21 قازان, 2020 ساياسات
فوتو: holanews.kz
جۋرناليست, ساياساتكەر, 2019 جىلعى پرەزيدەنت سايلاۋىنا قاتىسقان ءامىرجان قوسانوۆتىڭ ؛holanews.kz سايتىندا كولەمدى سۇحباتى جاريالاندى. قوسانوۆ اڭگىمە بارىسىندا سايلاۋعا دەيىنگى جانە كەيىنگى وقيعالار تۋرالى ايتىپ, پرەزيدەنت توقاەۆ جايلى ويلارىن ورتاعا سالدى.
ساياساتكەردىڭ سوزىنشە, وعان سايلاۋ وتەردەن 10 كۇن بۇرىن كۇشتىك قۇرىلىمداردا جۇمىس ىستەگەن, ءقازىر زەينەتتەگى دوستارى حابارلاسىپ, وزىنە قارسى ازىرلەنىپ جاتقان ءۇش نارسە تۋرالى ايتقان.
؛
&ndash؛ ءبىرىنشى ايتقاندارى, ءابليازوۆ ميتينگ وتكىزىپ, ءوز ماقساتى ءۇشىن مەنى قولدانعىسى كەلەتىنى تۋرالى بولدى. ول الماتى مەن استانادا جانە بىرنەشە ءىرى قالادا ۇلكەن ميتينگتەر وتكىزۋدى جوسپارلاعان.
ەكىنشىسى, قوردالانعان پروبلەماسى بار شاعىن قالالاردا كوپبالالى انالار مەن جۇمىسسىزداردىڭ باس كوتەرۋى ازىرلەنىپ جاتقانى تۋرالى ەدى. ونداي قالالاردىڭ قاتارىندا سەمەي مەن جاڭاتاستىڭ اتى اتالدى. ءدال وسى قالالاردا نارازىلىق شەرۋلەرىن ۇيىمداستىرۋ جوسپارلانعان.
ۇشىنشىسى, ماعان قاستاندىق جاسالۋى مۇمكىن ەكەنى جايلى. مەنى قۇربان ەتىپ كورسەتۋ ارقىلى وزدەرىنىڭ ماقساتتارىن ىسكە اسىرۋعا تىرىسۋى ىقتيمال ەكەنى حابارلاندى.
وسىلاردى جەتكىزىپ, رايىمنان قايتۋعا شاقىردى. مەن قايتپايتىنىمدى ايتتىم. مەنى كۇزەتىپ ءجۇرۋ ءۇشىن ەكى ادامدى قوسىپ قويدى, ؛&ndash؛ دەدى ول وزىنە وسى اقپاراتتاردى ايتتى دەلىنگەن ادامداردىڭ ءاتى-جونىن اتاۋدان باس تارتىپ.
؛
قوسانوۆ ؛exit ؛poll ناتيجەسى بويىنشا جەڭىلىسىن مويىنداۋىنىڭ سەبەبىن "حالىقتى قانتوگىسكە ۇرىندىرعىم كەلمەدى" دەپ ءتۇسىندىردى.
&ndash؛ البەتتە, ناتيجەنىڭ شىققاننىن كۇتە تۇرۋعا بولۋشى ەدى. ءبىراق ءابليازوۆ ادامداردى ساعات 12-گە كوشەگە شىعۋعا شىقىرىپ قويدى. جاعداي ۋشىعىپ بارا جاتتى. بۇزاقىلىقتار, زاڭ بۇزۋشىلىقتار تۋرالى حابار تۇسە باستادى. ەگەر ادامدار كانديداتى سايلاۋ ناتيجەسىن مويىنداماعانىن ءبىلىپ كوشەگە شىعار بولسا, ونىڭ ارتى نەگە اكەپ سوعارى بەلگىسىز ەدى. ول جەردە قانداي ارانداتۋدىڭ بولارىن ايتۋ قيىن. ءيا, مەن كوپ ادامداردىڭ كوڭىلىن قالدىردىم. ءبىراق مەن جاڭاوزەن وقيعاسىنىڭ قايتالانۋىنا جول بەرمەدىم. مەنسىز الاڭعا 5 مىڭ ادام شىقسا, مەنىمەن 50 مىڭ ادام شىعار ما ەدى. ول جەردە وق اتىلۋى مۇمكىن ەدى. مەن حالقىم ءۇشىن قورىقتىم, ؛&ndash؛ دەگەن ساياساتكەر سايلاۋ ناتيجەسىن مويىنداۋىن "ساتقىندىق" دەپ ەسەپتەمەيتىنىن جەتكىزدى.
ارتىنشا, قوسانوۆ بۇرىنعى مەملەكەت قايراتكەرلەرىنىڭ ءبىرى وزىنە "سەن ەلدى 10 جىلعا قۇلدىراتىپ جىبەرەتىن جاعدايدان قۇتقارىپ قالدىڭ" دەگەنىن ايتتى.
قوسانوۆ سۇحبات بارىسىندا توقاەۆتى سىرتقى ىستەر ءمينيسترى بولىپ تۇرعان كەزدەن بەرى بىلەتىنىن, جاقسى ارالاسقانىن, ءسوز جۇزىندە ايتىلعان دۇرىس دۇنيەلەرىنىڭ ورىندالۋى كەمشىل ءتۇسىپ جاتقانىن ايتتى.
ەكس-كانديدات بيلىكتەن تىكەلەي دە جامانا تۇردە دە ميلليونداپ اقشا الماعانىن اتاپ ءوتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر