جاپون گازەتىندە جاريالانعان ماقالا

جۋىردا جاپون تىلىندە جازاتىن جۋرناليست شارافات جىلقىباەۆا الەۋمەتتىك جەلىدەگى پاراقشاسىنا ءوزىنىڭ بالالىق شاعىنان سىر شەرتەتىن "ساۋلە" دەپ اتالاتىن اڭگىمە جاريالاعان. شىن جۇرەكتەن شىققان كوركەم شىعارما وقىرمانداردىڭ سۇراۋى بويىنشا توكيودا شىعاتىن "نيحونتويۋراشيا" گازەتىنىڭ №1520, №1521 ساندارىنا دا باسىلدى. اڭگىمەدە قازاق اۋىلىنداعى كوپبالالى انانىڭ بولمىسى بەينەلەنگەن.

اۆتور شىعارماسىندا بەس جاسقا دەيىن جەتىسۋداعى جامبىل اۋىلىندا اجەسىنىڭ قولىندا بولعانىن, ول دۇنيەدەن وزعان سوڭ ءبىراز ۋاقىت مەيىربان جان ساۋلەنىڭ ۇيىندە وتكىزگەنىن تىلگە تيەك ەتە وتىرىپ, قازاقي تىرشىلىكتى جاپون وقىرماندارعا قىزىقتى ەتىپ جەتكىزگەن.

"ساۋلەنىڭ جەتى بالاسى بار ەدى, مەن بارعان سوڭ تاعى ءبىر ۇل دۇنيەگە كەلدى. مەن ساۋلەنىڭ توعىزىنشى بالاسى سياقتى ەدىم" دەي كەلە, ء"داۋ قازانعا ءسۇت پىسىرگەندە قايماعىن ءوز بالالارىنا ەمەس, الدىمەن ماعان بەرەتىن" دەپ, قازاق اناسىنىڭ كەڭپەيىلدىگى مەن شەكسىز مەيىرىمدىلىگىن سۋرەتتەگەن.

اڭگىمەنىڭ سوڭىندا اۆتور كوپ جىل وتكەندە ساۋلەنى ىزدەپ اۋىلعا بارعانىن جازادى. "كەلدىڭ بە؟" دەيدى ساۋلە. "تورلەت! مىناۋ گازعا پىسكەن نان, ءقازىر باياعىنىڭ كومبە نانى جوق قوي. كەلىندەر پىسىرمەيدى. جالقاۋ عوي قازىرگى كەلىندەر..." دەيدى ساۋلە.

شىعارمادا بالعىن بالالىق شاققا دەگەن ساعىنىش سەزىلەدى.

اڭگىمەگە ارقاۋ بولعان ساۋلە كەمەلوۆا &ndash؛ التىن القا يەگەرى, الماتى وبلىسىندا تۇرادى. جاپون گازەتىنىڭ ۇجىمى قىزىعۋشىلىق تانىتىپ, اسىل انانىڭ سۋرەتىن دە الدىرىپ, جاريالاپ وتىر.

وسى اڭگىمە جاريالانعان سوڭ رەداكسياعا وقىرمانداردان "جان تەبىرەنتەرلىك اسەرلى شىعارما ەكەن", "قازاقستاندى كەڭىنەن ناسيحاتتاپ جۇرگەن شارافات جىلقىباەۆانىڭ بالالىق شاعى تۋرالى كوبىرەك بىلگىمىز كەلەدى" دەگەن ىستىق ىقىلاستى حاتتار كەلىپ تۇسكەن.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر