تاۋلى قاراباقتاعى قاقتىعىستان كەيىن 150 ارميان اسكەرىنىڭ دەنەسى شۋشا قالاسى ماڭىنداعى اۋماقتان شىعارىلدى. بۇل تۋرالى مويىندالماعان تاۋلى قاراباق رەسپۋبليكاسىنىڭ پرەزيدەنتى ارايك ارۋتيۋنيان facebook-تە حابارلادى.

"بىز وتانىمىزدىڭ ءبىر بولىگىن جانە مىڭداعان ادامنىڭ ءومىرىن ساقتاپ قالساق تا, ادام جانە اۋماق جاعىنان ۇلكەن شىعىنعا ۇشىرادىق, ونى شۋشادان الىنعان 150 ارميان اسكەرىنىڭ دەنەسى تاعى ءبىر رەت دالەلدەدى" دەلىنگەن جازبادا.

ارۋتيۋنياننىڭ ايتۋىنشا, تاعى جۇزدەگەن ءمايىت ۇرىس الاڭىندا قالعان, ولاردى انىقتاۋ قايتىس بولعانداردىڭ تۋىستارىنا قيىنعا سوعىپ وتىر.

"بۇل كۇندەرى مەن ءوزىم قايتىس بولعان جانە حابار-وشارسىز كەتكەن ادامداردىڭ تۋىستارىنا كوپ ۋاقىت بولەمىن, ولاردىڭ قايعى-قاسىرەتىنە ورتاقستاسامىن" دەپ جازدى ارۋتيۋنيان.

سونداي-اق ول ءوزىن ارمەنياداعى ىشكى تۇراقتىلىق ءقاۋپى مازالايتىنىن اتاپ ءوتتى.

 ؛

 ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر