فوتو: جانبولات ءاعادىلدىڭ facebook پاراقشاسىنان

بۇگىن قايتىس بولعان ازاماتتىق بەلسەندى دۋلات ءاعادىلدىڭ ۇلى جانبولات ءاعادىل الدەكىمدەردىڭ شاقىرۋىمەن 10 قاراشا كۇنى كەشكى 10-دار شاماسىندا نۇر-سۇلتان قالاسىنا اقمولا وبلىسى تالاپكەر اۋىلىنداعى ۇيىنەن شىعىپ كەتكەن. بۇل تۋرالى جانبولات ءاعادىلدىڭ ناعاشى اتاسى جاقسىباي قاسىمحانۇلى ايتتى.

&ndash؛ ءبىز ۇيدە وتىرعاندا 9 جارىمداردا جانبولاتقا بىرەۋلەر "زۆونداپ", جانبولات ء"قازىر بارام" دەپ جاتتى. كىم حابارلاستى دەگەنىمىزدە, "دوس بالالار عوي" دەدى. ارتىنشا ءبىز جاقىندارىمىزدىڭ ۇيىنە قوناققا كەتتىك. جانبولات ۇيدە قالعان. ۇزاماي شىعىپ كەتكەن بولىپ تۇر عوي. ءبىز قايتىپ كەلگەندە جانبولات ۇيدە بولمادى. اجەسى (گۇلبارشىن جارمۇحامبەتوۆا &ndash؛ رەد.) حابارلاسىپ كورىپ ەدى, تەلەفونى ءسوندىرۋلى ەكەن. بالا عوي, جولداستارىمەن جۇرگەن شىعار دەپ جاتىپ قالدىق. ەرتەڭگىسىن قارالى حاباردى ەستىدىك, &ndash؛ دەيدى جانبولاتتىڭ ناعاشى اتاسى.

جانبولاتتىڭ جاقىندارىنىڭ ايتۋىنشا, توبەلەسكە قاتىستى دەلىنگەن بالالار ءقازىر قاماۋدا. ولار 15 شاقتى ادامنىڭ ۇستالعانىن ەستىگەن.

توبەلەستىڭ نەدەن شىققانى, جانبولاتتى كىم پىشاقتاعانى, تەرگەۋ بارىسى تۋرالى ازىرگە ەشتەڭە بىلمەيتىندەرىن جەتكىزدى.

تەك دۋلات ءاعادىلدىڭ ءىنىسى تاڭات جالماعامبەتوۆكە جانبولاتتىڭ ءمايىتىن كورۋگە رۇحسات بەرىلگەن. تاڭات جالماعامبەتوۆ جانبولاتتىڭ دەنەسىنەن پىشاق جاراقاتىنىڭ ىزدەرىن كورگەنىن ايتتى.

&ndash؛ ءۇشىنشى جانە ءتورتىنشى قابىرعالاردىڭ اراسىنان سۇعىلعان پىشاق ءىزىن بايقادىم. پىشاقتى ءۇش رەت تىققانعا ۇقسايدى. دەنەسىندە وزگە جاراقات ىزدەرى بىلىنبەيدى, &ndash؛ دەگەن ول تۇندەگى وقيعادان حابارى جوق ەكەنىن اتاپ ءوتتى.

جانبولاتتىڭ جاقىندارى مارقۇمنىڭ دەنەسى جانە مەديسينالىق ساراپتامانىڭ الدىن الا قورىتىندىسى ەرتەڭ بەرىلەتىنىن, جانبولاتتىڭ دەنەسىن جەر قوينىنا تاپسىرۋ جۇماعا جوسپارلانىپ وتىرعانىن ءمالىم ەتتى.

رەسمي ورىندار توبەلەسكە نە تۇرتكى بولعانىن حابارلامادى. نۇر-سۇلتان قالاسىنىڭ پوليسيا دەپارتامەنتى تەرگەۋ ءجۇرىپ جاتقانىن مالىمدەدى.

"10 قاراشادا ساعات 22.56-دا 102 نومەرىنە نۇر-سۇلتان قالاسى كوكتال ىقشاماۋدانى بولاشاق كوشەسىنىڭ بويىندا جاپپاي توبەلەستىڭ بولعانى تۋرالى حابار ءتۇستى. وقيعا ورنىنا كەلگەن پوليسيا قىزمەتكەرلەرى جاس جىگىتتەر اراسىندا جانجال بولىپ, ارتى توبەلەسكە ۇلاسقانىن انىقتاعان. سالدارىنان ەكى ادام دەنە جاراقاتىن العان. ونىڭ ءبىرى 17 جاستاعى ءج.اعادىل اياعىنان جارالانىپ, جەدەل جاردەم كولىگى كەلگەنگە دەيىن سول جەردە قايتىس بولدى.

اتالعان دەرەك بويىنشا قازاقستان قىلمىستىق كودەكسىنىڭ 99-باپ ء2-بولىمى (ادام ءولتىرۋ) جانە 293-باپ ء3-بولىمى (قىلمىستىق توپ جاساعان, اتىس قارۋىن, گازدى قارۋدى, پىشاقتاردى, كاستەتتەردi جانە وزگە دە سۋىق قارۋدى نە دەنساۋلىققا زيان كەلتiرۋ ءۇشiن ارنايى لايىقتالعان باسقا دا زاتتاردى قولدانىپ نەمەسە قولدانۋعا تىرىسىپ جاسالعان ىس-ارەكەتتەر) بويىنشا قىلمىستىق ءىس قوزعالدى.

قازىرگى ۋاقىتتا جانجال قاتىسۋشىلارىن انىقتاۋ ماقساتىندا تەرگەۋ جۇرگىزىلىپ جاتىر. ۇستالعاندار تەرگەلۋدە. تەرگەۋ ناتيجەسى بويىنشا ءار ادامنىڭ ارەكەتىنە قۇقىقتىق باعالاۋ بەرىلەدى. تەرگەۋ جالعاسۋدا" دەلىنگەن پوليسيا دەپارتامەنتى تاراتقان حابارلامادا.

جانبولات ءاعادىلدىڭ اكەسى مارقۇم دۋلات ءاعادىل ؛ساياسي, الەۋمەتتىك پروبلەمالار مەن ازاماتتىق قۇقىقتى ساقتاۋ ماسەلەسىن كوتەرىپ جۇرگەن. ول وتكەن جىلى بىرنەشە مارتە اكىمشىلىك جازاعا تارتىلىپ, كەمىندە 60 تاۋلىك قاماۋدا وتىرعان. ؛24 اقپاندا ؛اقمولا وبلىسى سەلينوگراد اۋداندىق پوليسيا ءبولىمىنىڭ قىزمەتكەرلەرى تالاپكەر اۋىلىنداعى ۇيىنەن الىپ كەتكەن. ارتىنشا 25 اقپاندا بەلسەندىنىڭ تەرگەۋ يزولياتورىندا قايتىس بولعانى حابارلاندى. رەسمي دەرەكتە بەلسەندى جۇرەك تالماسىنان كوز جۇمعانى ايتىلدى. الايدا مارقۇمنىڭ جاقىندارى مەن ازاماتتىق بەلسەندىلەر مۇنىمەن كەلىسپەيدى.

مەلىس سەيداحمەتوۆ

الماتى وبلىسى كەربۇلاق اۋدانى قىزىلجار اۋىلىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىن بىتىرگەن. 2015-2019 جىلدارى «پرەزيدەنت جانە حالىق» گازەتىندە ءتىلشى, شەف-رەداكتور بولىپ ىستەگەن. 2019 جىلدان بەرى قامشى پورتالىندا قىزمەت اتقارادى. qamshy.kz سايتىنىڭ باس رەداكتورى.

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر