ۇلىبريتانيا 16,5 ميلليارد فۋنت ستەرلينگ قارجى ءبولىپ, مەملەكەتتىڭ قارۋلى كۇشتەرىن قايتا قۇرماق. بۇل قىرعي-قاباق سوعىس اياقتالعاننان بەرگى ەڭ ۇلكەن قاراجات. بۇل جاڭالىق قىتاي لوندونعا "قاتەلىكتەرىن تەز ارادا تۇزەتۋ" كەرەكتىگىن مالىمدەپ, قاتاڭ ەسكەرتۋ جاساعاننان كەيىن جاريالاندى.

ۇلىبريتانيا پرەمەر-مينيسترى بوريس دجونسون ؛قىرعي-قاباق سوعىس اياقتالعاننان بەرى قارۋلى كۇشتەرگە سالىنعان ەڭ ۇلكەن ينۆەستيسيانىڭ ءبىر بولىگى رەتىندە بريتاندىق اسكەري زىمىران باعدارلاماسىن جۇزەگە اسىرۋعا مۇمكىندىك بەرمەك.

پرەمەر-مينيستر بەيسەنبىدەگى جالپى جينالىستا سويلەگەن سوزىندە الداعى ءتورت جىل ىشىندە ەلدىڭ قورعانىس بيۋدجەتى ءۇشىن قوسىمشا 16,5 ميلليارد فۋنت ستەرلينگ بولۋگە ۋادە ەتتى. اقشانىڭ ءبىر بولىگى اسكەري عارىشتىق اپپاراتتاردىڭ دامۋىنا جانە باسقا زاماناۋي قورعانىس تەحنولوگيالارى جوبالارىنا, سونىڭ ىشىندە ەلدىڭ ءبىرىنشى راكەتاسىن وربيتاعا شىعارۋدى باقىلاۋ ءۇشىن جاڭا عارىشتىق جوباعا جۇمسالماق. دەپۋتاتتارعا جولداۋىنىڭ الدىندا ول سارسەنبىگە قاراعان ءتۇنى "مەن بۇل شەشىمدى پاندەميانىڭ قيىن كەزەڭىندە قابىلدادىم, ويتكەنى پاتشالىقتىڭ قورعانىسى ءبىرىنشى ورىندا تۇرۋى كەرەك" دەپ مالىمدەگەن.

ۇلىبريتانيادا تۇراتىن ءۇش ميلليونعا جۋىق گونكونكتىككە ؛لوندون ۇلىبريتانيا ازاماتتىعىنا ءوتۋ جولىن ۇسىنۋ جوسپارىن راستاعاننان كەيىن قىتاي ۇلىبريتانياعا بىرنەشە رەت قاتاڭ ەسكەرتۋ جاساعان. ؛ ءتىپتى, 23 قازان كۇنى بەيجىڭ لوندونعا "قاتەلىكتەرىن تەز ارادا تۇزەتۋ" كەرەكتىگىن ايتىپ, ولاي ىستەمەگەندە "سالدارى بولاتىنىن" ەسكەرتكەن.

 ؛

ىلمەك سوزدەر: ۇلىبريتانيا

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر