توقاەۆ: ۇلتتىق جانە مەملەكەتتىك جوو-لار ساتىلمايدى

ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا قازاقستان پرەزيدەنتى قاسىم-جومارت توقاەۆ ءبىلىم بەرۋ جۇيەسىندەگى جەكەلەگەن ماسەلەلەرگە توقتالدى.

&ndash؛ مەنىڭ تاپسىرماما سايكەس, جوو-نىڭ قۇرىلىمىن وزگەرتۋ جۇمىستارى جۇرگىزىلۋدە. كوپتەگەن جوو-لار كوممەرسيالىق ەمەس اكسيونەرلىك قوعامعا اينالدى. بۇل ەل ءۇشىن ءارتۇرلى اڭگىمە تۋعىزۋدا. سونداي-اق ءىرى مەملەكەتتىك جوعارى وقۋ ورىندارى كەيىننەن جەكەمەنشىككە ساتىلۋى مۇمكىن دەگەن دە كۇدىك بار. وسىعان وراي ؛ۇلتتىق جانە مەملەكەتتىك جوعارى وقۋ ورىندارى ساتىلمايتىنىن مالىمدەيمىن. بۇل ماسەلە ايرىقشا نازاردا, &ndash؛ دەدى پرەزيدەنت.

سونداي-اق پرەزيدەنت بيىلعى جولداۋدا بارلىق ماسەلە اشىق ايتىلىپ, ونى شەشۋدىڭ ناقتى جولدارى ۇسىنىلعانىن اتاپ ءوتتى.

&ndash؛ مەملەكەتتىك باسقارۋدىڭ تيىمدىلىگىن كۇشەيتۋ يدەياسى &ndash؛ جولداۋدىڭ نەگىزگى وزەگىندە تۇرعان ماسەلە. جالپى مەملەكەتتىك باسقارۋدىڭ جۇيەسىن رەفورمالاۋ &ndash؛ ءوز الدىنا كەڭ اۋقىمدى مىندەت. ءتىپتى بۇل بارلىق رەفورمالاردىڭ قاينار كوزى. مەملەكەتتى جاڭعىرتۋدىڭ باستى ارقاۋى دەسەك ارتىق ەمەس. ءبىز بۇل رەفورمانى مەملەكەتتىك جوسپارلاۋ جۇيەسىن قايتا قۇرۋ ىسىنەن باستاۋدى ۇيعاردىق. وسى ماقساتپەن ستراتەگيالىق جوسپارلاۋ جانە رەفورمالار اگەنتتىگى قۇرىلدى. اگەنتتىك جۇمىسىن باستاپ تا كەتتى. ءبىراق مىنا نارسەنى دۇرىس ءتۇسىنۋىمىز كەرەك. بۇل قۇرىلىم قارا باستىڭ قامى ءۇشىن جاسالعان جوق. جاڭا اگەنتتىك ؛&ndash؛ العا قويعان مىندەتتەردى شەشۋگە ارنالعان نەگىزگى قۇرال. رەفورمالاردى ۇيلەستىرەتىن ماڭىزدى قۇرىلىم, &ndash؛ دەدى توقاەۆ.