شەتەلدە جۇرگەن وپپوزيسيونەر ەرجان تۇرعىمباي ايتىسكەر اقىن رينات زايتوۆقا ءوزىنىڭ youtube ارناسىن اشىپ بەرۋدى سۇراپ, ۇندەۋ جاسادى. ؛

وپپوزيسيونەردىڭ سوزىنشە, رينات زايتوۆ youtube ارناسىنىڭ كورەرمەندەرى ءوزىنىڭ ارناسىنا شاعىم تۇسىرگەن. سونىڭ سالدارىنان ەرجان تۇرعىمباي ارناسى 13 قازان كۇنى بۇعاتتالعان. ؛

"كەشە رينات زايتوۆ ءوز ارناسىندا مەن تۋرالى ايتىپتى. 13 قازان كۇنى ارنام بۇعاتتالدى. "نەگە؟" دەپ ەدىم, رينات زايتوۆ ارناسىنان شاعىم ءتۇستى دەدى. ساعان حابارلاستىم, المادىڭ. مىناۋ ەلىمىزدە قازاق تىلىندە شىعاتىن جالعىز وپپوزيسيالىق ارنا. سايلاۋ باستالاردىڭ الدىندا, تۋرا 13 قاڭتارعا دەيىن بۇعاتتاپ تاستاۋ تۇسىنىكسىز دەدىم. رينات ارىز جازىپ ارنامدى اشىپ بەر دەپ سۇرادىم. كەلىسكەندەي بولىپ ەڭ. سەن حالىقتى الداپ جاتىرسىڭ. ۇياتىڭ شامالى ەكەن. مەن سەنى مىنا جەردە اشكەرەلەمەيىن. سەن ماعان دۇيسەنبى كۇنى كەشكە دەيىن ءوز ارناڭنان حات جازىپ بەر. سوسىن بۇل تاقىرىپتى جابايىق. ەگەر ولاي بولمايتىن بولسا, اڭگىمە باسقا بولادى. سەن ءوز بەدەلىڭدى ءوزىڭ تۇسىرەسىڭ. مەن سەنى قۇرمەتتەيمىن, مادەنيەت سالاسىندا ءوز ەڭبەگىڭ بار. نازارباەۆتىڭ لاس ساياساتىنىڭ قۇربانى بولىپ قالما. مەن ساعان اعا رەتىندە جانىم اشىپ ايتىپ جاتىرمىن" دەلىنگەن ۆيدەوۇندەۋدە.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر