بايبەك ۇيلەرى ورتەنگەن شىمكەنت تۇرعىندارمەن ءۇشىنشى رەت كەزدەستى

"nur otan" پارتياسى ءتوراعاسىنىڭ ءبىرىنشى ورىنباسارى باۋىرجان بايبەك وڭتۇستىككە ساپارى بارىسىندا شىمكەنت قالاسىندا بولىپ, بىلتىر ءورت سالدارىنان باسپاناسىز قالعان تۇرعىندارمەن جۇزدەستى.

"شىمكەنت قالاسىندا بىلتىرعى ماۋسىم ايىندا ۇيلەرى ورتەنگەن ۆودوپيانوۆ كوشەسىندەگى كوپقاباتتى ءۇيدىڭ تۇرعىندارىمەن كەزدەستىم. بۇل &ndash؛ ءبىر جىل ىشىندەگى ءۇشىنشى كەزدەسۋىمىز. تۇرعىنداردى الداعى قونىس تويلارىمەن قۇتتىقتادىم.

جاڭا تۇرعىن ءۇي سالۋ ماسەلەسى جىل بويى پارتيانىڭ ەرەكشە باقىلاۋىندا بولدى. "nur otan" دەپۋتاتتارىنىڭ قولداۋىمەن 5 قاباتتى ءۇيدى سالۋعا جانە ينجەنەرلىك جەلىلەردى تارتۋعا جەرگىلىكتى بيۋدجەتتەن 550 ملن. تەڭگە ءبولىندى. جۇمىستىڭ ساپاسى مەن مەرزىمىنىڭ ساقتالۋىن پارتيالىق باقىلاۋ كوميسسياسى قاداعالادى.

"nur otan" پارتياسى فيليالىنىڭ ءتوراعاسى, قالا اكىمى م.ايتەنوۆتىڭ ايتۋىنشا, الدىڭعى ساپاردا ۋادە ەتىلگەندەي, 42 وتباسى وسى قاراشا ايىندا قۇقىق بەلگىلەيتىن قۇجاتتارىن قولدارىنا الىپ, جاڭا پاتەرلەرگە قونىستانا الادى.

وسى ءساتتى پايدالانا وتىرىپ, قيىندىققا تاپ بولعاندارعا قول ۇشىن سوزىپ, ۋاقىتشا باسپانامەن, كيىم-كەشەكپەن جانە بارلىق كەرەك-جاراعىمەن قامتاماسىز ەتكەن بارشا پارتيالاستار مەن اقجۇرەك ازاماتتارعا العىس بىلدىرەمىن", ؛&ndash؛ دەپ جازدى پارتيا ءتوراعاسىنىڭ ءبىرىنشى ورىنباسارى جەلىدەگى پاراقشاسىندا.