• usd 424.85

  • eur 504.21

  • rub 5.84

  • cny 65.86

24 قازان, 17:36:07
الماتى
+10°

20 قازان &ndash؛ حالىقارالىق اسپازدار كۇنى. ؛ ؛qamshy.kz اقپارات اگەنتتىگى وسى ايتۋلى مەرەكەگە وراي, وقىرمانعا 10 جىلدىق ەڭبەك ءوتىلى بار, اتىراۋ قالاسىنان شىققان اسپاز &ndash؛ قادىروۆ باعدات تالعاتۇلىمەن ەكسكليۋزيۆ سۇحبات ۇسىنادى. اسپاز نەگە بۇل كاسىپتى تاڭدادى؟ قاراپايىم اسپازدى تابىستى اسپازعا اينالدىراتىن قاسيەتتەر قانداي؟ اۆتورلىق تاعامداردى قالاي جاساپ شىعارۋعا بولادى؟ ؛ينستاگرام جەلىسىندە bagdat cook دەگەن اتپەن بەلگىلى 27 جاستاعى اسپاز ءبىزدىڭ بارلىق سۇراعىمىزعا جاۋاپ بەردى.

ارمانىما اسپاز بولىپ جەتىپ كەلەمىن

وتباسىدا تورتەۋمىز: انام &ndash؛ ءمۇعالىم, اكەم &ndash؛ اۆتومەحانيك, مەن جانە ستۋدەنت ءىنىم بار. تۇڭعىش بالا بولعاسىن, اناما قولعابىس ەتىپ, ءۇيدىڭ تىرلىكتەرىنە ارالاستىم. ەڭ العاش 5-6 سىنىپتا ؛ پەشكە تاۋىق ءپىسىردىم. وقۋشى كەزىمنەن اسپازدىققا قىزىعىپ, ۇيدە ءارتۇرلى تاعامداردى دايىنداپ كورىپ, ەكسپەريمەنت جاسايتىنمىن.  ؛

مەنىڭ ومىرىمە اسەر ەتكەن مىنا وقيعانى ايتايىن. 5-سىنىپتامىن. يت قاۋىپ الدى, دالىرەك ايتسام تاماعىمنان تىستەپ العان. سودان كەيىن قاتتى كەكەشتەنىپ سويلەي باستادىم. ساباقتى تەك جازباشا جاۋاپ بەرۋگە تىرىستىم. سەبەبى ساباق ايتۋعا, دوستارمەن سويلەسۋگە قينالاتىنمىن. ىشتەي قاتتى ىزالانىپ, تۇنەرىپ ؛ جۇرەتىنمىن. بىرەۋمەن اشىلىپ سويلەسە الماۋ قانداي قيىن. سودان باستاپ ەمدەلدىم, ؛ 2008-2010 جىلدارى رەسەيگە دە بارىپ تىنىستاۋ, سويلەگەندە دەمدى دۇرىس الۋ, جالپى پسيحولوگيالىق تۇرعىدان دا ەم الدىم, قارالدىم. العاشىندا بۇل مەنىڭ ونەر جولىنا قادام جاساۋىما كەدەرگى بولادى-اۋ دەگەن وي تۋىنداعان دا جوق. ءبىراق, ارينە, مەنىڭ اسپازدىق جولدى تاڭداۋىما تىكەلەي اسەر ەتكەن دە جوق. ءوزىمنىڭ قىزىعۋشىلىعىمنىڭ بار ەكەنىن ەسكەرىپ, ءۇي ىشىممەن اقىلداسا كەلە وسى ماماندىقتى تاڭدايتىن بولىپ شەشتىم. ء ؛سويتىپ الماتىدا ءبىلىم الىپ, ارتىنشا ۇزدىكسىز جۇمىس ىستەپ كەتتىم. كوللەدجدىڭ ەكىنشى كۋرسىنان باستاپ الىپ شاھارداعى تانىمال مەيرامحانالاردىڭ ءبىرى "assorti"-دە 5 جىل جۇمىس ىستەدىم. وندا ليۆون دەگەن ارميان جىگىت باس اسپاز ەدى. 16 جاستاعى مەنى جۇمىسقا الدى, جول كورسەتتى, ءجون كورسەتتى. العاشىندا كومەكشى بولدىم, كەيىن كاۋاپ ازىرلەۋشى, ودان كەيىن باسقا دا تاماق تۇرلەرىن ۇيرەنىپ, ءبىر اپتادا ؛ بىرنەشە مەيرامحانالاردا جۇمىس ىستەپ, ىزدەنە بەردىم, ىزدەنە بەردىم. توقتاۋسىز, ءۇزىلىسسىز, دەمالىسسىز, 24/7 ىستەيتىن كەزدەرىم دە بولدى.

مەكتەپتە ونەر ادامى بولسام, بىرگە ارالاسسام, قاراپايىم حالىقتىڭ ورتاسىندا ءجۇرىپ, ءوزىمدى تانىتسام, جاقسى اتىم شىقسا دەپ كوپ ارماندادىم. 2012 جىلدارى قازاق تىلدە ەركىن سويلەيتىن باس اسپازدار از ەدى. سول كەزدە ؛ حابار ارناسىنان ۇسىنىس ءتۇستى دە, 1 جىلداي تاڭعى اس باعدارلاماسىندا تاماق ءپىسىرىپ, حابار جۇرگىزىپ ءجۇردىم. اسپاز رەتىندە ءبىرشاما تانىلا باستاعاندا ەۆرازيا, حابار, قازاقستان, حيت تۆ سياقتى ؛ ارنالار شاقىرىپ, سەرىكتەس بولدىق. ؛ «؛جۇرەك جالعايىق»؛ باعدارلاماسىندا دا ءبىر جىل ىستەدىم. «؛تاڭشولپان»؛, ءلايلا سۇلتانقىزىنىڭ «؛ايەل باقىتى»؛, ء«؛وز ويىم»؛, ء«؛بىزدىڭ ءۇي»؛, اينۇر تۇرسىنباەۆانىڭ «؛اينۇردىڭ اس ءۇيى»؛ باعدارلاماسىندا, باسقا دا قارالىمى كوپ باعدارلامالارعا تالاي قاتىستىم. ءقازىر ونەر ادامى بولماسام دا, سولارمەن يىق تىرەستىرىپ, جولداس بولىپ ءجۇرمىن. بارلىق ارماندارىما اسپاز بولىپ جەتىپ كەلەمىن. باسقا ماماندىقپەن تانىلۋعا مۇمكىندىك سىيلاعان اللاعا "شۇكىر" دەۋدەن جالىقپايمىن.

اسپازدىق &ndash؛ ەلىمىزدەگى تابىستى سالانىڭ ءبىرى دەپ ايتا الامىن

باسقا شىعارماشىلىق ادامدارى سەكىلدى, اسپاز دا ءبىر ورىندا تۇرىپ قالماي, ۇنەمى ىزدەنىس ۇستىندە جۇرۋگە ءتيىستى. بۇل كاسىپكە ۋاقىتشا, تابىس كوزى رەتىندە عانا قاراسام, جۇمىس ۋاقىتى بىتكەن سوڭ قايتىپ كەتە بەرسەم, كوپتىڭ ءبىرى عانا بولامىن. وفيستە 10-نان 6-عا دەيىن ىستەيتىن جۇمىس ەمەس. حالىق دەمالعان كۇنى بىزدە كەرىسىنشە. مەرەكە كۇندەرى گرافيك مۇلدەم تىعىزدالا تۇسەدى.

قازاقستاندا اسپازدىق سالا, مەيرامحانا كاسىبى جاقسى دامىماعان. وسىنى ەسكەردىم. تاپقان تابىسىمدى جيناپ, تاجىريبە جيناقتاۋ ءۇشىن شەتەلدەرگە شىقتىم. رەسەي, تۇركيا, بىرىككەن اراب امىرلىكتەرى سياقتى ەلدەرىندەگى اسپازدىقتىڭ قىر-سىرىنا قانىقپىن. 2018 جىلدىڭ كوكتەمىندە ۋكراينادا بولدىم. ول جاقتا جاڭا ادىسپەن جاسالىپ جاتقان مولەكۋلالىق اسحانانىڭ كۋرسىن ءتامامداپ كەلدىم. وسىلايشا, جىل سايىن شەتەلدەرگە شىعىپ, باسقا ەلدەردىڭ تاسىلدەرىن ۇيرەنۋ ۇستىندەمىن. وسى جىلى مامىردا يتالياعا بارىپ قايتۋعا نيەتتەنىپ ەم. قازىرگى جاعدايدى وزدەرىڭىز دە بىلەسىزدەر, كارانتين بولعان سوڭ ۇيدە بولدىم.  ؛

جوعارىدا ايتقانىمداي, اسپازدىق سالا كەنجەلەپ كەلە جاتسا دا, ەلىمىزدەگى تابىستى سالانىڭ ءبىرى دەپ ايتا الامىن. مىسالى مەنىڭ ايلىق تابىسىم ءمۇعالىمنىڭ جارتى جىلدىق ەڭبەگىمەن پارا-پار. شامامەن 1,2-1,5 ميلليون تەڭگە. وزىمىزبەن بىرگە وقىعان 28 بالانىڭ كوبى بۇل سالانىڭ "بولاشاعى جوق" دەپ ويلاپ ءار جەردە جۇمىس ىستەيدى, ساۋساقپەن سانارلىعى عانا اسپاز. كوپ اسپاز ەرتەڭگى كۇنىنە دۇرىس ماقسات قويا المايدى. جۇمىس گرافيگىن ناقتىلاپ سۇرايدى. جاڭا كىرىسىپ جاتقانىن ويلاماستان, ءبىرىنشى كەزەكتە ايلىعى قانشا دەپ  ؛انىقتايدى. جالاقى ءۇشىن عانا كەلىپ-كەتىپ ىستەپ جۇرگەندەردىڭ دە تالايىن كوردىم. ال شىن مانىندە بۇل ماماندىقپەن ۇلكەن تابىستارعا جەتۋگە بولاتىنىن ەشكىم ەسكەرمەيدى. ؛ ؛

بىر پارادوكستى ايتايىن. ءبىزدىڭ ەلدەگى اتاقتى مەيرامحانالار جەرگىلىكتى اسپازداردى مەنسىنبەيدى. ءوزىمدى تانىستىرىپ, جۇمىسقا بارماق بولسام, مەنى ەلەمەۋى دە مۇمكىن. ولار يتاليادان اسپاز الدىرۋدى ابىروي سانايدى. جاناعى يتاليالىق اسپاز ءوز ەلىندە كارتوپ قۋىرىپ ءجۇر مە, پياز تۋراي ما, جاي عانا پيسسا ازىرلەي مە, وعان ەشكىم ءمان بەرىپ جاتقان جوق. "تاماقتارىمىزدى يتاليالىق اسپاز جاسايدى" دەگەن ماقتانعا كۇشتى ءسوز عوي. سول ءۇشىن مەن اتىمدى برەندكە اينالدىرعىم كەلەدى. ءقازىردىڭ وزىندە مەنى ەكى جاققا دا ءتيىمدى ۇسىنىستارىن ءبىلدىرىپ, سۇراعان ايلىعىمدى بەرۋگە دايىن بىرنەشە جەرگە شاقىرىپ جاتىر.

اسپازدىق تەك ايەل ادامنىڭ جۇمىسى ەمەس

"اسپازدىق &ndash؛ ايەل ادامنىڭ جۇمىسى" دەپ باعالايتىندار بار. مەن وقۋعا تۇسكەن جىلى سونداي ستەرەوتيپ بولدى. بايقاساڭىز, ءقازىر دە جوق ەمەس. ءبىراق سوڭعى جىلدارى اسپاز جىگىتتەر كوپتەپ بوي كورسەتە باستادى. مەنەن اقىل-كەڭەس سۇرايدى. بۇل جاقسى عوي.

ەشكىمنىڭ الا ءجىبىن اتتاپ جاتقان جوقسىڭ. ءىشىپ, نە تەمەكى تارتىپ, بۇزىقتىق جاساپ جۇرگەن جوقسىڭ. ماڭداي تەرىڭمەن ەتكەن ەڭبەگىڭە "ەر ادامنىڭ جۇمىسى ەمەس" دەپ سىن ايتۋعا بولا ما؟!. ىستىق پەشتىڭ جانىندا 10-15 ساعات تىك تۇرىپ جۇمىس ىستەيسىڭ. كۇنىنە كەمى 20-30 (كەيدە 50-گە دەيىن) تاعام ازىرلەيسىڭ. ول دا ونەر. اسپاز بولعان سوڭ كوپشىلىگى ۇيدە دە تاماق پىسىرەدى دەپ ويلايتىن شىعار. ۇيگە بارعاندا تاماق جاسامايمىن. قوناق كەلگەندە عانا كومەكتەسەمىن.

ال ءقازىر مەن مەيرامحانادا تاعامداردىڭ ؛ ساپالى, ءبارىنىڭ بىردەي ءدامدى جاسالۋىن قاداعالايمىن. بالىق, سۋشي, پيسسا, ستەيك, تاتتىلەر, دەسەرت, ء ؛بارىن جاساي بەرەمىن. ؛ بارىنە ءوزىم ارالاسىپ, باقىلاپ جۇرەمىن.

كارانتين كەزىندە قول قۋسىرىپ وتىرمادىم

وسىعان دەيىن 2 جىلداي ورالدا جۇمىس ىستەدىم. ول جەردەگى رەستوران كارانتيندە جۇمىسىن توقتاتتى. ال مەن سول ۋاقىتتاردا الماتى مەن استانانىڭ ورتاسىندا ءجۇرىپ, ءوزىمنىڭ شەبەرلىك ساعاتتارىمدى وتكىزدىم. توقتاماي جۇمىس ىستەي بەردىم. ءتىپتى ەلىمىزدىڭ وزگە دە ۇلكەن قالالارىنا بارىپ, offline ؛ شەبەرلىك ساعاتتارىن وتكىزۋدى جوسپارلاپ ەم. كارانتين كۇشەيتىلگەن ؛ سوڭ, ونىڭ بارلىعىن باسقاشا قۇراستىرىپ, اتا-انامنىڭ جانىنا اتىراۋعا باردىم. ءسويتىپ وندا دا ۋاقىتتى تەككە وتكىزبەي, ينستاگرام جەلىسى ارقىلى اقىلى ونلاين شەبەرلىك ساعاتتارىن وتكىزە باستادىم. تىنىم تاپپايتىن اداممىن. كارانتين كەزىندە تىعىلىپ تاۋعا شىعىپ, تاماق ءپىسىرىپ, سۋرەتكە ءتۇسىرىپ, جارنامامەن اينالىسىپ, شەبەرلىك ساعاتتارىن وتكىزىپ, ايتەۋىر ارەكەتسىز جاتپاۋدىڭ بار امالىن جاسادىم. ءقازىر جارنامانىڭ زامانى عوي. ينستاگرامدى قولعا الىپ, جۇرگىزىپ جاتقانىما ءبىر جىلدان استى

 ؛
 ؛
 ؛
پوسموترەت ەتۋ پۋبليكاسيۋ ۆ instagram
 ؛
 ؛

بارشالارىڭىزعا قايىرلى كەش! ء؟قازىر ەلىمىز,حالقىمىز كوپتەگەن قيىندىقتاردى باستان وتكىزۋدە. قانشاما ادام وسىنىڭ سالدارىنان, وكىنىشكە وراي دۇنيە سالىپ جاتىر. اللا پاناسىنا السىن دەيمىز! ؟بارىڭىزگە ءمالىم بۇكىل مەيرامحانالار كارانتينگە جابىلدى. كارانتين قاشان اياقتالاتىنى بەلگىسىز. ال ەندى, كوپشىلىكتىڭ سۇراۋى بويىنشا مەندە بوس وتىرماي, ءوزىمنىڭ قولىمنان شىققان, ءدامدى تاعامداردى, تۋعان جەرىم- اتىراۋ حالقىنا ۇسىنباقپىن. ؟ازىرگە مەنيۋ: ؟اۆتورلىق بۋرگەر ؟چيكەن (كفس) ؟ارنايى اۆتورلىق سوۋستار ❗️قالعان اقپاراتتى جۋىردا سىزدەرگە ۇسىناتىن بولامىز.✔️

پۋبليكاسيا وت باعدات تالعاتۇلى☆باس اسپاز (@bagdat_cook)

تابىسىمنىڭ جارتىسىنا 7 وتباسىعا ءبىر ايلىق ازىق-تۇلىك جەتكىزىپ, مۇقتاج جاندارعا كومەكتەسىپ, اتىراۋ وبلىستىق اۋرۋحاناسىنىڭ حيرۋرگيا بولىمىندە ىستەپ جاتقان 50 شاقتى دارىگەرگە ءبىر كۇندىك تاماقتارىن دايىنداپ جەتكىزدىم. سونداي-اق وزگە دە ازاماتتارمەن بىرلەسىپ, ماقتاارالعا كومەك كورسەتتىك. ءوزىم دەپ جۇرگەننەن گورى, وزگەلەرگە كومەكتەسسەڭ, ىشتەي ءبىر رۋحاني بايىعانداي, جاقسى بولىپ قالاسىڭ عوي. ساداقانىڭ جاريا دا, جاريا ەمەس تە ءتۇرى بار. ايتىپ ماقتاندى دەمەڭىزدەر, وزىمنەن كەيىنگىلەرگە ۇلگى بولسىنشى دەگەن نيەتىمدى عانا تۇسىنەرسىزدەر. ساداقا &ndash؛ بەرەكە كىلتى دەپ جاتامىز. وسىعان كوپ ادام ءمان بەرمەيدى. اللانىڭ رازىلىعى ءۇشىن مۇمكىندىگىم جەتكەنشە ءجيى ساداقا بەرۋدى ءجون كورەمىن. كەيدە شىن قينالعان كەزىمدە تابىس تۇسەدى, بانكەت شىعىپ قالادى, سونىڭ بارلىعى جاساعان امالدارىمنىڭ بەرەكەسى شىعار دەپ ويلايمىن.

جاس اسپازداردى ەۋروستاندارتپەن دايارلايتىن مەكتەپ اشقىم كەلەدى

اسپاز باعدات تالعاتۇلى جۇمىس بارىسىندا

كوبىسى وقۋ كەرەك, ديپلوم كەرەك دەپ كۇيىپ-پىسەدى. مەن ءوز ويىمدى ايتايىن. وقۋ كەرەك. ءبىراق ديپلوم الىپ باسقا سالانىڭ سوڭىندا كەتەتىندەر ءقازىر كوپ. ول &ndash؛ ادامنىڭ ءوزىن-وزى تۇسىنبەۋىنە, بولاشاعىن جوسپارلاي الماۋىنا اپارىپ سوعادى. ؛ ەڭ الدىمەن سەن ىشتەي نە قالايتىنىڭدى ءتۇسىنۋىڭ كەرەك. ؛ مىسالى پىشاق ۇستاپ بىلمەسەڭ, ؛ ءدامنىڭ ۇيلەسىمىن تابا الماساڭ, اس ازىرلەۋگە دەگەن تالعامىڭ, يكەمىڭ بولماسا, ديپلوم ساتىپ العانىڭنان نە پايدا؟ ماقساتسىز, مازمۇنسىز ءومىر سۇرۋگە بولمايدى.

مەن ءوزىمدى بەس جىلدان كەيىن جاس اسپازداردى ەۋروستاندارتپەن دايارلايتىن مەكتەبى بار, اۆتورلىق تاعامدارىن ۇسىناتىن جەكە مەيرامحاناسى بار, ۇلكەن كومانداسى بار (ازىرگە 3-4 شاكىرتىم بار) قازاقستانداعى باس اسپاز رەتىندە ەلەستەتەمىن. ؛ ءقازىر دە مەيرامحاناداعى تاماقتى ءۇي جاعدايىندا قالاي جاساۋعا بولاتىنىن كورسەتىپ, ؛ ونلاين كۋرستار جۇرگىزىپ جاتىرمىن. الايدا مۇندا مەن ۇيرەنۋشىگە تولىققاندى اقپارات بەرمەيمىن. مىسال رەتىندە ەتتەن جاسالعان سالاتتى الايىق. مەن ونى قالاي جاساۋ كەرەگىن ايتامىن, ءبىراق ەت جىلقىنىڭ قاي بولىگىنەن الىنعانىن ايتپايمىن. سول سياقتى, بۇل سالانىڭ ءوزىم بىلگەن, زەرتتەگەن قۇپيالارىن بولاشاق اسپازدارعا ۇيرەتكىم كەلەدى. تۇركياداعى نۋسرەت اسپاز بولماساق تا, 3-4 جىلدا قازاقستاندا باعدات دەگەن اسپاز بار دەيتىن اتىمدى شىعارۋعا دامىلسىز جۇمىس ىستەپ جاتقان جايىم بار.

ميشلەن جۇلدىزى دەگەن بار. جوعارى دەڭگەيدەگى مەيرامحانالارعا بەرىلەتىن جۇلدىز. ونىڭ دا تالاپ, شارتتارى بار, كەز كەلگەن ءدامحانانىڭ قولى جەتپەيتىن جۇلدىز دەۋگە بولادى. ؛ قاراپايىم قاسىق پەن شانىشقىنىڭ قويىلۋىنىڭ دا, بالىقتى وڭ جاقتان, ەتتى سول جاقتان ۇسىنادى دەگەن سياقتى ءاربىر ەلەمەنتتىڭ ءوز ستاندارتتارى بار. ميشلەن جۇلدىزىن العىڭ كەلسە, مەيرامحانادا ءبارى سوعان ساي بولۋعا ءتيىس. ؛ بۇل جۇلدىزدى كورشىلەس رەسەيدىڭ وزىندە مىقتى اسپازداردىڭ ەشقايسىسى الماعان. بۇل &ndash؛ بىزگە ءالى كوپ ىزدەنۋ كەرەك دەگەن ءسوز.

وقىرمانعا تۇسىنىكتى بولۋ ءۇشىن قاراپايىم تىلمەن جەتكىزىپ كورەيىن. مىسالى, ءبىز ميشلەن جۇلدىزىن الدىق دەلىك. مالايزيادا پرەزيدەنتتىڭ اسپازىن الماستىرۋ كەرەك بولسا, قازاقستانداعى باعدات بار, ول ازياتتىق تاعامداردى جاقسى جاسايدى دەپ مەنى سوندا جىبەرۋى مۇمكىن. باسقا دا سامميت, جينالىستاردى مىسالعا الۋعا بولادى. مەن ەكى رەت ەلباسىعا تاماق جاساعانمىن. ول كىسىگە تاماق جاساۋعا اسپازداردى ماسكەۋدەن شاقىرتتى. ال مەن كومەكشى رەتىندە اتسالىستىم.

اسپازدىقتىڭ جوعارعى شىڭىنا جەتەمىن دەگەن ادام ۇيىقتامايدى, ۇنەمى ىزدەنىستە جۇرۋگە ءتيىس. جەتىستىككە جەتۋدىڭ بارلىق كاسىپكە قاتىستى جالعىز-اق قۇپياسى بار دەپ ويلايمىن. ول &ndash؛ ەڭبەك, ەڭبەك جانە ەڭبەك. ومىردە ەڭبەكسىز ەشتەڭە بەرمەيدى. از ۇيىقتاپ, كوپ جۇمىس ىستەۋ كەرەك. ءوزىمنىڭ شاكىرتتەرىمە دە سولاي ايتامىن. ۇيىقتايتىن ۋاقىت كەلەدى ءالى. جاس كەزدە ءبارىن قارماپ ۇلگەرۋ كەرەك.

قاراپايىم اسپازدىڭ تابىستى اسپازعا اينالۋى ءۇشىن ءبىرىنشى تالانتى بولۋى كەرەك, ودان كەيىن ەڭبەكتەنۋى, ىزدەنۋى ءتيىس. مىسالى مەن جاڭا تاعامداردى, يدەيانى كوبىنە ينستاگرام ارقىلى الامىن. كەيدە باسقا ءدامحانادان ؛ ءبىر تاعامنىڭ ءدامىن تاتسام, ءبىر نارسە جەتپەي تۇرادى. سولاردى ويىما ساقتاپ الامىن دا, كەلەسى كۇنى ىسكە اسىرامىن. ىشىندەگى ەلەمەنتتەرىن اۋىستىرىپ, ۇيلەستىرەمىن. باسقاشا وڭدەپ, ۇسىنامىن.

قالىڭ جۇرتشىلىقتىڭ مەنىڭ قولىمنان ءدام تاتۋى ءۇشىن ارنايى ىزدەپ كەلەتىن كۇنگە جەتۋ ءۇشىن ءالى دە تىنىمسىز ەڭبەك ەتۋگە ازىرمەن.

گۇلىم جاراسقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر