&prime؛قورقىنىش...ۇرەي...&prime؛

مازالاپ جۇرگەن پروبلەمالارىڭىزدى ءبىر ساتكە ۇمىتۋعا تىرىسىڭىز. جايلانىپ وتىرىپ, كوز الدىڭىزعا ەلەستەتىڭىزشى...

بەيتانىس ادام بىرەۋدى اڭدىپ ءجۇر. تاساعا جاسىرىنعان ارىستانداي جەمتىگى جالعىز قالعانىن سابىرمەن  ؛كۇتىپ وتىر. قولايلى ساتتە جەمتىگىنە شاپ بەردى. مۇندايدى كۇتپەگەن جابىرلەنۋشى تىرپ ەتە الماي, شابۋىلداۋشىنىڭ ازۋىنان بوسانا المادى. شىبىن جانى كوزىنە كورىندى, قاتتى قينالدى.

بەيتانىس ادام جەمتىگىن ۇيىنە الىپ كەلدى. ەسىگىنە قارا قۇلىپتى ءىلىپ, ءبىر بولمەگە قاماپ قويدى. جابىرلەنۋشى ۇيدە ادام بار ەكەنىن كورەدى. ولاردان كومەك بولار دەگەن ۇمىتپەن جالىنىپ, جالبارىنادى. الايدا, ولار قول ۇشىن سوزۋدان ۇزىلدى-كەسىلدى باس تارتتى. جابىرلەنۋشىنىڭ جۇرەگىندە قورقىنىش, بولاشاققا سەنىمسىزدىك. قارا قاپاستان امان-ەسەن شىعا ما, جوق پا بىلمەيدى.

بارلىق ارمان, ماقساتىنىڭ, بولاشاققا جوسپارىنىڭ كۇل-تالقانى شىقتى. ونىڭ تاعدىرى ەندى سول ءبىر قىلمىسكەردىڭ قولىندا. بىرەۋدى باسا كوكتەپ ۇرلاپ اكەتىپ, باس بوستاندىعىن شەكتەپ, ول ادام قالامايتىن پاسىق ارەكەتتەردى جاساۋعا ماجبۇرلەيدى. ونى ءومىر بويى قارا قاپاستا ۇستاپ, ويىنا كەلگەنىن جاسايدى. ونىڭ ءومىرىن تۇبەگەيلى وزگەرتەدى. پسيحولوگيالىق جانە فيزيكالىق زورلىق كورسەتەدى. الايدا قىلمىسكەردىڭ قىلمىس جاساعانىن ءبارى بىلسە دە ەشكىم جاق اشپايدى, جابىرلەنۋشىگە قول ۇشىن بەرۋ ەشكىمنىڭ ويىنا كىرىپ شىقپايدى. ءتىپتى جابىرلەنۋشىنىڭ جاقىندارى دا ونى قىلمىسكەر دەپ سانامايدى. ءتىپتى وعان جاقىن ادامىنىڭ ءومىرى مەن ءتانىن قورلاۋعا جول بەرەدى. وزدەرى سوعان كۋا بولسا دا تۋعانىن سوعان كونۋگە ۇگىتتەيدى. ءبارى جابىلىپ ءبىر ادامنىڭ ءومىرىن بىت-شىت ەتسە دە بۇل قىلمىستى جاساعان ادام دا, وعان كومەكتەسكەندەر دە جازالانبادى. سوندىقتان جەمتىگى تار, قاراڭعى قاپاستا وتىرعان كەزدە, ءوزى تايراڭداپ بوستاندىقتىڭ ءتاتتى دامىنە ماستانىپ ءجۇر. ؛

قازىر قانداي سەزىمدەسىز؟ قىلمىسكەردى زاڭ جۇزىندە جازالاۋ ويىڭىزعا ءبىر ءسات بولسا دا كەلدى مە؟ ەگەر جاۋاپ ء&prime؛يا&prime؛ بولسا, وندا نەگە مۇنداي قىلمىسقا جول بەرىپ, ءتىپتى ونداي اۋىر قىلمىستىڭ ورىن الۋىنا كومەكتەسىپ ءجۇرمىز. &prime؛قۇداي-اۋ, نە دەپ كەتتىڭ! قانداي قىلمىس؟! قانداي كومەك؟&prime؛ دەگەن بولارسىز, بالكىم ءبارىن باسىندا-اق تۇسىنگەن شىعارسىز. ال ەگەر ءالى دە ۇقپاعان بولساڭىز ايتايىن. جوعارىدا سيپاتتاعان قىلمىس &ndash؛ كوبىمىز كۋا بولعان, ءتىپتى ونىڭ ىسكە اسۋىنا كومەكتەسكەن, كەيبىرىمىز ءوزىمىز دە سول پاسىق قادامعا بارعان &ndash؛ &prime؛قىز الىپ قاشۋ&prime؛ قىلمىسىن ايتامىن. &prime؛ەەە, سول ما؟&prime؛ دەپ قول سىلتەسەڭىز, سىزگە تانىم كوكجيەگىڭىزدى كەڭەيتىپ, ادام قۇقىعىمەن جاقىنىراق تانىسۋعا كەڭەس بەرەمىن. ءتىپتى پسيحولوگتىڭ دا كومەگى قاجەت بولۋى مۇمكىن. سەبەبى جىلدار بويى ساناسىنا &prime؛قىز الىپ قاشۋ ءبىزدىڭ سالتىمىز&prime؛ دەگەن ۋلى ويدان ارىلۋ ءۇشىن ماماننىڭ كومەگى قاجەت بولۋى ابدەن مۇمكىن.

 ؛&prime؛بۇل &ndash؛ ءسالت-داستۇر, مەنىڭ كىنام جوق!&prime؛

 ؛

بۇۇ-نىڭ ادام قۇقىعى دەكلاراسياسىنىڭ وتباسىن قۇرۋعا قاتىستى 16-بابىندا ەر مەن ايەلدىڭ قۇقىعى تاسقا تاڭبا باسقانداي انىق كورسەتىلگەن.

1. كامەلەت جاسقا تولعان ايەل مەن ەر ادام نەكە قۇرۋ كەزىندە تەڭ قۇقىلى.
2. نەكە تەك ەكى تاراپتىڭ تولىق كەلىسىمىمەن, ەشبىر ادام قىسىم كورسەتپەگەندە عانا تىركەلەدى.

قىزدى الىپ قاشۋ ارقىلى بۇل زاڭدى بەلشەسىنەن باسىپ, ادامنىڭ جار تاڭداۋ, وتباسىن ەرىكتى تۇردە قۇرۋ قۇقىعىنان ايىرىپ وتىرمىز. جاقىندا شىمكەنتتە قىز الىپ قاشۋ جاعدايى تىركەلدى. ەگەر بويجەتكەن «؛بولاشاق جارىنان»؛ قاشىپ قۇتىلۋ ءۇشىن كوپ قاباتتى ءۇيدىڭ تەرەزەسىنەن سەكىرمەگەندە بۇل قىلمىس ادەتتەگىدەي بىلىنبەي كەتەر مە ەدى؟ سەبەبى الىپ قاشۋدى قىلمىس دەپ ەمەس, اتا-بابا سالتى دەپ قاراعاندىقتان قىلمىسكەرلەر تيەسىلى جازادان قۇتىلىپ كەتىپ ءجۇر.

قىز الىپ قاشۋعا قاتىستى ارنايى زاڭ قاراستىرىلماعان, ونى &prime؛ادام ۇرلىعى&prime؛ فاكتىسى بويىنشا تىركەيدى. قازاقستان رەسپۋبليكاسىنىڭ قىلمىستىق كودەكسىنىڭ 125-بابىنا سايكەس &prime؛ادام ۇرلىعى&prime؛ ءۇشىن 4 جىلدان 7 جىلعا دەيىن باس بوستاندىعىنان ايىرۋ تۋرالى جازا قاراستىرىلعان.

ال ەگەر ۇيىمداسقان توپ كامەلەت جاسقا تولماعان نەمەسە اياعى اۋىر ايەلدىڭ دەنساۋلىعىنا زيان كەلتىرۋى مۇمكىن جانە ومىرىنە ءقاۋىپ توندىرەتىن قارۋ قولدانسا 7 جىلدان 12 جىلعا دەيىن باس بوستاندىعىنان ايىرىلادى جانە مۇلكى تاركىلەنەدى.

قىلمىستىق توپپەن قىزدى قاناۋ ماقساتىندا الىپ قاشىپ نەمەسە ونىڭ ارتى ولىمگە اكەلگەن بولسا, قىلمىس جاساعان ادام 10 جىلدان 15 جىلعا باس بوستاندىعىنان ايىرىلىپ, مۇلكى تاركىلەنۋى مۇمكىن.

ەڭ قىزىعى ادامدى الىپ قاشىپ ارتىنشا ونى ەرىكتى تۇردە بوساتاتىن بولسا, قىلمىستىق جاۋاپكەرشىلىككە تارتىلمايدى. ول قىزدىڭ الىپ قاشۋ كەزىندە باستان وتكەرگەن پسيحولوگيالىق جاعدايى ەلەۋسىز قالعانى جانە كورسەتىلگەن پسيحولوگيالىق زاقىم ءۇشىن ەشكىم جازالانبايتىنى قىنجىلتادى.

 ؛&prime؛مەنىڭ دە باسىمنان وتكەن, سەن دە كون!&prime؛

يا, ءسىزدى دە كەزىندە الىپ قاشىپ ءسىز سوعان كونگەن شىعارسىز. ءبىراق بۇل باسقا ادام دا وعان كونۋى كەرەك دەگەن ءسوز ەمەس. سوندىقتان ء«؛بىز دە وسىلاي وتباسىن قۇرعانبىز, ەشتەڭە جوق»؛ دەگەن ءۋاجىڭىز ورىنسىز.

يا, ءسىزدى دە كەزىندە الىپ قاشىپ ۋاقىت وتە كەلە تاڭداۋ قۇقىعىڭىزدان ايىرعان ادامدى ءسۇيىپ كەتكەن شىعارسىز, ءبىراق ءبارى بىردەي ۇرىنى جاقسى كورىپ كەتپەيدى.

يا, ءسىزدى دە كەزىندە الىپ قاشىپ ءسىزدى زورلىقپەن وزىنە ايەلدىككە العان اداممەن باقىتتى شىعارسىز, ءبىراق ءبارى بىردەي باقىتتى بولىپ كەتەتىنىنە ەشكىم كەپىل بولا المايدى.

ادام قۇقىعى, ءومىرى, دەنساۋلىعى مەن باس بوستاندىعى بارىنەن جوعارى تۇرادى. ول كونستيتۋسيامىزدا دا جازىلعان. وعان ساي ءار ادام وتباسىن قالاعان اداممەن ەرىكتى تۇردە قۇرۋعا قۇقىلى جانە بۇل زاڭدى ورىنداماعان ادام زاڭ جۇزىندە ءتيىستى جازاسىن الۋى كەرەك. سەبەبى بۇل ء&ndash؛ ؛سىزدىڭ ءومىرىڭىز! ءسىزدىڭ بولاشاعاڭىز! ءسىزدىڭ باقىتىڭىز!  ؛