جانبولات ءاعادىل قازاسىنا بايلانىستى ىستە كۇدىكتى رەتىندە ءۇستالعان ؛ومىرجان راحمەتتىڭ ادۆوكاتى جاندوس تۇياقوۆ ؛سوت شەشىمى شىقپايىنشا كۇدىكتى دەلىنگەن ادامنىڭ ؛"قىلمىستى جاساعانىن مويىنداعان" ۆيدەوسىن جەلىگە شىعارۋ زاڭسىز ەكەنىن ايتىپ, ۆيدەونى ءتۇسىرىپ, جەلىگە جۇكتەگەن ازاماتتاردى جاۋاپكەرشىلىككە تارتۋ ءۇشىن پروكۋراتۋراعا شاعىم دايىنداپ جاتقانىن جەتكىزدى.

&ndash؛ ءبىز بۇل ءىستى مويىندامايمىز. الەۋمەتتىك جەلىدە "جانبولات ءاعادىلدى ابايسىزدا پىشاقتادىم" دەپ تاراعان ۆيدەوۇندەۋ زاڭسىز. سوت شەشىمى شىقپاي مۇنداي ۆيدەونى حالىققا ارناپ شىعارۋ دا دۇرىس ەمەس. زاڭسىز ءتۇسىرىپ, جەلىگە جۇكتەگەن ازاماتتاردى جاۋاپكەرشىلىككە تارتۋ ءۇشىن پروكۋراتۋراعا ارنايى شاعىم دايىنداپ جاتىرمىز. بىرىنشىدەن, ۆيدەو ءتۇسىرۋ پروسەسى ەشكىمنىڭ قاتىسۋىنسىز جۇزەگە اسىرىلعان, ەكىنشىدەن, بۇل تەرگەۋ امالدارى ەمەس. ماسەلەن تەرگەۋ امالدارىندا ۆيدەوعا ءتۇسىرۋ رۇقسات ەتىلگەن. ءبىراق وندا ادۆوكات قاتىسادى. ال مۇندا تەرگەۋگە ارنالماعان, ءىس ماتەريالداردا جوق دۇنيە. كۇدىكتىنىڭ كىنالىلىگىن تەك سوت شەشەدى. حالىققا الدىن الا جاريالاپ, ولاردىڭ ويىن قالىپتاستىرۋعا ەشكىمنىڭ قۇقىعى جوق. ۆيدەونىڭ قۇقىق قورعاۋ ورگاندارىندا تۇسىرىلگەنى بەلگىلى, &ndash؛ دەيدى زاڭگەر. ؛

ادۆوكات كىسى ولىمىنە سوقتىرعان قىلمىستىق ءىستىڭ استارىندا ساياسي استار جوق دەپ سانايدى.

&ndash؛ مۇندا ەشقانداي دا ساياسات, ساياسي اياتار سىندى ماسەلە مۇلدەم جوق. كادىمگى قىلمىس بولعان. قازىرشە سوت شەشىمى شىقپايىنشا, بىزگە ءىستىڭ ءمان-جايىن اشىپ ايتۋعا رۇقسات جوق. ءبىراق بۇل جەردە ناقتى كىمنىڭ ادام ولتىرگەنى انىقتالماي جاتىر. ءبىز ازىرشە ءومىرجاننىڭ كىناسى جوق سانايمىز, &ndash؛ دەپ ايتتى جاندوس تۇياقوۆ. ؛

قوعام بەلسەندىسى جانبولات ماماي "تەرگەۋ اياقتالماي جاتىپ ۆيدەو تارالۋىنا قاراعاندا ءىستىڭ ساياسي استارى بار" دەگەن پىكىردە.

&ndash؛ ؛بۇل ىستە كۇمان تۋدىراتىن ىستەر وتە كوپ دەپ ويلايمىن. سەبەبى ءبىر كۇننىڭ ىشىندە "كۇدىكتىمىن, مەن پىشاقتادىم" دەگەن جاس بالانىڭ ۆيدەوسى شىعا كەلدى, ارتىنشا كۇدىكتىنىڭ اناسى بىرنەشە "وتىرىك بولدى" دەپ مالىمدەمە جاساپ جاتىر. رەسمي ورگانداردىڭ كەلتىرىپ وتىرعان دەرەكتەرىنە ءوز باسىم سەنبەيمىن. ەگەر قىلمىسقا ەشقانداي ساياساتتىڭ قاتىسى جوق بولسا جانە ارنايى تاپسىرىس, قولدان ۇيىمداستىرىلعان جاعداي بولماسا, وندا پوليسيا قىزمەتكەرلەرى اتالعان ءىستى اشىق, ءادىل تەرگەپ, قىلمىس جاساعان ازاماتتى جاۋاپكەرشىلىككە تارتۋى كەرەك.

الەۋمەتتىك جەلىدە تاراعان ۆيدەونىڭ قايدان شىققانى ءالى كۇنگە دەيىن بەلگىسىز. ءبىزدىڭ زاڭنامادا سوت شەشىمى شىقپاي ەشقانداي ۆيدەو تاراتۋعا بولمايدى. ويتكەنى كۇدىكتىلەردىڭ ەشقانداي قىلمىستارى دالەلدەنگەن جوق. بىرنەشە ساعاتتىڭ ىشىندە قىلمىستى دالەلدەپ, اشىپ تاستاۋ مۇمكىن ەمەس. سوندىقتان قىلمىستا كۇماندى ىستەر وتە كوپ. پوليسيانىڭ وسىلاي جاسىرىن ارەكەت ەتىپ, قيتۇرقى ارەكەتتەرگە بارىپ جاتقانىنا قاراعاندا ىستە ساياسي استار بولۋى ابدەن مۇمكىن. كۇدىكتى ءومىرجان راحمەت ءوزىنىڭ كىناسىز ەكەنىن اشىقتان-اشىق ايتىپ وتىر. ازاپتاۋ, ۇرىپ-سوعۋ, قورقىتۋ ارقىلى قىلمىس جاساماعان ادامداردىڭ وزىنە قىلمىستى ءىلىپ, جازىقتى ەتىپ جاتاتىن جايتتار ءبىزدىڭ قازاقستاندا كوپ بولادى. مەن بۇعان تاڭعالمايمىن. سوندىقتان مەن پوليسيانىڭ سوزىنە قاراعاندا, ءومىرجان راحمەتتىڭ "مەن ولتىرگەن جوقپىن" دەگەن سوزىنە سەنەمىن. ەگەر دە تەرگەۋ جۇمىستار اشىق تۇردە جۇرگىزىلمەسە, وندا مەن بۇل ؛&ndash؛ ساياسي تاپسىرىسپەن جاسالعان ءىس دەپ كەسىپ ايتامىن. ءدال قازىرگى ۋاقىتتا ساياساتتىڭ قاتىسى بار. الداعى ۋاقىتتا قىلمىستىق ءىس ايقىندالادى دەپ سانايمىن, &ndash؛ دەيدى ماماي.

كۇدىكتىنىڭ اناسى, ءى توپتاعى مۇگەدەك ينابات ابديەۆا "بالامدى ۆيدەوعا تۇسىرگەن ادامنىڭ كىم ەكەنى ءالى بەلگىسىز" دەپ وتىر.

&ndash؛ ؛بالامدى تەرگەۋ يزولياتورىنا تۇسكەلى ءالى كورگەن جوقپىن. ماعان جۇما كۇنى بالاممەن كەزدەسۋ ءۇشىن ءوتىنىش جاز دەگەن. ءوتىنىش جازدىم. ءۇش كۇننەن كەيىن رۇقسات بەرىلەتىنىن ايتتى. الايدا كەشە بالاممەن جۇزدەسۋگە بارسام, كىرگىزبەدى. نە ءۇشىن ءوتىنىشىمدى قابىلداماعانىن سۇراسام بالامنىڭ جازعان ءوتىنىشى كەرەك ەكەنىن ايتتى. بۇگىن ادۆوكاتىمىز ەكەۋمىزدىڭ ءوتىنىشىمىزدى الىپ, وتكىزدى. ەندى كەزدەسۋ ءۇشىن ەرتەڭگى كۇندى كۇتىپ وتىرمىن. ؛بالامدى ۆيدەوعا تۇسىرگەن ادامنىڭ كىم ەكەنى ءالى بەلگىسىز. پروكۋراتۋراعا شاعىم ءتۇسىردىم, ولاردان سۇراسام "بىلمەيمىز" دەپ باسىن الىپ قاشادى. بالام ۆيدەودا قورىققانىنان ايتىپ وتىر. ول جەردە "مەن ءولتىردىم" دەپ ايتپاعان. بالام و باستان "مەن بىلمەيمىن", "موينىما المايمىن" دەپ وتىر ەكەن. ول كىمدى ءولتىرىپ, نە بولعانىن بىلمەيدى. سۇراستىرا كەلە سول كۇنى وقيعا بولعان جەردە بالالاردىڭ بارىندە پىشاق بولعانىن ءبىلىپ جاتىرمىز. ءبىراق سولاردىڭ بارلىعىن نەگە جىبەرە سالعانىن تۇسىنبەي وتىرمىن. ءقازىر ولار بوستاندىقتا ءجۇر. وزدەرى ءولتىرىپ الىپ, بالامدى ؛"پودستاۆيت" ەتىپ وتىر. ولارعا ء"ولتىردى" دەگەن كۇدىكتى كەرەك بولدى. جانبولات ءاعادىلدىڭ ۇيىنە بارىپ تۋىستارىنا كوڭىل ايتتىم. اناسىنىڭ ايتۋىنشا, 25 بالانىڭ ەشقايسىسى پىشاقتى كىم سۇققانىن بىلمەيدى. مەنىڭشە وكىمەتكە جانبولات ءاعادىلدى ءولتىرۋ قاجەت بولعان سياقتى, ؛&ndash؛ دەيدى كۇدىكتىنىڭ اناسى.

11 قاراشادا كۇنى نۇر-سۇلتاندا ازاماتتىق بەلسەندى دۋلات ءاعادىلدىڭ ۇلى جانبولات ءاعادىلدى پىشاقتاپ ءولتىرىپ كەتكەنى ؛حابارلاندى.

مايىتتى كورۋگە كىرگەن مارقۇمنىڭ اعاسى تاڭات جالماعامبەتوۆ ؛ جانبولاتتىڭ دەنەسىنەن پىشاق جاراقاتىنىڭ ىزدەرىن كورگەنىن ؛ايتقان. ؛

12 قاراشادا ىشكى ىستەر مينيسترلىگى تەرگەۋ دەپارتامەنتى ؛جانبولات ءاعادىلدىڭ ولىمىنە قاتىسى بار دەلىنگەن كۇدىكتىلەر ۇستالعانىن ءمالىم ؛ەتتى.

ارتىنشا الەۋمەتتىك جەلىدە جانبولات اعادىلگە "توبەلەس كەزىندە ابايسىزدا پىشاق ۇردىم" دەگەن ادامنىڭ ۆيدەوسى ؛تاراعان. ۇزاماي ۆيدەوداعى ادام شىنىمەن دە كۇدىكتى ەكەنى انىقتالعان. الايدا كۇدىكتىنىڭ مۇگەدەك اناسى "بالاسىنا تانىستارى ؛جالا جاۋىپ وتىر" دەپ سانايتىنىن ؛ايتقان.

كەشە بەلگىلى زاڭگەر ابزال قۇسپان facebook ؛پاراقشاسىندا "جانبولات ءاعادىلدىڭ ولىمىنە قاتىستى: پوليسيا بەينەماتەريالى زاڭسىز تاراتىلعان" دەگەن اتاۋمەن ۆيدەو جاريالادى. ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر