اكە بەينەسى

اكە بەينەسى

پاي, پاي, ءومىر!

وتەسىڭ-اۋ ءبىر كۇنى.

تىياسىڭ-اۋ قۋانىشتى,

كۇلكىنى.

ومىر دەگەن &ndash؛ ءبىر جارق

ەتكەن نايزاعاي,

ومىر دەگەن &ndash؛ كوك اسپاننىڭ

كۇركىرى

پاي, پاي, ءومىر,

وتەسىڭ-اۋ ءبىر كۇنى!

بولماعانداي,

جۇرمەگەندەي سەندە ءبىز,

كەتەمىز-اۋ, ءاي, كەتەمىز,..

پەندەمىز.

ۇرپاقتارعا بەرەمىز دە كەزەكتى...

م. ماقاتاەۆ

 ؛

قۇمدا ؛ كوشكەن كەرۋەندەي بۇل ومىردە بايلاۋ بار ما؟.. بۇل ومىرگە كەلگەن ەكەنسىڭ, اللاننىڭ جازۋىمەن كەتەسىڭ. وسى ەكى ۋاقىت اراسىندا ءوز ءىزىڭدى قالداراسىڭ. ماڭىزدىسى وسى ەمەس پە... ؛ سەكونتتەر سىرعىپ, كۇندەر جىلجىپ, كوزىمىزدى اشىپ جۇمعانشا اسقار تاۋداي اكەمىز ؛ ماقسات توقانۇلىنىڭ ؛ بۇل فانيدەن وتكەنىنە دە قىرىق كۇندەي ۋاقىت تولىپتى.

 ؛ ؛ ؛ ؛ ؛ ءبىزدىڭ مىنا جارىق دۇنيەنى كورىپ, قارنىمىزدىڭ توق, دەنىمىزدىڭ ساۋ, اقىلىمىدىڭ ءبۇتىن بولىپ, بارشا نىعمەتتەرگە بولەگەن الدىمەن اللاعا شۇكىرشىلىك ەتىپ, سودان سوڭ وسىنىڭ بارىنە سەبەپكەر بولعان اتا-انامىزعا العىس بىلدىرۋگە ءتيىسپىز. ولار بار ءومىرىن بىزگە ارنادى, بىزدەر ءۇشىن كوپتەگەن قيىنشىلىقتاردى كوردى, بالاپانىن قورعاعان قارلىعاشتاي تاڭ اتا ۇيادان ۇشىپ كەتىپ, كەشكە اللانىڭ بەرگەن ريزىعىمەن ءبىزدى تاماقتاندىردى, قىزعىشتاي قورىپ, ماپەلەپ ءوسىردى. «؛جاقسى اكە بالاعا ەلۋ جىل ازىق»؛ دەگەندەي, اكەنىڭ بەرگەن تاربيەسى ۇرپاعىنا قۇن جەتپەس قازىنا, تاۋسىلماس ءنار. وسىنداي ۇلاعاتتى اكەلەردىڭ ءبىرى &ndash؛ ماقسات ءابدىراحمانوۆ ەدى. ارينە, كۇنى كەشە ارامىزدا جۇرگەن جاندى ولىمگە قيمايسىڭ. دەسە دە, ومىرىنەن ۇلگى الارلىق وتكەن ءىزىن ايتىپ وتكەنىمىز ءجون.

م. ءابدىراحمانوۆ 1962 جىلدىڭ 5 قاڭتارىندا سارىولەڭ اۋىلىندا دۇنيە ەسىگىن اشقان. №3 كۇرشىم ورتا مەكتەبىندە وقىپ, ورتا ءبىلىم الدى. سوناۋ البىرت شاعىندا جۇرەك قالاۋىمەن تاڭداپ العان ماماندىعىنا بارىنشا ادالدىق تانىتا بىلگەن ماقسات توقانۇلى «؛قازاقتەلەكوم»؛ كاسىپورىندا تابان اۋدارماي 38 جىل ەڭبەك ەتتى. ەڭبەك ادامى. وسى ءبىر سوزدە قانشاما ءمان ماعىنا بار. اعىمى اساۋ اقپارات زامانىندا, نارىقتىق قارىم-قاتىناس ورناعان قوعامدا جۇمىر باستى پەندەنىڭ «؛اۋىردىڭ ۇستىمەن, جەڭىلدىڭ استىمەن»؛ تەز ارادا ماتەريالدىق بايلىق پەن قوعامداعى جوعارى ورىندارعا جەتكىسى كەلەتىنى انىق. سوندىقتان بولار, بۇگىنگى قوعامدا جيىرماسىندا ميلليونەر, وتىزىندا شەندى بولعاندار كەڭىنەن دارىپتەلىپ جاتادى. دەسە دە, جەتىستىككە جەتۋدىڭ كىلتى حالىققا ارنالعان قالتقىسىز قىزمەت پەن ۇزاق جىلعا سوزىلعان ەلەۋلى ەڭبەكتە ەكەنىن ۇمىتىپ كەتەتىنى ۆەرتۋالدى زاماننىڭ اسەرى شىعار. زامانا جەلى ؛ ازداپ سوققانعا سابىرىنان ايىرىلىپ, تاعاتىن توزدىرعاندارعا, نە بولماسا الەۋمەتتىك جەلىلەردىڭ ارقاسىندا ميلليوندار كۋميرىنە اينالعىسى كەلەتىندەرگە قاراپ, مىڭ قۇبىلعان ورتادان كەڭ پەيىل, اشىق ؛ مىنەز ەڭبەك ادامىن ىزدەيتىمىز راس. وسىدان تابانى كۇرەكتەي 38 جىل بۇرىن ؛ 1982 جىلى جيىرماعا جاڭا تولعان جاس جىگىت سول كەزدەگى كۇرشىم اۋداندىق پوشتا بايلانىسى تورابىنا ەلەكتر مونتەرى رەتىندە جۇمىسقا ورنالاسىپ, ءوز مىندەتىنە بەل شەشە كىرىسكەن بولاتىن. ءارى جاس, ءارى تاجىريبەسى از وعان جۇمىسقا ورنالاسۋ وڭاي بولعان جوق. سولاي ەكەن دەپ اۋىل بالاسى العان بەتىنەن قايتپادى. كوپ ۇزاماي ول كابەل دانەكەرلەۋشىلىگىنە اۋىستى, ءسويتىپ بىرتىندەپ بىلىكتىلىك دەڭگەيىن ارتتىرا ءتۇستى. كەيىن قابىرعاسى قاتايىپ, ىسىلىپ العان سوڭ كادىمگى ساقا جۇمىسشىلاردىڭ قاتارىنا قوسىلا كەتتى. وندىرىستەن قول ۇزبەي وقي ءجۇرىپ, 1994 جىلى الماتى بايلانىس ەلەكتروتەحنيكۋمىن بىتىرگەن بويدا تالاپتى ازامات جەلىلىك تەلەفون سەحى ينجەنەرىنىڭ مىندەتىن اتقارا باستاعان بولاتىن. كۇندەلىكتى ءوز ماماندىعىنىڭ تەرەڭىنە بويلاپ, تام-تۇمداپ تاجىريبە جينادى, ءبىلىمىن جەتىلدىردى. نارىقتىڭ قىسپاعىنا بوي الدىرماي, ءوز ماماندىعىن شىنايى سۇيە ءبىلدى. تاعدىردىڭ تالايىنا رەنىش بىلدىرمەي, جاراتقاننىڭ ناسىبەسىن تەرە ءجۇرىپ ماڭداي تەرىن توكتى. ؛ وسىلايشا 2017 جىلى ماقسات توقانۇلى جەتەكشى ينجەنەرلىككە ورنالاستى, كەيىننەن وسى كاسىپورىننىڭ باستى سالاسى -جەلىلىك تەحنيكالىق ۋچاسكىنىڭ باستىعى بولىپ تاعايىندالدى.

ىسكەر دە بىلىكتى, كوپشىل دە جايدارى جاننىڭ ارىپتەستەر مەن دوس-جاراندارىنىڭ اراسىندا بەدەلى وتە زور ەدى. ويتكەنى ءوزى وسى سالانىڭ وتىمەن كىرىپ, كۇلىمەن شىققان. وعان ءار جۇمىستىڭ يكەمى, ءار جۇمىسشىنىڭ جاعدايى بەس ساۋساعىنداي تانىس بولاتىن. كەيدە تالاپ قويسا, كەيدە قول استىنعىلارىنىڭ ىشتەگىسىن ايتقىزباي بىلەتىن. ۇجىمداعى بەدەل تەك تاجىريبەمەن كەلمەيدى, ونىمەن قوسا ۇلكەن پەيىل, ادالدىق, ادامگەرشىلىك سەكىلدى يگى قاسيەتپەن قوسارلانا كەلەدى. سودىقتان بولار, ونىڭ ەسەلى ەڭبەگى جوعارى باعالانىپ, ءتۇرلى العىس حاتتارمەن, توسبەلگىلەرمەن, اقشالاي-زاتتاي سىيلىقتارمەن ماراپاتتالدى. ؛ 2017 جىلى ماقسات توقانۇلىنىڭ «؛قازاقتەلەكوم»؛ اكسيونەرلىك قوعامىنىڭ «؛قۇرمەتتى بايلانىسشىسى»؛ اتاعىنا يە بولدى. ؛ وسىنىڭ بارلىعى ونىڭ بيىك بولمىسىنىڭ ءبىر كورىنىسى دەۋگە بولادى.

2020 جىلدىڭ 18 قىركۇيەگىندە كۇرشىم اۋداندىق تەلەكوممۋنيكاسيا تورابى جەلىلىك تەحنيكالىق ۋچاسكىسىنىڭ باستىعى, وسى سالانىڭ بىلگىر مامانى ءابدىراحمانوۆ ماقسات توقانۇلى كەنەتتەن دۇنيەدەن وزدى. امال قانشا, ەندى ۇجىم قىزمەتكەرلەرىنىڭ ونىمەن بىرگە وتكىزگەن كۇندەردىڭ بارلىعى ەستەلىككە اينالىپ, وتكەن شاقپەن ايتىلىپ جاتىر. ءبىراق, ونەگەلى اكە, ؛ ادال جار, ارداقتى ارىپتەس, قاراپايىم دا قايسار ازامات ءاردايىم ولاردىڭ اراسىندا, ول جايلى ەستەلىكتەر ءارقايسىنىڭ جۇرەگىمىز ماڭگى ساقتالادى.

اكە &ndash؛ بالا ءۇشىن اسقار تاۋ. اكە قامقورلىعى دەگەنىمىز &ndash؛ وتباسى مۇشەلەرىن ءارتۇرلى پالە-جالادان قورعاپ وتىراتىن قاسيەتتى ۇعىم. سوندىقتان اكەنى سىيلاۋ, وعان ۇلكەن قۇرمەتپەن, ىلتيپاتپەن قاراۋ بالانىڭ پارىزى بولماق. «؛اكەگە باعىنۋ &ndash؛ اللاعا باعىنۋ»؛ دەپتى مۇحاممەد پايعامبارىمىز. دەمەك, اكەنىنىڭ ايتقانىنىڭ ۇدەسىنەن شىعىپ وتىرۋ ءاربىر پەرزەنتتىڭ باستى پارىزى ەكەن. ؛ تۋعان ۇلى جانبولات اكەسىنىڭ اقىلىمەن اسكەري سالانى تانداپ, ءومىرىن وتان قورعاۋعا ارناعان جان. ەلىمىزدىڭ تۇكپىر-تۇكپىرىندە ءجۇرىپ, ەلىنە ەڭبەك ەتتى. قۋانىشى مەن قايعىسىن اكەسىمەن ءبولىسىپ, ىشكى سىرىن جاسىرماي ايتار سىرلاسىنا اينالعان ەدى. «؛قاي جەردە جۇرمەسەم دە, اكەمنىڭ قولداۋىن سەزىنەتىن ەدىم. ونىڭ ءبىر اۋىز ءسوزى نار كوتەرەر جۇكتى جەڭىلدەتۋشى ەدى. كوڭىلگە شۋاق, بويعا قۋات دارىتاتىن. ەندى, ونىڭ ايالى الاقانى مەن قولداۋى ساعىناتىن بولامىن»؛,-دەپ زور وكىنىشپەن ەستەلىگىمەن بولىسەدى ۇلى جانبولات.

شىركىن. ماڭدايداعى ەكى كوز تەك جاقسىلىقتى كورسە, وتىز ەكى ءتىستىڭ اراسىنداعى قىزىل ءتىل تەك جاقسىلىقتى ايتسا ەكەن. الايدا, ءومىردىڭ زاڭى سول. قۋانىشپەن قايعى قاتار جۇرەتىن جازىمىشقا ايتار ءۋاجىن بار ما؟ ومىرلىك سەرىگى گۇلنار اپاي, بالالارى جانبولات پەن ارايدى, بەس نەمەرەسىن ەڭىرەتىپ, كەلمەسكە ساپار شەككەن ەسىل ازاماتتىڭ مەزگىلسىز قازاسىنىڭ دوس-جاران, تۋعان-تۋىسقا توبەدەن جاي تۇسكەندەي اسەر ەتكەنى شىندىق. ايتسە دە, ادام ءومىرى ۋاقىتپەن ەمەس, ىزگىلىكتى ىسپەن, ارتتا قالعان ىزبەن ولشەنەدى. ارتىندا قالعان جاقىندارى بار دا, ادال جار, سەنىمدى دوس, ؛ اسقار تاۋداي اكەنىڭ بەينەسى ماڭگىلىكتە جۇرەكتە بولماق.

دارىن سەيىتوۆ,

جۋرناليستەر وداعىنىڭ مۇشەسى