمنىڭ باسىم باعىتى رەتىندە سانايمىن, &ndash؛ دەدى قاسىم-جومارت توقاەۆ.

مەملەكەت باسشىسى قورعانىس مينيسترلىگى سوڭعى جىلدارى اسكەري جوسپارلاۋ قۇجاتتارىن دايىنداۋ بويىنشا اۋقىمدى جۇمىس اتقارعانىن اتاپ ءوتتى. بۇل ارميا مەن مەملەكەتتىك ورگانداردىڭ سىرتقى قاۋىپ-قاتەرگە قارسى ماقساتتى تۇردە دايىندىق جۇرگىزۋىنە مۇمكىندىك بەرگەن.

پرەزيدەنتتىڭ پىكىرىنشە, وسىعان دەيىن قول جەتكەن جەتىستىكتەردى ساقتاۋ ءۇشىن قارۋلى كۇشتەردىڭ قىزمەتىندەگى ءبىرقاتار باسىمدىققا كوڭىل ءبولۋ قاجەت.

اتاپ ايتقاندا, اسكەردەگى مورالدىق-پسيحولوگيالىق احۋالدى جانە ساربازداردىڭ جاۋىنگەرلىك رۋحىن كوتەرۋ اسا ماڭىزدى. ؛

&ndash؛ قورعانىس مينيسترلىگىنە مۇددەلى ورگاندارمەن بىرلەسىپ, 2021 ؛ جىلعى 1 قاراشاعا دەيىن قارۋلى كۇشتەردەگى, باسقا دا اسكەرلەر مەن اسكەري قۇرىلىمدارداعى يدەولوگيالىق جۇمىستاردىڭ تۇجىرىمداماسىن ازىرلەۋدى تاپسىرامىن, &ndash؛ دەدى قاسىم-جومارت توقاەۆ.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر