getty
دونالد ترامپ اقش پرەزيدەنتى بولعان سوڭعى كۇندەرىندە يراننىڭ يادرولىق الاڭدارىنا قارسى ء"ولىم سوققىسىنىڭ" اسكەري نۇسقالارىن قاراستىرۋدا. ترامپتىڭ نيەتىن اقش-تىڭ ءتورت شەنەۋنىگى "the new york times" گازەتىنە جاريا ەتتى.
ترامپ ءتورت جۇلدىزدى گەنەرالدارمەن جانە مايك پومپەومەن تەگەراننىڭ يادرولىق دەرجاۆاعا اينالۋ امبيسياسىن توقتاتاتىن قادام جاساۋ تۋرالى كەڭەسكەن. اق ۇيدەن كەتىپ جاتقان اكىمشىلىك يراننىڭ ايماقتاعى وداقتاستارىنا قارسى اسكەري سوققىلار جاساۋ تۋرالى دا ويلاستىرعانى حابارلاندى. الايدا ترامپقا كەڭەسشىلەرى مۇنداي قادام تاياۋ شىعىستا كەڭ قاقتىعىس تۋدىرۋى مۇمكىندىگىن ەسكەرتكەن.
ترامپتىڭ نيەتىن اقش-تىڭ ءتورت شەنەۋنىگى "the new york times" گازەتىنە جاريا ەتتى. اقش پرەزيدەنتى يرانعا قارسى قاتاڭ سانكسيالارى تەگەراندى كەلىسسوز ۇستەلىنە قايتا ورالتا الماعانىنا اشۋلانعان دەپ حابارلاندى.
ترامپ يراننىڭ سۋرروگات كۇشتەرىنە سوققى بەرۋ جوسپارلارىن جاساعان. قاڭتار ايىنا دەيىن ترامپتىڭ اسكەري ماقساتقا قول جەتكىزگىسى كەلەتىنى حابارلانعان. بۇل جاڭالىق يادرولىق باقىلاۋشىلار ترامپقا "تەگاراننىڭ يادرولىق ماتەريالدار قورى كوبەيدى" دەپ مالىمدەگەننەن كەيىن پايدا بولدى. سارسەنبىدە يران بۇۇ ينسپەكتورلارىنىڭ يادرولىق الاڭعا كىرۋىنە تىيىم سالعاننان كەيىن قوسىمشا جاڭالىقتار پايدا بولدى.
نيۋ-يورك تايمس يادرولىق بەلسەندىلىكتىڭ دالەلدەرىن كورسەتكەن. حالىقارالىق اتوم ەنەرگياسى اگەنتتىگى ماگاتە سارسەنبىدە ناتانس يادرولىق مەكەمەسىندە ۋران قورى يادرولىق كەلىسىممەن رۇقسات ەتىلگەننەن 12 ەسە كوپ بولعانىن مالىمدەدى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر