18 قاراشا, 2020 news
getty
"ەگەر دجو بايدەن الدا كەلە جاتقان اپاتتى توقتاتۋ ءۇشىن جەدەل ارەكەت ەتپەسە, قىتاي مەن اقش جاپپاي سوعىسقا ءتۇسۋى مۇمكىن" دەپ ەسكەرتتى اقش-تىڭ بۇرىنعى جوعارعى شەنەۋنىگى.
قىرعي-قاباق سوعىس كەزىندە امەريكانىڭ سىرتقى ساياساتىندا كورنەكتى ءرول اتقارعان, بۇرىنعى مەملەكەتتىك حاتشى گەنري كيسسيندجەردىڭ ايتۋىنشا, قازىرگى ۋاقىتتا ەكى تاراپ ءبىرىنشى دۇنيەجۇزىلىك سوعىسقا ۇقساس قاقتىعىسقا بەت الۋدا. كيسسيندجەر قازىرگى كەزدە اسكەري تەحنولوگيالارعا بايلانىستى كەز كەلگەن جانجالدى باقىلاۋ مۇمكىن بولمايتىنىن ەسكەرتتى. ول سونداي-اق دونالد ترامپتى قىتايمەن قارىم-قاتىناستى بۇزعانى ءۇشىن جانە سي سزينپينمەن ديپلوماتياسىنىڭ تومەن دەڭگەيى ءۇشىن سىنعا الدى.
كيسسيندجەر سايلانعان پرەزيدەنت دجو بايدەننىڭ الدىندا ءقازىر بايلانىستاردى قالپىنا كەلتىرۋ جانە ەكى جاق اراسىنداعى قاقتىعىس ىقتيمالدىعىن توقتاتۋ سەكىلدى ماڭىزدى مىندەت تۇرعانىن ەسكەرتتى.
bloomberg-تىڭ جاڭا ەكونوميكالىق فورۋمىندا سويلەگەن سوزىندە ول "ەگەر قانداي-دا ءبىر ىنتىماقتاستىق ارەكەتتىڭ نەگىزى بولماسا, الەم ءبىرىنشى دۇنيەجۇزىلىك سوعىسپەن سالىستىرۋعا بولاتىن اپاتقا ءتۇسىپ كەتەدى. امەريكا مەن قىتاي ءقازىر قاراما-قايشىلىققا بارادى جانە ولار ءوز ديپلوماتيالارىن تەكەتىرەس تاسىلمەن جۇرگىزىپ جاتىر. ءقاۋىپتى نارسە ؛&ndash؛ بۇدان ريتوريكادان تىس ناقتى اسكەري قاقتىعىسقا ۇلاساتىن كەيبىر داعدارىس پايدا بولادى" دەدى اقش-تىڭ بۇرىنعى مەملەكەتتىك حاتشىسى.
كيسسيندجەر "قىتايدىڭ الەمدىك ەكونوميكانىڭ نەگىزگى بولىگىنە يە ەكەنىن دجو بايدەن ەرەكشە اتاپ كورسەتكەنى دۇرىس" دەپ مالىمدەگەنىمەن, ول جاڭا ديپلوماتيالىق كوزقاراس قاجەت ەكەنىن ايتىپ سەندىردى.
ول سونداي-اق ەكى تاراپ قارىم-قاتىناستاعى ەروزياعا قاراماستان كەز كەلگەن اسكەري قاقتىعىستاردى بولدىرماۋعا كەلىسىم بەرۋ كەرەكتىگىن اتاپ ءوتتى.
ول تاعى دا "قۇراما شتاتتار مەن قىتاي بۇرىن-سوڭدى وزىمەن دەڭگەيلەس ەلمەن كەزدەسكەن ەمەس. بۇل ؛&ndash؛ ءبىرىنشى تاجىريبە. ءبىز ونىڭ جانجالعا اينالىپ كەتۋىنە جول بەرمەۋىمىز كەرەك جانە كەيبىر بىرلەسكەن ىس-ارەكەتتەرگە اكەلۋىمىز كەرەك" دەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر