اعادىلدىڭ اناسى: بىرەۋ اتىپ كەتتى دەيدى, بىرەۋ پىشاقتاعان دەيدى

ازاماتتىق بەلسەندى, رەسمي دەرەكتە تەرگەۋ يزولياتورىندا "جۇرەك تالماسىنان" قايتىس بولدى دەلىنگەن دۋلات ءاعادىلدىڭ ۇلىن بىرەۋلەر ءولتىرىپ كەتكەنى حابارلاندى.

اقپاراتتى دۋلاتتىڭ اناسى گۇلبارشىن جارمۇحامبەتوۆا راستادى.

قامشى تىلشىسىمەن تەلەفون ارقىلى سويلەسكەن ؛گۇلبارشىن جارمۇحامبەتوۆا قارالى حاباردى ءقازىر عانا ەستىگەنىن, ناقتى نە جاعداي بولعانىن بىلمەيتىنىن جەتكىزدى.

ونىڭ سوزىنشە, ولتىرىلگەن ادام نەمەرەسى, دۋلات ءاعادىلدىڭ تۇڭعىشى 17 جاستاعى جانبولات.

&ndash؛ بىرەۋ اتىپ كەتتى دەيدى, بىرەۋ پىشاقتاعان دەيدى. ادامدار سول جاققا (نۇر-سۇلتان قالاسىنا - رەد.) كەتتى عوي, &ndash؛ دەدى گۇلبارشىن جارمۇحامبەتوۆا وكسىگىن باسا الماي.

نۇر-سۇلتان قالاسىنىڭ پوليسيا دەپارتامەنتى جانبولات ءاعادىلدىڭ قازاسى تۋرالى مالىمدەمە جاسادى. ؛

"10 قاراشادا ساعات 22.56-دا 102 نومەرىنە نۇر-سۇلتان قالاسى كوكتال ىقشاماۋدانى بولاشاق كوشەسىنىڭ بويىندا جاپپاي توبەلەستىڭ بولعانى تۋرالى حابار ءتۇستى. وقيعا ورنىنا كەلگەن پوليسيا قىزمەتكەرلەرى جاس جىگىتتەر اراسىندا جانجال بولىپ, ارتى توبەلەسكە ۇلاسقانىن انىقتاعان. سالدارىنان ەكى ادام دەنە جاراقاتىن العان. ونىڭ ءبىرى 17 جاستاعى ءج.اعادىل اياعىنان جارالانىپ, جەدەل جاردەم كولىگى كەلگەنگە دەيىن سول جەردە قايتىس بولدى.

اتالعان دەرەك بويىنشا قازاقستان قىلمىستىق كودەكسىنىڭ 99-باپ ء2-بولىمى جانە 293-باپ ء3-بولىمى بويىنشا قىلمىستىق ءىس قوزعالدى.

قازىرگى ۋاقىتتا جانجال قاتىسۋشىلارىن انىقتاۋ ماقساتىندا تەرگەۋ جۇرگىزىلىپ جاتىر. ۇستالعاندار تەرگەلۋدە. تەرگەۋ ناتيجەسى بويىنشا ءار ادامنىڭ ارەكەتىنە قۇقىقتىق باعالاۋ بەرىلەدى. تەرگەۋ جالعاسۋدا" دەلىنگەن پوليسيا دەپارتامەنتى تاراتقان حابارلامادا.

وقي وتىرىڭىز: ؛جانبولات ءاعادىلدىڭ دوسى: جاقسى جىگىت ەدى