فوتو: جانبولات ءاعادىلدىڭ پاراقشاسىنان

جۋرناليست ؛ميحايل كوزاچكوۆ ؛telegram-دا ازاماتتىق بەلسەندى دۋلات ءاعادىلدىڭ ۇلى جانبولات ءاعادىلدىڭ قازاسىنا بايلانىستى ءىستىڭ بارىسى تۋرالى اقپارات جاريالادى. اقپاراتتىق حابارلامادا ادام ولىمىنە سوقتىرعان جاعدايدىڭ بارىسى باياندالعان.

جۋرناليست ؛ميحايل كوزاچكوۆتىڭ ؛telegram-داعى جازباسىنىڭ سكرينشوتى

اقپاراتتا 2020 جىلعى 6 قاراشادا نۇر-سۇلتان قالاسى كوكتال ىقشاماۋدانى بولاشاق كوشەسى №28 ءۇيدىڭ ماڭىندا ءا.ا.امانجولوۆ پەن ا.ە.جۇماقان ورتاق تانىستارى د.س.گلاشەۆا ءۇشىن سوزگە كەلىپ قالعانى جازىلعان.

"وسى كۇنى ساعات 23 شاماسىندا اقمولا وبلىسى سەلينوگراد اۋدانى تالاپبەك اۋىلىنداعى "sinoil" جانارماي قۇيۋ بەكەتى ءماڭىندا ؛ا.ا.امانجولوۆ جانە ونىڭ دوستارى د.ج. قالليموۆ, د.س.باۋحان, ي.م.سماعۇلوۆ كيكىلجىڭ بويىنشا س.ە.اسبولات, ا.ە.جۇماقان جانە م.ا.سادىقپەن كەزدەسكەن. شامامەن 25 مينۋتتان كەيىن اتالعان جەرگە ءج.د.اعادىلوۆ كەلگەن.

كەزدەسۋ كەزىندە ءا.ا.امانجول ە.ا.جۇماقاننان كەشىرىم سۇراپ, جانجال وسىمەن شەشىلگەن.

الايدا قاراشانىڭ 11 كۇنى ءا.ا.امانجولدىڭ سىنىپتاسى ف.ساگيتوۆ "ۆكونتاكتە"-دەگى ورتاق توپقا س.ە.اسبولاتپەن ينستاگرامدا بولعان ەكەۋارا اڭگىمەنىڭ سكرينشوتىن جاريالاعان. ول جەردە 6 قاراشادا ء"ا.ا.امانجول كەزدەسۋدە جىلاپ, كەشىرىم سۇرادى" دەلىنگەن. بۇل ءا.ا.امانجول سىنىپتاستارىن اشۋلاندىرعان.

سول كۇنى ساعات 17 شاماسىندا ءا.ا.امانجولوۆ اراداعى جانجال بويىنشا س.ە.اسبولاتپەن بولاشاق كوشەسى بويىنداعى №28 ءۇي جاقتا كەزدەسپەك بولعان. ەكى تاراپ تا تانىس بالالارىن اكەلەتىنىن ايتقان.

21:30-دا بەلگىلەنگەن جەردە ءا.ا.امانجولوۆ جاعىنان 25 ادام (ونىڭ ىشىندە جانبولات ءاعادىل دە بار) س.ە.اسبولات جاقتان كەلگەن 7 اداممەن كەزدەسكەن. كەزدەسۋ توبەلەسكە ۇلاسىپ, ؛ا.ا.امانجولوۆ ؛س.ە.اسبولاتتان العان سوققىدان ەسىنەن تانىپ قالعان. ەسىن جيعاندا سول قولىندا پىشاق ۇستاپ, وزىنە ءتونىپ كەلە جاتقان س.ە.اسبولاتتى كورگەن. ءا.ا.امانجولوۆ قورىققانىنان قاشقان. قاشار الدىندا ۇستىنە قان جۇققان ءج.د.اعادىلوۆتىڭ جەردە جاتقانىن كورگەن.

كامىلەتكە تولماعان 2003 جىلعى ي.سماگۋلوۆتان الىنعان جاۋاپقا سايكەس, س.ە.اسبولات امانجولدى ۇرىپ, سوڭعىسى قاشقاننان كەيىن, و.س.راحمەت ءج.د.اعادىلوۆتىڭ دەنەسىن پىشاقپەن سوققىلاعانىن, ءاعادىلوۆتىڭ جەرگە قۇلاعانىن كورگەن. ارتىنشا و.س.راحمەت ي.سماعۇلوۆقا قاراي جۇگىرگەن. سونداي-اق ا.ە.جۇماقاننىڭ قولىنان پىشاق كورگەن.

جانجال قاتىسۋشىلارىنا قاتىستى سوت-مەديسينالىق ساراپتاما جۇرگىزىلىپ, توبەلەس كەزىندە ۇستاعان زاتتار الىنعان.

جانبولات ءاعادىلوۆ تاراپىنان 8 ادامنان ء(ا.ا.امانجولوۆ, س.نىعمەت, ي.سماعۇلوۆ, د.قالليمولا, ف.ساعيتوۆ, ر.امانگەلدينوۆ, ا.بوتاەۆ, س.كەڭەسبەك) ؛ جاۋاپ الىنعان. ولاردىڭ ءبارى تالاپكەر اۋىلىنىڭ تۇرعىندارى.

كۇدىكتى جاقتان 7 ادامنان (ە.ە.سادىحان, س.اسبولات, م.ا.سىدىق, و.ا.اسحات, قۇرمەت ماقپال, ۇستالماعان ءو.س. راحمەت جانە ا.ە.جۇماحان) جاۋاپ الىنعان.

اقپاراتتىق حابارلامادا بويىنشا جابىرلەنۋشى تاراپتىڭ بەرگەن جاۋابىنا سايكەس, قارسى جاقتان جانجالعا ؛بەلسەندى قاتىستى دەلىنگەن و.س.راحمەت پەن ا.ە.جۇماقاننىڭ تۇسىنداعى ۇستالماعان دەگەن جازۋ, قالاممەن ۇستالعان دەگەنگە وزگەرتىلگەن.

"كەلدىرىلگەن دەرەككە نەگىزىندە ؛293-باپتىڭ ء3-بولىمى (پىشاق قولدانۋ ارقىلى ءبىر توپ ادام جاساعان ؛بۇزاقىلىق), 99-باپتىڭ ء2-بولىمى (بۇزاقىلىق ارەكەتەن تۋعان ادام ءولىمى) بويىنشا ەكى قىلمىستىق ءىس تىركەلگەن" دەلىنگەن حابارلامادا.

1

2

3

11 قاراشادا كۇنى نۇر-سۇلتاندا ازاماتتىق بەلسەندى دۋلات ءاعادىلدىڭ ۇلى جانبولات ءاعادىلدى پىشاقتاپ ءولتىرىپ كەتكەنى حابارلاندى.

مايىتتى كورۋگە كىرگەن مارقۇمنىڭ اعاسى تاڭات جالماعامبەتوۆ ؛ جانبولاتتىڭ دەنەسىنەن پىشاق جاراقاتىنىڭ ىزدەرىن كورگەنىن ايتقان. ؛

12 قاراشادا ىشكى ىستەر مينيسترلىگى تەرگەۋ دەپارتامەنتى ؛جانبولات ءاعادىلدىڭ ولىمىنە قاتىسى بار دەلىنگەن كۇدىكتىلەر ۇستالعانىن ءمالىم ەتتى.

ارتىنشا الەۋمەتتىك جەلىدە جانبولات اعادىلگە "توبەلەس كەزىندە ابايسىزدا پىشاق ۇردىم" دەگەن ادامنىڭ ۆيدەوسى تاراعان. ۇزاماي ۆيدەوداعى ادام شىنىمەن دە كۇدىكتى ەكەنى انىقتالعان. الايدا كۇدىكتىنىڭ مۇگەدەك اناسى "بالاسىنا تانىستارى ؛جالا جاۋىپ وتىر" دەپ سانايتىنىن ايتقان.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر