• usd 468.56

  • eur 497.56

  • rub 7.3

  • cny 67.18

28 ناۋرىز, 21:14:24
الماتى
+35°

بىر سايلاۋدان ەكىنشىسىنە دەيىن قالعىپ-مۇلگىپ وتىراتىن قازاقستانداعى ساياسي پارتيالار بۇگىندە ەرەكشە بەلسەندى. وعان الدا كەلە جاتقان ءماجىلىس پەن ءماسليحات سايلاۋى سەبەپ. بەلسەندىلىكتى باسقالاردان بۇرىنىراق كوممۋنيستەر باستادى.

كوممۋنيستەر پارلامەنتكە وتكەن ساناۋلى عانا پارتيانىڭ ءبىرى. ءماجىلىستىڭ سوڭعى شاقىرىلىمىنىڭ قاتارىنا كىرگەن پارتيانىڭ 7 دەپۋتاتى 5 جىلدا نەسىمەن ەستە قالدى دەپ ويلانىپ كورسەك, اۋەلى قارت دەپۋتات كوسارەۆتىڭ پارلامەنت قابىرعاسىنداعى قورىلى ەسكە تۇسەدى.

وقيعا بيىل قاڭتاردا ءماجىلىس ۇيىندەگى كەزەكتى وتىرىستاردىڭ بىرىندە بولعان. قازاقستانداعى ەڭ ەگدە دەپۋتات 82 جاستاعى ۆلاديسلاۆ كوسارەۆتىڭ جيىن بارىسىندا كوزى ءىلىنىپ كەتكەن. كوزى ءىلىنىپ كەتتى دەۋ جۇمساق ايتىلعاندىق. كوسارەۆ شىن مانىندە قالىڭ ۇيقىعا كەتتى. ونى قالىڭ ۇيقىدان قۇلاعىنىڭ تۇبىندە ميكروفونمەن سويلەپ تۇرعان ارىپتەسىنىڭ داۋسى دا وياتا المادى. وقيعا ۆيدەوسى الەۋمەتتىك جەلىگە تاراپ, قوعامدا قىزۋ تالقى باستالعان. قاميشا ەسمۇحامبەتقىزى دەگەن جەلى قولدانۋشىسىنىڭ "بىزگە كوسارەۆ دەگەن دەپۋتات نەگە كەرەك؟ ۇيىقتاۋ ءۇشىن بە؟ سوندا نە, ۇيقىسىن قاندىرۋ ءۇشىن مەملەكەت قارجىسىنان 900 000 تەڭگە تولەيمىز بە؟»؛ دەپ شىققان داۋسى جاعدايدى دالمە-دەل سۋرەتتەپ تۇر.

وسى وقيعادان كەيىن جۇرتتىڭ كوزىنە جاقسى بولىپ كورىنۋ ءۇشىن كوممۋنيستەرگە پاندەميا جاقسى سەبەپ بولدى. ولار الدا كەلە جاتقان ساياسي دودانىڭ دۇبىرىنە ەرتە قوسىلۋ ماقساتىمەن توتەنشە جاعداي مەن كارانتيننەن تۇرمىسى تومەندەگەن تۇرعىندار ءۇشىن ۇنامدى ءسوز ايتۋعا تىرىستى.

قوعام بەلسەندىلەرىنىڭ كرەديتتى كەشىرۋ يدەياسىن ادامدار 100 مىڭداپ قولداپ جاتقانىن كورىپ ء«؛وتىمدى ءسوز وسى بولار-اۋ»؛ دەپ پارلامەنت قابىرعاسىندا «؛حالىق كرەديتىن كەشىرەيىك»؛ دەپ باستامالاتتى. ۇكىمەت باسشىسىنا دەپۋتاتتىق ساۋال جولداپ, ەل يگىلىگى جولىنداعى ەرلەر بولىپ كورىنۋگە بارىن سالدى.

ارينە ولاردىڭ بۇل باستاماسى قولداۋ تاپپايتىنىن وزدەرى بىلمەدى ەمەس, ءبىلدى. ءبىراق ولارعا ماڭىزدىسى ول ەمەس, ماڭىزدىسى جۇرتقا جاعاتىن ءسوز ايتۋ, قارا حالىققا قامقورشى بولىپ كورىنۋ ەدى.

بۇعان الداناتىنداي حالىقتى اڭعال دەپ ويلاسا, كوممۋنيستەر قاتتى قاتەلەستى. تاۋەلسىزدىككە قول جەتكىزگەن 30 جىلدا بۇقارا كىمنىڭ-كىم ەكەنىن جاقسى تانىپ العان. ۇنامدى ءسوز ايتتى ەكەن دەپ كوممۋنيستەرگە ءىشى جىلىعان قوعام بولمادى.

ولار سوندا دا حالىق ىقىلاسىنا بولەنۋگە تالاپتانىپ كورۋگە تىرىسىپ, پارتيا اتىن اۋىستىرۋعا بەل شەشتى. بۇرىنعى «؛قازاقستان كوممۋنيستىك حالىق پارتياسى»؛ اتاۋىنان باس تارتىپ, «؛قازاقستاننىڭ حالىق پارتياسى»؛ دەگەن اتتى تاڭدادى. ەستىگەن ادامعا جىلى تيەتىن ۇعىمداردى تاڭداپ العانىمەن, كوپ وتپەي-اق ولاردىڭ تەك اتى عانا وزگەرىپ, زاتى ءباز-باياعىشا قالعانى بەلگىلى بولدى. پارتيا حاتشىسى جامبىل احمەتبەكوۆتىڭ «؛پارتيا اتاۋىنىڭ «؛قازاقستاننىڭ حالىق پارتياسى»؛ بولىپ وزگەرۋى &ndash؛ كوممۋنيستىك يدەولوگيادان كەتۋ دەگەن ءسوز ەمەس»؛ دەگەن ءسوزى بۇنىڭ ءبارى حالىق قامى ءۇشىن ەمەس, الداعى 5 جىلدى ءماجىلىستىڭ جىلى كرەسلوسىندا وتكىزۋ قامى ءۇشىن جاسالىپ جاتقانىن اڭعارتتى. وسىدان كەيىن كوممۋنيستەر پوپۋليست ەمەي نەمەنە؟!

ايبار ءومىرقوجا

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر