فوتو: liter.kz
بىلىم جانە عىلىم ءمينيسترى اسحات ايماعامبەتوۆ ؛پارلامەنت سەناتىنىڭ جالپى وتىرىسىندا ستۋدەنتتەر كوللەدجدى وزدەرى تاڭدايتىنىن, سوعان سايكەس گرانتتار بولىنەتىنىن حابارلادى.
دەپۋتات التىنبەك نۋحۇلى ءبىلىم جانە عىلىم مينيسترىنەن بيۋدجەت قاراجاتى ءتيىمسىز جۇمسالماۋ ءۇشىن قانداي شارالار جاسالىنىپ جاتقانىن سۇرادى.
&ndash؛ تاۋەكەلدەردىڭ (قاراجات ءتيىمسىز جۇمسالماۋ ءۇشىن &ndash؛ رەد) الدىن الۋ ءۇشىن ءتيىستى جۇمىستاردى جۇرگىزۋدەمىز. ءبىرىنشى, كۇنى كەشە ءماجىلىس دەپۋتاتتارى وتىرىستا ءبىلىم تۋرالى زاڭناماعا وزگەرىستەر ەنگىزۋ تۋرالى زاڭ جوباسىن ەكىنشى وقىلىمدا ماقۇلدادى. وسى زاڭ جوباسىندا تاۋەكەلدەردى الدىن الۋ بويىنشا ناقتى نورما بەكىتىلدى. ءبىلىم جانە عىلىم مينيسترلىگى وسى مەملەكەتتىك تاپسىرىستى ورنالاستىرۋ بويىنشا قاعيدانى نەمەسە مەتوديكانى بەكىتۋ بويىنشا جاڭا قۇزىرەتتىلىك الدى. ەندى وسى زاڭ بەكىتىلگەننەن كەيىن "اتامەكەن" پالاتاسىمەن, ەڭبەك مينيسترلىگىمەن قوسا, باسقا دا ارىپتەستەرمەن بىرگە وسى ادىستەردى بەكىتەتىن بولامىز, ؛&ndash؛ دەدى مينيستر.
ايماعامبەتوۆ كوللەدجگە بولىنەتىن گرانتتا وزگەرىستەر بولاتىنىن ايتتى.
&ndash؛ ەكىنشى ماڭىزدى ماسەلە &ndash؛ كوللەدجدەردىڭ اراسىندا مەملەكەتتىك تاپسىرىستاردى ورنالاستىرۋ. قازىرگى ۋاقىتتا جىل سايىن ءبىلىم باسقارمالارى كونكۋرس وتكىزەدى. سونىڭ ناتيجەسىندە ءار كوللەدجگە نەشە گرانت الاتىنىن ءبولىپ بەرەدى. بۇل تەتىك تولىعىمەن وزگەرەدى. ەندى باسقا قاعيدا بولادى. بۇل قاعيدا &ndash؛ "اقشا ستۋدەنتپەن بىرگە جۇرەدى" قاعيداسى. ەندى ستۋدەنتتەر كوللەدجدەردى وزدەرى تاڭدايدى. گرانتتار سول كوللەدجدەرگە باراتىن بولادى. بۇل باسەكەلەستىكتى ارتتىرادى. ساپاعا دا اسەرىن تيگىزەدى. سول سەبەپتى وسى دا, باسقا دا باعىتتار بويىنشا جۇمىس جۇرگىزەمىز, ؛&ndash؛ دەدى ول.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر