بىلىم جانە عىلىم ءمينيسترى اسحات ايماعامبەتوۆ ءبىلىم سالاسىندا ءبىرقاتار وزگەرىستەردىڭ بولاتىنىن مالىمدەدى. بۇل تۋرالى ول facebook پاراقشاسىندا جازدى.

"بىز كىتاپحاناشىلاردىڭ مارتەبەسىن ارتتىرۋ, ولاردىڭ ەڭبەكاقىسىن كوتەرۋ جانە جۇمىسىنىڭ جاڭا تالاپتارعا ساي بولۋىن قايتا قاراستىرىپ جاتىرمىز. ولاردى پەداگوگيكالىق كادرلار ساناتىنا ەنگىزۋ بويىنشا باستامانى كوتەردىك. ؛كىتاپحانا زاماناۋي جابدىقتالىپ, بالا ءۇشىن ىڭعايلى ءارى قىزىقتى بولۋى كەرەك. وقۋشى وندا كىتاپ وقۋمەن قاتار نەتۆوركينگ نەمەسە شىعارماشىلىق دامۋ داعدىلارىن يگەرە الۋى قاجەت" دەيدى مينيستر.

ونىڭ سوزىنشە, بۇگىنگى تاڭدا كوپتەگەن مەكتەپ كىتاپحانالارىنىڭ جۇمىس فورماتى ەشقانداي سىن كوتەرمەيدى.

"قازىرگى جاستاردىڭ كوبى اقپاراتتى سيفرلىق تەحنولوگيالار ارقىلى پايدالاناتىنىن ەسكەرە وتىرىپ, ءبىز الداعى ۋاقىتتا كىتاپحانالاردى سيفرلاندىرۋدى جوسپارلاپ وتىرمىز.

وسىعان بايلانىستى, كوركەم ادەبيەتتىڭ ەلەكتروندى نۇسقالارىن ينتەرنەت جانە ءموبيلدى قوسىمشالار ارقىلى قولجەتىمدى ەتۋ قاجەت. مۇنداي جوبالار ءقازىردىڭ وزىندە بار. ولاردىڭ اۆتورلارىمەن بىرىگىپ جۇمىس ىستەمەكپىز. سونداي-اق, ءبىز گەيميفيكاسيا ەلەمەنتتەرىن قولدانۋدى جوسپارلاپ وتىرمىز.

مەن اتاپ وتكەن مىندەتتەردى شەشۋ تەك مەكتەپتەردىڭ عانا ەمەس, سونىمەن قاتار اتا-انالاردىڭ دا ۋاقىتىن جانە كۇش-جىگەرىن تالاپ ەتەدى. سوندىقتان بۇل جۇمىستى ولار قولدايدى دەپ ۇمىتتەنەمىن.

بىلىم جانە عىلىم سالاسىنا قاراستى 7096 كىتاپحانا جۇمىس ىستەيدى. مەكتەپتەردە &ndash؛ 6461, كوللەدجدەردە &ndash؛ 579, جوعارى وقۋ ورىندارىندا &ndash؛ 56, سونداي-اق رەسپۋبليكالىق عىلىمي-پەداگوگيكالىق كىتاپحانا جۇمىس ىستەيدى. ال ءبىلىم بەرۋ ۇيىمدارىنداعى جالپى كىتاپ قورى &ndash؛ 267 325 289. سانى, ارينە, كوڭىل كونشىتەرلىك.

دەگەنمەن ولاردىڭ قانشاسى كوركەم ادەبيەت؟ سول كوركەم ادەبيەتتىڭ قانشاسى قازاق تىلىندە؟ مەكتەپ كىتاپحانالارى جاڭا كىتاپتارمەن قانشالىقتى ءجيى تولىقتىرىلادى؟ ە. بەرروۋز, ا. ازيموۆ, م. تۆەن, ج. ۆەرن جانە باسقا اۆتورلاردىڭ ەڭبەكتەرى قازاق تىلىنە اۋدارىلعان با؟

بۇل تۇرعىدا ايتارلىقتاي پروبلەمالار بار" دەدى ايماعامبەتوۆ.

 ؛

 ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر