ەسكى پارتيالاردان جاساقتالاتىن جاڭا ماجىلىستەن قانداي وزگەرىس كۇتۋگە بولادى؟

پرەزيدەنت قاسىم-جومارت توقاەۆتىڭ جارلىعىمەن ماجىلىستىڭ ؛كەزەكتى سايلاۋى 2021 جىلدىڭ 10 قاڭتارىنا بەلگىلەندى. بۇل جولعى ساياسي دوداعا رەسمي تىركەلگەن بۇرىنعى 6 پارتيا عانا قاتىسا الادى. پارتيا قۇرعىسى كەلىپ جۇرگەن ساياساتكەرلەر تىركەۋدەن ءوتىپ ۇلگەرگەن جوق. بۇرىنعى پارتيالارمەن ءماجىلىستىڭ جاڭا قۇرامىن جاساقتاۋ ەلگە نە بەرەتىنى تۋرالى قامشى ءتىلشىسى قوعام بەلسەندىلەرى مەن ساياساتتانۋشىلاردان سۇراپ كوردى.

دەموكراتيالىق پارتيا قۇرۋ بويىنشا باستاماشىل توپ جەتەكشىسى, قوعام بەلسەندىسى جانبولات ماماي تىركەلگەن التى پارتيا نەگىزىندەدە جاساقتالاتىن ءماجىلىستىڭ جاڭا قۇرامىنان ەشقانداي وزگەرىس كۇتۋدىڭ قاجەتى جوعىن جەتكىزدى. ؛ ؛

&ndash؛ ؛جاڭا قۇرامنان ەشقانداي وزگەرىس بولمايدى. سايلاۋعا قاتىساتىن پارتيالار سول باياعى بيلىكتىڭ اينالاسىندا جۇرگەندەر. ولارعا بيلىك قالاي ايتادى, تۋرا سولاي ارەكەت ەتەدى. تەك قانا تىركەلگەن التى پارتيا قاتىسادى. ولاردىڭ بارلىعى پارتيالىق ءتىزىمدى بيلىكتىڭ نۇسقاۋىمەن بەكىتەدى. سوندىقتان ەشقانداي وزگەرىس كۇتۋدىڭ قاجەتى جوق. وسىدان ءبىر جارىم جىل بۇرىن توقاەۆ بيلىككە كەلگەندە ساياسي رەفورمالار جۇرگىزەمىز دەپ ۋادە بەرگەن. ءبىراق ونىڭ بىردە-بىر ءسوزى ورىندالعان جوق. ساياسي پارتيالار تىركەلمەدى جانە زاڭدا دا ساياسي پارتيالار تۋرالى وزگەرىس بايقالمايدى. ماسەلەن, سايلاۋ تۋرالى زاڭدى الىپ قاراساق, وندا وزگەرىس جوق. ياعني ول ايتقان سوزىندە تۇرمادى. بارلىعى بوس ءسوز بولىپ شىقتى, &ndash؛ دەپ اتاپ ءوتتى ماماي. ؛

ونىڭ ايتۋىنشا, جاڭا ساياسي پارتيالاردىڭ تىركەلگەنى بيلىك ءۇشىن ءتيىمسىز.

&ndash؛ سوڭعى ءبىر جارىم جىلدىڭ ىشىندە ساياسي پارتيانى تىركەۋگە ەڭ جاقىن قادام جاساعان ءبىزدىڭ دەموكراتيالىق پارتيا. ويتكەنى ءبىز ءبىر مىڭ ادامنان اساتىن باستاماشىل توپتىڭ ءتىزىمىن تاپسىردىق. سەزدىڭ كۇنىن دە بەلگىلەدىك. ادامدارىمىزدى دا جيناۋىمىز كەرەك ەدى, ءبىراق بيلىك بۇنىڭ جولىن كەسىپ, توسقاۋىل قويدى. جاپپاي رەپرەسسيا, قۋدالاۋ, سوتتاۋ ارقىلى سەزد وتكىزۋگە مۇمكىندىك بەرگەن جوق. بيلىككە قاندايدا ءبىر تاۋەلسىز, وپپوزيسيالىق باعىتتاعى ساياسي پارتيالاردىڭ تىركەلگەنى وتە ءتيىمسىز. ەگەر جاڭا ساياسي پارتيالار تىركەلسە, نۇروتان سايلاۋدا جەڭىلەدى. بيلىك وزدەرىنىڭ جەڭىلەتىنىن جاقسى ءبىلىپ, ءتۇسىنىپ وتىر. ولاردىڭ دا سوسيولوگياسى, جابىق ؛سوسيولوگياسى بار. ولار حالىقتىڭ كوڭىل-كۇيىن جاقسى ءبىلىپ وتىر. سوندىقتان ەلەكترالدى سيكلعا تاۋەلسىز ساياسي پارتيانى جولاتپايدى. مىنا سايلاۋ ءولى سايلاۋ بولايىن دەپ تۇرعانى بەلگىلى. ەشقانداي باسەكە بولمايدى. ءبىراق ءبىز جاقتاستارىمىزدى مىندەتتى تۇردە كوشەگە شاقىرامىز. ساياسي رەفورمالاردى تالاپ ەتەمىز جانە پارلامەنتتىك سايلاۋدى زاڭسىز دەپ تانۋدى تالاپ ەتىپ, بۇل پارلامەنت ليگيتيمدى ەمەس ەكەنىن ايتامىز, &ndash؛ دەيدى ول. ؛

ەۋرازيالىق ينتەگراسيا ينستيتۋتىنىڭ ساراپشىسى ؛سامات ؛نۇرتازا پارلامەنت سايلاۋىنان جاڭا وزگەرىستەر كۇتەتىنىن اتاپ ءوتتى. ؛

&ndash؛ ادام بالاسى ۇنەمى جاڭا نارسەدەن وزگەرىس كۇتەدى. بۇل جاي عانا وزگەرىس ەمەس. مەنىڭ ويىمشا پارلامەنتتىڭ قۇرامى 60-70 پايىزعا وزگەرۋى مۇمكىن. جاڭا ادامدار جاڭا يدەيالارىمەن ۇكىمەتتىڭ جۇمىسىنا جاقسى اسەر ەتەتىنى ءسوزسىز. ءوز باسىم جاڭا دەپۋتاتتاردان ۇلكەن ءۇمىت كۇتەمىن, لايىقتى ادامدار وتەدى دەپ سەنەمىن. پارلامەنت سايلاۋىنا دەيىن پارتيالاردىڭ تىركەلمەۋى زاڭ تۇرعىسىنان كيكىلجىڭنىڭ ورىن الۋى دەپ ويلايمىن. مۇمكىن قۇجاتتار دۇرىس بولماي نەمەسە پارتيا قۇرامىندا سوتتالعان ادامداردار بولىپ تىركەلمەگەن شىعار. مەن زاڭ تۇرعىسىنان ناقتى نە سەبەپ ەكەنىن بىلمەيمىن. ؛

ساراپشى ءماجىلىس دەپۋتاتتارى سايلاۋىنىڭ ناتيجەسى قازاقستاندا قىرعىز سەنارييىنىڭ قايتالانۋىنا سەبەپ بولا المايدى دەپ سانايدى.

&ndash؛ پارلامەنت سايلاۋى بارىسىندا زاڭبۇزۋشىلىقتار ورىن الىپ جاتسا, قىرعىزستانداعى سەناريي قايتالانادى دەپ ويلامايمىن. سەبەبى قازاقستان حالقى &ndash؛ وتە پاراساتتى, سالماقتى, سابىرلى. ءقازىر قىرعىزستانداعى قاقتىعىستىڭ نەمەن اياقتالعانىن كورىپ جاتىرمىز. ءبىزدىڭ قوعام قىرعىزستان, ؛تاۋلى قاراباق, بەلورۋستاعى جاعدايدى كورىپ, مۇنداي قادامعا بارادى دەپ ويلامايمىن, &ndash؛ دەيدى سامات نۇرتازا. ؛

"حالىققا ادال قىزمەت" (حاق) پارتياسىن قۇرۋ بويىنشا باستاماشىل توپ جەتەكشىسى توعجان قوجاليەۆا "پارلامەنت سايلاۋى ەشقانداي وزگەرىس الىپ كەلمەيدى" دەيدى.

&ndash؛ پارلامەنت سايلاۋىنا قازىرگى رەسمي تۇردە تىركەلگەن پارتيالار عانا قاتىسا الادى. ءبىراق وسى التى پارتيا بيلىككە جاڭا ءبىر وزگەرىس الىپ كەلەدى دەپ ويلامايىن, ءۇمىت تە جوق. ويتكەنى ولاردىڭ باعدارلامالارى سول بۇرىنعى, ەش وزگەرىسسىز. قازىرگى تاڭدا بيلىكتىڭ جاڭا پارتيالاردى تىركەمەۋىنىڭ بىردەن ءبىر سەبەبى &ndash؛ ولارعا باسەكە قاجەت ەمەس. پارلامەنت سايلاۋىندا بىرەڭ-ساراڭ وزگەرىستەر بولۋى مۇمكىن, ءبىراق ول ساياسي ومىرگە اسەر ەتپەيدى. سايلاۋ كەزىندە زاڭبۇزۋشىلىقتار بولىپ جاتسا, حالقىمىز ەشقانداي نارازىلىققا شىقپايتىنى بەلگىلى. وزدەرىڭىز كورىپ وتىرسىزدار, ءتىپتى ادامدار رۇقسات ەتىلگەن ميتينگتەرگە دە شىقپايدى. ءبىز سايلاۋ ونلاين بولماۋى كەرەك دەپ تالاپ قويىپ وتىرمىز. ەگەر دە ونلاين وتەتىن بولسا, باقىلاۋ مۇمكىندىگى بولماي, زاڭبۇزۋشىلىقتار تىركەلەدى. كارانتيندى سىلتاۋراتار بولسا, وندا سايلاۋدى كارانتيننەن كەيىن وتكىزۋگە بولادى دەپ ويلايمىن, ؛&ndash؛ دەيدى ول.