"؛جانبولات ءاعادىلدىڭ ولىمىنە قاتىستى تەرگەۋ پروسەسىنە ساياسات ارالاسىپ وتىر"؛

بەلگىلى زاڭگەر ابزال قۇسپان facebook ؛پاراقشاسىندا "جانبولات ءاعادىلدىڭ ولىمىنە قاتىستى: پوليسيا بەينەماتەريالى زاڭسىز تاراتىلعان" دەگەن اتاۋمەن ۆيدەو جاريالادى. ؛

زاڭگەردىڭ ايتۋىنشا, ادۆوكاتتىڭ قاتىسۋىنسىز پوليسيا عيماراتىنىڭ ىشىندە تەرگەۋ ارەكەتتەرىنەن تىس ازاماتتى مويىنداتىپ, ول تۋرالى بەينەماتەريال دايىنداپ, ونى ەل اراسىندا تاراتۋ تۋرالى نورما مۇلدە قاراستىرىلماعان.

"بۇل قر كونستيتۋسياسى 7-بابىنىڭ 3-بولىگىن, قىلمىستىق پروسەسۋالدى كودەكستىڭ 19-بابى 1-بولىگىن بۇزىپ وتىر. ول نورمالارعا سايكەس, زاڭدى كۇشىنە ەنگەن سوتتىڭ ۇكىمى بولمايىنشا ەشبىر ازاماتتى كىنالى دەپ تانۋعا بولمايدى. بۇل جەردەگى جاعداي ەلدى تىنىشتاندىرۋ ءۇشىن جاسالىپ وتىرعانى تۇسىنىكتى, ياعني تەرگەۋ پروسەسى كەزىندە بەلگىلى ءبىر جاعدايدا ساياسات ارالاسىپ وتىر دەپ ەسەپتەيمىن. ال ساياساتتىڭ تەرگەۋ پروسەسىنە ارالاسۋى بولاشاقتا مۇنداي ىستەردىڭ وبەكتيۆتى, شىندىققا نەگىزدەلگەن تەرگەۋ بولاتىنىنا ۇلكەن كۇمان تۋدىرادى" دەدى ابزال قۇسپان. ؛

11 قاراشادا كۇنى نۇر-سۇلتاندا ازاماتتىق بەلسەندى دۋلات ءاعادىلدىڭ ۇلى جانبولات ءاعادىلدى پىشاقتاپ ءولتىرىپ كەتكەنى ؛حابارلاندى.

مايىتتى كورۋگە كىرگەن مارقۇمنىڭ اعاسى تاڭات جالماعامبەتوۆ ؛ جانبولاتتىڭ دەنەسىنەن پىشاق جاراقاتىنىڭ ىزدەرىن كورگەنىن ؛ايتقان. ؛

12 قاراشادا ىشكى ىستەر مينيسترلىگى تەرگەۋ دەپارتامەنتى ؛جانبولات ءاعادىلدىڭ ولىمىنە قاتىسى بار دەلىنگەن كۇدىكتىلەر ۇستالعانىن ءمالىم ؛ەتتى.

ارتىنشا الەۋمەتتىك جەلىدە جانبولات اعادىلگە "توبەلەس كەزىندە ابايسىزدا پىشاق ۇردىم" دەگەن ادامنىڭ ۆيدەوسى ؛تاراعان. ۇزاماي ۆيدەوداعى ادام شىنىمەن دە كۇدىكتى ەكەنى انىقتالعان. الايدا كۇدىكتىنىڭ مۇگەدەك اناسى "بالاسىنا تانىستارى ؛جالا جاۋىپ وتىر" دەپ سانايتىنىن ؛ايتقان.