جاستار مەن كوپبالالى وتباسىلارعا ارنالىپ سالىناتىن پاتەر سانى حابارلاندى

قازاقستاندا 2021 جىلى جاستار مەن از قامتىلعان كوپبالالى وتباسىلارعا ارنالعان 12,7 مىڭنان استام پاتەر سالىنادى. بۇل ماقساتقا رەسپۋبليكالىق بيۋدجەتتەن 94,4 ملرد تەڭگە بولىنەدى, دەپ حابارلادى سەناتتىڭ ءباسپاسوز قىزمەتى.

سەنات دەپۋتاتتارى ەلدىڭ باستى قارجى قۇجاتىن زەردەلەپ, الەۋمەتتىك جوبالاردى ىسكە اسىرۋعا باسا نازار اۋداردى.

&ndash؛ الداعى ءۇش جىلدىق كەزەڭگە ارنالعان بيۋدجەتتەگى نەگىزگى باسىمدىق ؛&ndash؛ ادامداردىڭ الەۋمەتتىك ماسەلەلەرىن شەشۋ, 2021 جىلعى بيۋدجەت شىعىستارىنىڭ 50%-دان استامىن الەۋمەتتىك سالا شىعىستارى قۇرايدى, &ndash؛ دەدى سەنات ءتوراعاسى ماۋلەن اشىمباەۆ.

باسپانامەن قامتاماسىز ەتىلۋگە ءتيىس ادامداردىڭ قاتارىندا جۇمىس ىستەيتىن جاستار دا بار. 2021 جىلى ولارعا جالپى سوماسى 21,6 ملرد تەڭگەگە 3 مىڭ پاتەر سالۋ جوسپارلانىپ وتىر.

الداعى جىلى الەۋمەتتىك ءالسىز ساناتتاعى قازاقستاندىقتار ءوز باسپاناسىنا يە بولادى, ولارعا 4,7 مىڭ پاتەر سالىنادى, ول ءۇشىن بيۋدجەتتەن 32,8 ملرد تەڭگە بولىنبەك.

"نۇرلى جەر" باعدارلاماسىنا جالپى العاندا 2021-2023 جىلدارعا ارنالعان رەسپۋبليكالىق بيۋدجەتتە 595 ملرد تەڭگە قاراستىرىلعان.