پرەزيدەنتتىڭ ءباسپاسوز حاتشىسى بەرىك ءۋالي ماڭعىستاۋ وبلىسىنداعى بوزجىرا تابيعي قورىعىندا قوناق ءۇي سالۋ ماسەلەسىنە قاتىستى مەملەكەت باسشىسىنىڭ تاپسىرماسىن ءتۇسىندىردى. بۇل تۋرالى ول facebook پاراقشاسىندا جازدى.

&ndash؛ كەشە facebook الەۋمەتتىك جەلىسىندە پرەزيدەنتتىڭ بوزجىرا قورىعى اۋماعىندا سالىناتىن قوناق ءۇيدىڭ قۇرىلىسىن قايتا قاراۋدى تاپسىرعانى جايىندا جازىپ ەدىك. اتالعان جازبا اقپارات قۇرالدارى مەن الەۋمەتتىك جەلىلەردە قىزۋ تالقىلانىپ, ءتۇرلى سۇراقتار قويىلىپ جاتىر. سوندىقتان وسى ماسەلەگە تاعى ءبىر مارتە ورالىپ, قوسىمشا تۇسىنىكتەمە بەرگەندى ءجون دەپ تاپتىق, &ndash؛ دەيدى ول.

ول ماڭعىستاۋ وبلىسىندا ءتۋريزمدى دامىتۋ &ndash؛ ۇكىمەتكە جۇكتەلگەن ماڭىزدى مىندەتتەردىڭ ءبىرى ەكەنىن اتاپ ءوتتى.

&ndash؛ بۇگىندە بۇل باعىتتا جۇمىستار باستالىپ كەتتى. بەس جۇلدىزدى قوناق ءۇي سالىنىپ, جايلى مەيمانحانالاردىڭ تۇتاس جەلىسىن قۇرۋ جوسپارلانىپ وتىر. مۇنداي جۇيەلى جۇمىستار ايماقتىڭ تۋريستىك تارتىمدىلىعىن ارتتىراتىنى ءسوزسىز.

جاقىندا بوزجىرا تابيعي قورىعىنىڭ جانىنان قوناق ءۇي سالۋ جوباسى ۇسىنىلدى. وكىنىشكە قاراي, قازىرگى كەزدە قورىقتىڭ اينالاسىنداعى تۋريزم تابيعاتتى قورعاۋ شارالارىن ساقتاماي, بەيبەرەكەت دامىپ جاتىر. بۇل وسى ەرەكشە تابيعات قوراعىنا وراسان زيانىن تيگىزۋدە. پرەزيدەنت ەكولوگيالىق ءتۋريزمدى وركەنيەتتى جولمەن دامىتۋدى قولدايدى. ول ءۇشىن قاجەتتى ينفراقۇرىلىم, ەڭ الدىمەن, جايلى قوناقۇيلەر قاجەت.

سوندىقتان مەملەكەت باسشىسى ۇكىمەتكە قوناق ءۇي سالۋ جوباسىن قايتا قاراۋدى تاپسىردى. ءبىراق, بۇل جوبا وسىمەن توقتايدى دەگەندى بىلدىرمەيدى. قوعامدىق كەڭەستەردىڭ, ەكولوگ ساراپشىلاردىڭ جانە مەملەكەتتىك ۆەدومستۆولاردىڭ وي-پىكىرلەرى ەسكەرىلە وتىرىپ, قوناق ءۇي سالۋعا ارنالعان باسقا ىڭعايلى جەر تاڭدالادى, ؛&ndash؛ دەدى پرەزيدەنتتىڭ ءباسپاسوز حاتشىسى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر