• usd 468.56

  • eur 497.56

  • rub 7.3

  • cny 67.18

28 ناۋرىز, 13:48:46
الماتى
+35°

قازاقستاندا "mg production plus" كينوكومپانياسى ۇسىنعان "ۇلى دالا زارى" ءفيلمىنىڭ ونلاين پرەمەراسى ءوتتى. ؛

1920-1930 جىلداردا قازاقستانداعى جەرگىلىكتى تۇرعىندارىنىڭ 70%-دان استامى اشتىقتان كوز جۇمدى. 1,5 ميلليون ادام وتانىن تاستاپ, باسقا ەلدەرگە قاشۋعا ءماجبۇر بولدى. وسىلايشا 10 جىلدىق اشتىق كەزەڭىندە 47 ميلليوننان استام كەڭەس ۇكىمەتىنىڭ ادامى زارداپ شەكتى. "ۇلى دالا زارى" &ndash؛ وسىنداي ناقتى تاريحي وقيعالارعا نەگىزدەلگەن فيلم. ؛

فيلمنىڭ شەكتەۋلى ونلاين كورسەتىلىمى 2020 جىلدىڭ قازان ايىندا قازاقستاندا www.cinexus.kz ونلاين كينوتەاترىندا باستالدى. ال الەمدىك پرەمەرا ازيا دۇنيەجۇزىلىك كينوفەستيۆالىنىڭ ونلاين باعدارلاماسى اياسىندا 2020 جىلدىڭ 7 مەن 9 قاراشاسى ارالىعىندا لوس-اندجەلەستە ءوتتى. وندا ءفيلمدى 16 ميلليوننان استام كورەرمەن 3 كۇن بويى تاماشالاعان.

"ۇلى دالا زارى" حالىقارالىق ؛ "التىن گلوبۋس" پرەمياسىنا "شەت تىلىندەگى ۇزدىك فيلم" اتالىمى بويىنشا ۇسىنىلعان. ؛

اتالمىش فيلم تاقىرىپتىڭ ماڭىزدىلىعىنا قاراماستان, مەملەكەتتەن قولداۋ تاپپاعان. سوندىقتان كينو وندىرىسىنە اقشا جەتپەي, ءتۇسىرىلىم 5 جىلعا سوزىلعان. ءفيلمنىڭ پروديۋسەرى ەرنار ماليكوۆ اشارشىلىق قۇرباندارىن ەسكە الۋ ءۇشىن تاۋەكەلگە بارىپ, بارلىق دەرلىك مۇلكىن ساتىپ, وسى ءفيلمدى تۇسىرگەن. پروديۋسەردىڭ وسىلايشا تۋىندا اشتىقتان قايتىس بولعان جانە جازىقسىز جاپا شەككەندەردىڭ بارلىعىنا ماڭگىلىك ەستەلىك قالسا ەكەن دەيدى.

اۆتورلار فيلمدە ۇلتارالىق ارازدىقتى قوزدىراتىن ەشتەڭە جوق ەكەنىن, تەك قازاق حالقىنىڭ باستان كەشكەن قاسىرەتى, ؛كەڭەس وداعىنىڭ بارلىق حالىقتارىنىڭ شەككەن زاردابى كورسەتىلگەنىن اتاپ ءوتتى.

فيلمدە "ماحاببات, قىزىق مول جىلدار", "ارۋاققا اڭشىلىق", "999" سياقتى تانىمال فيلمدەر مەن تەلەۆيزيالىق جوبالار ارقىلى بەلگىلى مارينا كۋناروۆا رەجيسسەرلىك ەتىپ, سەناريىن جازعان.

اشارشىلىق تۋرالى فيلم ءتۇسىرۋ يدەياسىن پروديۋسەر مەن رەجيسسەر بەس جىلدان استام ۋاقىت بۇرىن كوتەرگەن. ۇزاق ۋاقىت بويى ارحيۆتىك ماتەريالداردى ىزدەپ, سول جىلدارداعى جازبالار مەن ادەبيەتتەردى زەرتتەگەن. سەناريي بىرنەشە رەت قايتا جازىلعان.

&ndash؛ ءفيلمنىڭ ماقساتى &ndash؛ ۇزاق جىلدار بويى ءۇنسىز بولعان قازاق حالقىنىڭ وتكەنى تۋرالى اڭگىمەلەۋ. قازاق حالقى ۇلت گەنوسيدىنەن امان قالدى, بۇل تاقىرىپ ونداعان جىلدار بويى باسىپ-جانشىلىپ وتىردى. ال بۇل كارتينا بۇكىل الەمگە تاريحي شىندىقتى اشتى, &ndash؛ دەدى رەجيسسەر مارينا كۋناروۆا.

كورەرمەن اتالمىش ءفيلمدى www.cinexus.kz. ونلاين كينوتەاترىنان تاماشالاي الادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر