• usd 424.85

  • eur 504.21

  • rub 5.84

  • cny 65.86

24 قازان, 17:26:10
الماتى
+10°

بۇگىن الماتى قالاسىنداعى شوقان ءۋاليحانوۆ ەسكەرتكىشىنىڭ الدىندا رۇقسات ەتىلگەن ميتينگ ءوتتى. ميتينگكە دەموكراتيالىق پارتيا قۇرۋعا تالپىنىپ جۇرگەن قوعام بەلسەندىسى جانبولات ماماي مەن youtube جەلىسىندەگى "باسە" كانالىنىڭ اۆتورى ايدوس سادىقوۆ شاقىردى. ۇيىمداستىرۋشىلار نەسيە كەشىرىلۋىن, جەر ساتىلماۋىن, ساياسي تۇتقىنداردىڭ بوساتىلۋىن تالاپ ەتىپ, 10 قاڭتارعا بەلگىلەنگەن ءماجىلىس سايلاۋىنا بويكوت جاريالاۋعا شاقىردى.

"بارلىق ساياسي تۇتقىندار بوستاندىققا شىعۋى كەرەك. مەملەكەت ولاردىڭ الدىندا كەشىرىم سۇراپ, وتەماقى تولەسىن, سەبەبى ولار قىلمىسكەر ەمەس" دەگەن جانبولات ماماي جاڭاوزەن وقيعاسى مەن جەلتوقسان قۇرباندارىن ەسكە الۋ ماقساتىندا 16 جەلتوقسان كۇنى دە جانە سايلاۋ بولاتىن 10 قاڭتار كۇنى دە الاڭدا ميتينگكە جينالاتىنىن حابارلادى.

&ndash؛ بيلىك 10 قاڭتار كۇنى وتىرىك ءماجىلىس سايلاۋىن وتكىزبەك. ول جەردە ەشقانداي تاڭداۋ جوق, ەشقانداي ساياسي پارتيا جوق. نۇروتان پارتياسى جانە قالعانى سونىڭ بولىمشەلەرى سياقتى. بيلىك قالاي ايتادى, سولاي بولادى. سول ءۇشىن ءبىزدىڭ ءسوزىمىز انىق بولۋى كەرەك. ءبىز مۇنداي سايلاۋعا قاتىسپايمىز. پارلامەنت سايلاۋىنا بويكوت! قازاقستانعا ساياسي رەفورما, ساياسي وزگەرىستەر كەرەك. ولاي جاساماسا, نازارباەۆ تا, توقاەۆ تا كەتسىن. نازارباەۆتىڭ 30 جىلدىق بيلىگىنەن شارشادىق. ءسوزىمىزدى ۇكىمەت ەستىمەسە, بىزدە الاڭعا شىعۋدان باسقا امال جوق. الاڭعا شىعىپ, تالاپ قوياتىن كەز كەلدى, &ndash؛ دەدى جانبولات ماماي.

گۇلىم جاراسقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر