ازەربايجان قورعانىس مينيسترلىگى ارمەنيا قارۋلى كۇشتەرىن بەيبىت تۇرعىندار تۇراتىن اۋداندارعا ءۇش بالليستيكالىق زىمىران جىبەردى دەپ ايىپتادى.

"ارمەنيا قارۋلى قۇشتەرى شامامەن 07:00-دە سيازان اۋدانى باعىتىندا 3 زىمىران, شامامەن 09:00-دە گابالا اۋدانى بويىنشا ەكى زىمىران جانە كۇردامير اۋدانى بويىنشا ءبىر زىمىران ۇشىردى.

ارمەنيا قارۋلى كۇشتەرى بەيبىت تۇرعىندار مەن ازاماتتىق ينفراقۇرىلىمدى كوزدەگەن" دەلىنگەن ازەربايجان قورعانىس مينيسترلىگى تاراتقان حابارلامادا.

بۇل اقپاراتتى ارمەنيا قورعانىس مينيسترلىگىنىڭ رەسمي وكىلى ؛جوققا شىعاردى. ؛

"بۇل مالىمدەمە ازەربايجاننىڭ تاعى ءبىر ارانداتۋى, ولار ارمەنيانى سوعىس قيمىلدارىنا تارتۋدى ماقسات ەتىپ وتىر" دەلىنگەن رەسمي وكىل ارسرۋن وۆاننيسياننىڭ حابارلاماسىندا.

تاۋلى كاراباحتاعى جاعداي 27 قىركۇيەكتە شيەلەنىسە تۇسكەن ەدى. ايماقتا ەكى رەت اتىستى توقتاتۋ تۋرالى كەلىسىمگە قول جەتكىزىلگەنىنە قاراماستان, ارمەنيا جانە ازەربايجان قارۋلى كۇشتەرى اراسىنداعى قاقتىعىس اۋىق-اۋىق قايتالانىپ جاتىر.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر