بىلىم جانە عىلىم مينيسترلىگى ەكىنشى توقساننان باستاپ وقۋشىلاردىڭ قالاي وقيتىنىن مالىمدەدى.

مينيسترلىكتىڭ حابارلاۋىنشا, قازاقستاندا 7 مىڭعا جۋىق مەكتەپ بار, ولاردىڭ 3700-دەن استامى كارانتيندىك شەكتەۋلەر جاعدايىندا ءداستۇرلى فورماتتا جۇمىس ىستەپ, بارلىق سىنىپ وقۋشىسىن مەكتەپ قابىرعاسىندا وقىتىپ جاتىر.

"قالعان مەكتەپتەردە سانيتارلىق دارىگەرلەردىڭ تالابى بويىنشا وقىتۋ ارالاس فورماتتا جۇرگىزىلەدى: اتا-انالاردىڭ ءوتىنىشى بويىنشا مەكتەپالدى, باستاۋىش جانە 5-سىنىپ وقۋشىلارى كەزەكشى سىنىپتاردا وقي الادى. ءبىراق ءار ءوڭىر بويىنشا ناقتى شەشىمدى جەرگىلىكتى سانيتار دارىگەرلەر قابىلداپ, رۇقسات بەرەدى" دەلىنگەن رەسمي سايت حابارلاماسىندا.

سونىمەن قاتار بالا كەزەكشى سىنىپتا وقيتىن بولسا, وندا بارلىق تاپسىرما بۇرىنعىداي قالىپتى فورماتتا بەرىلەدى. ياعني, بالا سىنىپتا وقيدى, ال ءۇي تاپسىرماسىن ۇيدە وقۋلىق بويىنشا ورىندايدى.

مينيسترلىك قوسىمشا رەسۋرس رەتىندە قولجەتىمدى ءبىلىم بەرۋ پلاتفورمالارىنداعى كونتەنتتى قالاي پايدالانۋ كەرەكتىگىن ءار ءمۇعالىم ءوزى تاڭدايتىنىن جانە ءۇي تاپسىرماسىنىڭ كولەمى بەكىتىلگەن نورمادان تىم كوپ بولماۋى قاجەتتىگىن حابارلادى.

بىلىم مينيسترلىگى بەلگىلى ءبىر پلاتفورمانى پايدالانۋ بويىنشا تالاپتار قويمايدى. ءبىلىم بەرۋ پلاتفورماسىن مەكتەپ اكىمشىلىگى ءوزى تاڭدايدى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر