سەنات 2021-2023 جىلدارعا ارنالعان رەسپۋبليكالىق بيۋدجەتتى قارادى. سوعان سايكەس وسى ۋاقىت ىشىندە بيۋدجەت قاراجاتىنىڭ جارتىسىنان استامى الەۋمەتتىك سالاعا جۇمسالاتىنى جانە قارجى كولەمى جىل سايىن ارتىپ وتىراتىنى بەلگىلى بولدى. بۇل تۋرالى سەناتتىڭ ءباسپاسوز قىزمەتى حابارلادى.

الداعى ءۇش جىلدا الەۋمەتتىك سالاعا بولىنەتىن قارجى كولەمى &ndash؛ 23 ترلن. تەڭگە. ونىڭ 7 ترلن-ى نەمەسە جىلدىق بيۋدجەتتىڭ 50,4 پايىزى &ndash؛ 2021 جىلعا جوسپارلانعان. ال 2023 جىلى بۇل كورسەتكىش 61,6 پايىزعا جەتكىزىلەدى.

&ndash؛ سىرتقى نارىقتاعى كۇردەلى جاعدايعا بايلانىستى داعدارىسقا قارسى كەشەندى ءىس-شارالاردى قارجىلاندىرۋ جالعاسا بەرەدى. بيۋدجەتتى قاراۋ بارىسىندا الداعى ءۇش جىلدا ازاماتتاردىڭ الەۋمەتتىك ماسەلەلەرىن شەشۋگە باسىمدىق بەرىلدى. سوعان سايكەس 2021 جىلى بيۋدجەت شىعىندارىنىڭ 50 پايىزدان استامى الەۋمەتتىك سالاعا باعىتتالادى. پرەزيدەنتىمىزدىڭ تاپسىرماسىمەن, ەكونوميكاداعى قيىندىقتارعا قاراماستان, بيۋدجەتتە بارلىق الەۋمەتتىك مىندەتتەردى ورىنداۋعا كەرەكتى قارجى قاراستىرىلعان. بۇل قاراجات الەۋمەتتىك تولەمدەردى يندەكساسيالاۋعا, مۇعالىمدەر مەن دارىگەرلەردىڭ جالاقىلارىن كوبەيتۋگە جانە حالىققا مەديسينالىق قىزمەت كورسەتۋگە جۇمسالادى, &ndash؛ دەدى سەنات ءتوراعاسى ماۋلەن اشىمباەۆ.

باسىم باعىتتاردىڭ قاتارىندا مەديسينا قىزمەتكەرلەرى مەن مۇعالىمدەردىڭ جالاقىسىن ءوسىرۋ ماسەلەسى بار.

سوعان سايكەس الداعى ءۇش جىلدىڭ ىشىندە دارىگەرلەردىڭ جالاقىسى جىل سايىن 30 پايىزعا كوبەيتىلەدى. ال كىشى مەديسينا قىزمەتكەرلەرىنىڭ جالاقىسى 2021 جىلى &ndash؛ 20 پايىزعا كوبەيتىلسە, 2022 جانە 2023 جىلدارى 10 پايىزدان ءوسىرىلىپ وتىرادى.

مۇعالىمدەردىڭ جالاقىسى دا جىل سايىن 25 پايىزعا كوبەيەتىن بولادى. پەداگوگتاردىڭ تابىسىن ارتتىرۋ ءۇشىن قوسىمشا تولەمدەردى قوسا العاندا 2021 جىلى بيىلعى 2020 جىلعا قاراعاندا 305 ملرد. تەڭگەگە كوپ قاراجات بولىنەدى.

جالپى, ءبىلىم جانە عىلىم جۇيەسىن دامىتۋ ءۇشىن رەسپۋبليكالىق بيۋدجەتتە الداعى ءۇش جىلعا 5,1 ترلن تەڭگە قاراستىرىلعان. كەلەسى جىلى بۇل سالاعا 1,3 ترلن تەڭگە بولىنەدى. بۇل &ndash؛ 2020 جىلعى قاراجاتتان 458 ملرد-قا كوپ.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر