قازاقستاندا كارانتينگە قاتىستى جاڭا شەشىمدەر قابىلداندى

پرەمەر-مينيستردىڭ ورىنباسارى ەرالى توعجانوۆ ۆەدومستۆوارالىق كوميسسيادا ؛كوروناۆيرۋس ينفەكسياسىنىڭ تارالۋىن الدىن الۋ ماقساتىندا ءبىرقاتار شەشىم قابىلدادى.

ۆاك وتىرىسىنىڭ قورىتىندىسى بويىنشا تومەندەگىدەي شەشىمدەر قابىلداندى:

• قوعامدىق كولىكتىڭ جۇمىسىن باسقا قىزمەت تۇرلەرىمەن ۇيلەستىرۋ؛
• "جاسىل ايماقتا" ورنالاسقان وڭىرلەردە قوعامدىق كولىكتىڭ جۇمىسى اپتا ىشىندە 23:00 ساعاتقا دەيىن ۇزارتۋ؛
• "سارى ايماقتا" ورنالاسقان وڭىرلەردە قوعامدىق كولىكتىڭ جۇمىسى دەمالىس جانە مەرەكە كۇندەرىن قوسپاعاندا, ساعات 23:00-گە دەيىن ۇزارتۋ؛
• بيىلعى 21 قاراشاعا دەيىن اۋرۋحانالاردىڭ رەانيماسيالىق بولىمشەلەرىنىڭ ماتەريالدىق بازاسىن تەكسەرۋ, قاجەت بولعان جاعدايدا ولاردى تولىقتىرۋ بويىنشا جەدەل شارالار قابىلداۋ؛

• اسكەري گوسپيتالدارداعى توسەك قورىن قاجەتتى جاعدايدا جەدەل ورىستەتۋگە تولىق ازىرلىكتى قامتاماسىز ەتۋ.

سونداي-اق 2020 جىلدىڭ 21 قاراشادان باستاپ قىزمەتى كەلۋشىلەرمەن تىكەلەي بايلانىستى ەمەس كاسىپكەرلىك سۋبەكتىلەرىنىڭ جۇمىس ۋاقىتى بويىنشا شەكتەۋلەر الىنىپ تاستالادى ونىڭ ىشىندە اۆتو-ەكسپرەسس (تاماقتى وزىمەن بىرگە الىپ كەتۋ), كولىك جۋۋ, اۆتوموبيلدەرگە تەحنيكالىق قىزمەت كورسەتۋ جانە جوندەۋ ستانسيالارى, تىگىن شەبەرحانالارى, تۇرمىستىق تەحنيكا, اياق كيىم, تەلەفون, كومپيۋتەرلەر, ساعات جوندەۋ, كىر جۋۋ جانە حيميالىق تازالاۋ ورتالىقتارى بار.

وتىرىستا 21 قاراشاعا دەيىن حالىقپەن بايلانىس دەڭگەيى تومەن بيزنەس نىساندارىنىڭ قوسىمشا ءتىزىمىن دايىنداۋ تاپسىرىلدى.

ەرالى توعجانوۆ شىعىس قازاقستان, سولتۇستىك قازاقستان وبلىستارىنىڭ اكىمدىكتەرىنە 10 كۇن مەرزىمدە قىزىل ايماقتان شىعۋ ءۇشىن ەپيدەميولوگيالىق جاعدايدى تۇراقتاندىرۋ جونىندە تۇبەگەيلى شارالار قابىلداۋ قاجەتتىگىن جەتكىزدى.

دەنساۋلىق ساقتاۋ سالاسىنداعى ستاتيستيكالىق دەرەكتەردىڭ اشىقتىعىن قامتاماسىز ەتۋ ماقساتىندا covid-19 بويىنشا پتر زەرتتەۋلەرىن جۇرگىزەتىن زەرتحانالاردىڭ ينتەگراسياسىن ءبىر اپتا مەرزىمدە اياقتاۋ تاپسىرىلدى.

كەڭەس قورىتىندىسى بويىنشا پرەمەر-مينيستردىڭ ورىنباسارى دارىلىك زاتتاردىڭ باعاسىن تومەندەتۋ, دارى-دارمەكتەر مەن مەديسينالىق بۇيىمداردىڭ باعاسىن رەتتەۋ, وتاندىق ماسكا وندىرۋشىلەردى شيكىزاتپەن قامتاماسىز ەتۋدىڭ كەپىلدەندىرىلگەن تەتىكتەرىن ايقىنداۋ جانە تاعى باسقا ماسەلەلەر بويىنشا ءبىرقاتار تاپسىرما بەردى.